Петӧм 10:2 - Коми Библия 2023

² медым аслад пияныдлы да налӧн пияныслы тэ висьталін, кутшӧм ногӧн Ме янӧді египетсаясӧс да кутшӧм индысьпасъяс петкӧдлі налы. Сэки ті тӧдмаланныд, мый Ме – Господь».

Петӧм 10:2 Kruisverwysings

Ӧксыяслӧн 2 небӧг 7:22

Господьӧй Ыджыдӧй, Тэ – ыджыд Ен! Тэ кодь мӧдыс абу! Тэысь кындзи мӧд Енмыс абу! Тэ йылысь висьталӧ ставыс, мый ми кывлім.

Псалтыр 44:1

Сьылысьясӧн веськӧдлысьлы. Сьылӧны ”Шушан” шылад улӧ. Корей пиянлӧн сьыланкыв. Муслун йылысь.

Псалтыр 44:2

Менам сьӧлӧмысь петӧны мича кывъяс, ме сьыла ӧксы йылысь, кывъясӧй ворсӧдчӧны мичаа гижысьлӧн ки моз.

Псалтыр 58:11

Менам Енмӧй бур сьӧлӧма ме дінӧ, Сійӧ нуӧдӧ менӧ. Енмыс сетас меным аддзыны, мый лоас менӧ мустӧмтысьяскӧд.

Псалтыр 71:18

Ошкӧм Господь Енлы, Израильлӧн Енлы, Сійӧ ӧтнасӧн вӧчӧ шензьӧданаторъяс.

Псалтыр 78:3

Налӧн вирыс шорӧн визувтіс Ерусалим гӧгӧр, найӧс некодлы вӧлі гуавнысӧ.

Петӧм 13:14

Тэнад пиыд кӧ юалас, мыйла тэ тадзи вӧчан, висьтав сылы: ”Аслас вына кинас Господь петкӧдіс миянӧс Египет муысь нартитӧм улысь.

Петӧм 14:18

Египетса йӧз тӧдмаласны, мый Ме – Господь, кор Ме петкӧдла Ассьым вынӧс сы пыр, мый лоас фараонкӧд да сылӧн вӧла-тарантаса тышкайӧзкӧд».

Петӧм 14:4

Ме чорзьӧда фараонлысь сьӧлӧмсӧ, и сійӧ уськӧдчас вӧтчыны израильсаяс бӧрся. Но Ме петкӧдла Ассьым вынӧс сы пыр, мый Ме вӧча фараонкӧд да сылӧн став тышкайӧзкӧд. Египетса йӧз тӧдмаласны, мый Ме – Господь». Израиль войтыр вӧчис Господьлӧн тшӧктӧм серти.

Петӧм 7:17

та вӧсна Господь тадзи висьталӧ: ӧні тэ тӧдмалан, мый Ме – Господь. Тайӧ бедьнас ме вачка Нил юлӧн ва веркӧсас, и ваыс пӧрас вирӧ.

Петӧм 7:5

Кор Ме лэпта киӧс Египет вылӧ да петкӧда сэтысь Израиль пиянӧс, сэки египетсаяс тӧдмаласны, мый Ме – Господь».

Петӧм 8:6

Аарон нюжӧдіс кисӧ египетса ваяслань [да петкӧдіс сэтысь жабаясӧс]. Жабаяс петісны да вевттисны ставнас Египет мусӧ.

Исай 38:19

Но сӧмын ловъяяс ошкӧны Тэнӧ, кыдзи ме ӧні ошка. Батьыс висьталас челядьыслы Тэнад эсканлуныд йылысь.

Езекиль 20:26

Найӧ сотлісны биын ассьыныс медводдза чужысь пиянсӧ. Ме лэдзи налы пежавны асьнысӧ татшӧм висьяснас, но ысті на пӧвстӧ ыджыд полӧм да сеті налы тӧдны, мый Ме – Господь.

Езекиль 20:28

Ме вайӧді найӧс муӧ, мый киӧс лэптӧмӧн кӧсйыси сетны налы. Но быдлаын, кӧні аддзисны джуджыд мыльк либӧ пашкыр пу, найӧ кутісны вайны висьяснысӧ да вайӧмторъяснысӧ. Тайӧн найӧ скӧрмӧдісны Менӧ. Найӧ тшынӧдлісны сэні чӧскыд ӧвтанторъяснысӧ да кисьтавлісны вина висьнысӧ.

Йоиль 1:3

Висьтавлӧй та йылысь асланыд ныв-пилы, тіян ныв-пиныд мед висьталасны асланыс ныв-пилы, а найӧ мед юӧртасны водзӧ чужысьяслы.

Ефесӧ 6:4

Батьяс, энӧ дӧзмӧдӧй ассьыныд челядьнытӧ, но быдтӧй-велӧдӧй найӧс Господьлӧн кӧсйӧм серти.

Индӧд 4:9

Сюся видзӧдӧй ас бӧрсяныд, видзӧй сьӧлӧмнытӧ. Энӧ вунӧдӧй, мый аддзылінныд асланыд синмӧн, видзӧй сійӧс сьӧлӧманыд став олан лунъяс чӧжныд да висьталӧй сы йылысь асланыд ныв-пилы да налӧн ныв-пиыслы.