Петӧм 1:7 - Коми Библия 2023

⁷ Израиль войтырлӧн чужис зэв уна ныв-пи. Тадзи войтырыс ёна содіс да паськаліс став му пасьталаыс.

Петӧм 1:7 Kruisverwysings

Олӧм 1:20

Ен шуис: «Ваыс мед тырас ловъя олысьясӧн. Лэбачьяс мед лэбаласны му весьтӧд, енэжвевттіыс». [И лои тадз.]

Олӧм 1:28

Ен бурсиис найӧс шуалӧмӧн: «Чужтысьӧй-рӧдмӧй, овмӧдӧй мусӧ да видзӧй сійӧс, ыджыдалӧй саридзса черияс да енэжвыв лэбачьяс вылын, [мувыв пемӧсъяс вылын, став муыс да] му вылас став котралысь-веглясьысь вылын».

Олӧм 12:2

Ме сета тэсянь чужны унасьыс-уна войтырлы, бурсиа да нимӧда тэнӧ, и тэ лоан мукӧдлы бурсиӧмӧн!

Олӧм 13:16

Тэсянь чужысьыс лыа чир мында лоас. Вермас кӧ кодкӧ артавны лыа чирсӧ, вермас артавны и тэсянь чужысьсӧ.

Олӧм 15:5

Господь петкӧдіс Ӧврамӧс ывлаӧ да шуис: «Видзӧдлы енэжас да лыддьы кодзувъяссӧ, верман кӧ. Та мында жӧ лоас тэсянь чужысьыс».

Олӧм 17:16

Ме бурсиа сійӧс да сета сылы чужтыны тэныд пиӧс. Бурсиа Сарраӧс, и сысянь чужасны войтыръяс да войтыръяслӧн ӧксыяс».

Олӧм 22:17

мый озыра бурсиа тэнӧ да сета тэныд уна чужысьӧс. Найӧ лоасны сы мында, мыйта енэжас кодзулыс да саридз дорын лыаыс. Найӧ босьтасны вӧрӧглысь каръяссӧ.

Олӧм 26:22

Сэсся муніс сэтысь да кодйис выль юкмӧс, мый йылысь найӧ эз нин вензьыны. Исаак пуктіс юкмӧслы Реховот ним, ӧд шуис, Господь пӧ сетіс миянлы паськыд места, и ми рӧдмам тайӧ му вылас.

Олӧм 26:4

Тэсянь чужысьяс лоӧны енэжвыв кодзувъяс мында. Ме содта налысь лыдсӧ да сета налы став тайӧ мусӧ. На пыр бурсиӧмыс вуджас мувывса быд войтырлы,

Олӧм 28:14

Тэсянь чужысьыс лоӧ лыа чир мында. Тэ паськӧдчан рытыввылӧ и асыввылӧ, войвылӧ и лунвылӧ. Тэ да тэсянь чужысьяс пыр бурсиӧмыс вуджас быд войтырлы.

Олӧм 35:11

Нӧшта Ен шуис сылы: – Ме – Ставсӧвермысь Ен. Рӧдмы-чужтысь, тэсянь петасны войтыръяс, тэсянь чужасны ӧксыяс.

Олӧм 46:3

Ен шуис: «Ме – Ен, тэнад батьлӧн Ен. Эн пов мунны Египетӧ. Сэні Ме сета тэсянь чужны унасьыс-уна войтырлы.

Олӧм 47:27

Израильсаяс олісны Египетын, Гошен муын, мый вӧлі сетӧма налы. Сэні найӧ чужтысисны да ёна рӧдмисны-паськалісны.

Олӧм 48:16

Андел, коді мездіс менӧ быдпӧлӧс лёкысь, мед бурсиас тайӧ зонъяссӧ. На пыр мед нималас менам нимӧй, тшӧтш Ӧвраам да Исаак батьяслӧн нимъясыс. Насянь мед уна чужысь лоас му вылын.

Олӧм 48:4

Сійӧ шуис: ”Ме сета тэныд уна чужысьӧс. Тэ лоан войтыръяслы батьӧн. Тэсянь чужысьяслы Ме сета тайӧ мусӧ нэмъяс кежлӧ”.

Олӧм 9:1

Ен бурсиис Нойӧс да сылысь пиянсӧ: «Чужтысьӧй-рӧдмӧй, овмӧдӧй мусӧ [да видзӧй сійӧс].

Неемий 9:23

Налысь пиянсӧ Тэ рӧдмӧдін енэжвыв кодзувъяс мында. Тэ вайӧдін найӧс сійӧ муас, мый йылысь Тэ кӧсйысьлін налӧн батьяслы.

Псалтыр 105:24

Найӧ нинӧмӧ пуктісны бур мусӧ, эз эскыны Господьлӧн кывйӧ,

Петӧм 1:12

Кымын ёнджыка топӧдісны Израиль войтырӧс, сымын ёнджыка найӧ рӧдмисны-паськалісны. Египетсаясӧс таысь полӧм босьтіс,

Петӧм 12:37

Израиль войтыр петіс Рамсесысь да мӧдӧдчис Суккотӧ. Аньясӧс да ныв-писӧ артавтӧг пода мортыс вӧлі квайтсё сюрс гӧгӧр.

Петӧм 5:5

«Вывті уна войтырӧс ті кӧсъянныд торкны уджысь», – содтіс фараон.

Езекиль 16:7

Ме быдті тэнӧ видзвыв турунӧс моз. Тэ быдмин, верстяммин да лоин мичасьыс-мича. Тэнад гӧрддзассис морӧсыд, быдмис юрсиыд, но тэ вӧлін пасьтӧм.

Ап. уджъяс 13:17

Израиль войтырлӧн Ен бӧрйис миянлысь батьяснымӧс, рӧдмӧдіс тайӧ войтырсӧ Египет муын да вына кинас петкӧдіс найӧс сэтысь.

Индӧд 10:22

Египетӧ локтігӧн тіян батьяслӧн лыдыс вӧлі сизимдас [вит] морт, а ӧні Господь, тіян Енныд, содтіс тіянӧс, и ті лоинныд енэжвыв кодзувъяс мында».

Индӧд 26:5

И тэ аслад Господь Ен водзын шу: ”Батьӧй вӧлі арамса ветлысь-мунысь. Сійӧ локтіс Египетӧ да овмӧдчис сэтчӧ этшаник йӧзкӧд. Сысянь чужис уна лыда, ыджыд да ён войтыр.