Петӧм 12:15 - Коми Библия 2023

¹⁵ Сизим лун чӧж сёйӧй шомтӧм нянь. Медводдза лунӧ петкӧдӧй няньшомсӧ керкасьыныд. Ӧд медводдза лунсяньыс сизимӧд лунӧдз коді кутас сёйны шоммӧдӧм нянь, сійӧс лоӧ бырӧдӧма Израиль войтыр пӧвстысь.

Петӧм 12:15 Kruisverwysings

Олӧм 17:14

Кодлысь [кӧкъямысӧд лунӧ] оз ло вундыштӧма чильган йывсьыс кучикторсӧ, сійӧс мед лоӧ ӧтдортӧма аслас войтыр пӧвстысь, ӧд сійӧ торкӧ Менсьым йитӧдӧс, мый Ме кӧрталі тіянкӧд».

2 Каднебӧг 30:21

Ерусалимӧ чукӧртчӧм Израиль войтыр ёна нимкодясьӧмӧн сизим лун чӧж пасйис Шомтӧм нянь сёян лунъяс. Левитъяс да попъяс быд лун ошкисны Господьӧс ворсанторъясӧн, кодъясӧс вӧлі вӧчӧма Господьӧс ошкӧм вылӧ.

Ездра 6:22

Сизим лун чӧж найӧ нимкодясьӧмӧн пасйисны Шомтӧм нянь сёян лунъяс. Господь тыртіс йӧзыслысь сьӧлӧмсӧ нимкодьлунӧн, ӧд Сійӧ бергӧдіс налань ассурса ӧксылысь сьӧлӧмсӧ, и сійӧ отсаліс лэптыны Израильлӧн Енлы крам.

Петӧм 12:8

Войнас мед сёясны би вылын пражитӧм яйсӧ шомтӧм няньӧн да курыд турунъясӧн.

Петӧм 13:3

Мӧисей шуис войтырыслы: «Энӧ вунӧдӧй сійӧ лунсӧ, кор Господь вына кинас петкӧдіс тіянӧс Египетысь, и ті мынінныд нартитӧм улысь. Тайӧ лунӧ энӧ сёйӧй шоммӧдӧм нянь.

Петӧм 23:15

Менам тшӧктӧм серти индӧм кадӧ авив тӧлысьӧ сизим лун чӧж пасйӧй Шомтӧм нянь сёян лунъяс. Сёйӧй сэки шомтӧм нянь. Ӧд авив тӧлысьӧ ті петінныд Египетысь. Энӧ локтӧй Ме водзӧ куш киӧн.

Петӧм 30:33

Коді вӧчас татшӧм выйсӧ либӧ мавтыштас бокысаӧс, сійӧс лоӧ бырӧдӧма аслас войтыр пӧвстысь».

Петӧм 30:38

Коді вӧчас аслыс татшӧм тшынӧдчанторсӧ, сійӧс лоӧ бырӧдӧма аслас войтыр пӧвстысь».

Петӧм 31:14

Энӧ торкӧй шойччан лунсӧ, ӧд тайӧ луныс тіянлы вежа. Коді пежалас шойччан лун, сійӧс колӧ вины. Коді тайӧ лунӧ кутас уджавны, сійӧс лоӧ бырӧдӧма аслас войтыр пӧвстысь.

Петӧм 34:18

Пасйы Шомтӧм нянь сёян лунъяс. Сизим лун чӧж сёй шомтӧм нянь индӧм кадӧ авив тӧлысьӧ, кыдзи Ме тшӧкті тэныд, ӧд авив тӧлысьӧ тэ петін Египетысь.

Петӧм 34:25

Меным вись пыдди вир вайигӧн энӧ вайӧй шома нянь. Ыджыдлунся висьысь асылӧдзыс нинӧм энӧ кольӧй.

Левит 17:10

«Израиль войтыр пӧвстысь либӧ йӧз муысь локтысьяс пӧвстысь кӧ кодкӧ сёяс вир, Ме паныд сувта сылы да бырӧда сійӧс войтыр пӧвстысь,

Левит 17:14

Быд ловъя олысьлӧн олӧмыс сылӧн вирас. Ме ӧлӧді Израиль пиянӧс, медым эз сёйны некутшӧм вир, ӧд быд ловъя олысьлӧн олӧмыс сылӧн вирас. Вир сёйысьӧс лоӧ бырӧдӧма.

Малакий 2:12

Господь мед бырӧдас Яков рӧдысь быдӧнӧс, коді дорйӧ татшӧмтор вӧчысьӧс. Мед оз сюр некод, коді эськӧ сы вӧсна вись ваяс Господь Саваофлы.

Лыд 28:17

а дас витӧд лунсянь сизим лун чӧж гаж, кор колӧ сёйны шомтӧм нянь.

Лыд 9:13

Коді сӧстӧм да абу [ылі] туйын, но Ыджыд лунсӧ оз пасйы да индӧм кадӧ оз вай Господьлы висьсӧ, сійӧс лоӧ бырӧдӧма аслас войтыр пӧвстысь. Сійӧ мыжа.

Матвей 16:12

Сэки найӧ гӧгӧрвоисны, мый Исус тшӧктіс видзчысьны налы фарисейяслӧн да саддукейяслӧн велӧдӧмысь, эз няньшомысь.

Лука 12:1

Сэккості чукӧрмис уна сюрс морт, найӧ весиг дзескӧдісны ӧта-мӧднысӧ. Исус медводз шыасис велӧдчысьяс дінас: «Видзчысьӧй фарисей няньшомысь, налӧн кодь кык бана оласногысь.

Лука 2:43

Ыджыд лун бӧрын Ӧсип да Исуслӧн мамыс бӧр мӧдӧдчисны гортаныс. Зонка кольччис Ерусалимӧ. Та йылысь найӧ эз тӧдны,

Ап. уджъяс 12:3

Ирӧд аддзис, мый тайӧ сьӧлӧм вылас воис иудейяслы, да тшӧктіс босьтны тшӧтш Петырӧс. Сэки буретш пасйисны Шомтӧм нянь сёян лунъяс.

Галатӧ 5:12

Тіянӧс падмӧдысьяс, колӧкӧ, мед кодзасны асьнысӧ!

Индӧд 16:3

Тайӧ висьыскӧд энӧ сёйӧй шоммӧдӧм нянь. Сизим лун чӧж сёйӧй шомтӧм нянь, шогдырся няньнытӧ, ӧд ті тэрмасьӧмӧн петінныд Египет муысь. Тадзи став олӧм чӧжныд ті кутанныд казьтывны Египетысь петан лунтӧ.

Индӧд 16:5

Быд карын, мый Господь, тіян Енныд, сетас тіянлы, оз позь начкыны ыджыдлунся висьсӧ,

Индӧд 16:8

Квайт лун чӧж сёйӧй шомтӧм нянь. Сизимӧд луннас тіян мед лоӧ Господьлы, тіян Енлы, сиӧм вежа чукӧртчӧм. Сэки энӧ уджалӧй».