Петӧм 1:21 - Коми Библия 2023

²¹ Сыысь, мый гӧгиньяс полісны Енмысь, Енмыс бурсиис найӧс челядьӧн.

Петӧм 1:21 Kruisverwysings

Ӧксыяслӧн 3 небӧг 11:38

Тэ кӧ пондан кывзысьны Менсьым, ветлыны Менам туйясӧд, вӧчны Ме водзын шогманасӧ да овны Менам индӧд-тшӧктӧмъяс серти, кыдзи оліс Менам Давид кесйӧгӧй, Ме лоа тэкӧд. Давидлысь рӧдсӧ моз Ме вӧча зумыдӧн тэнсьыд рӧдтӧ. Ме сета тэныд Израильӧс.

Ӧксыяслӧн 3 небӧг 2:24

Ловъя Господь водзын, коді Аслас кӧсйысьӧм серти ёнмӧдіс менӧ, пуксьӧдіс менӧ Давид батьӧйлӧн юралан пуклӧсӧ да зумыдмӧдіс менсьым рӧдӧс, ме кыв сета: талун Адоний кулас!»

Псалтыр 112:1

Аллилуйя! Господьлӧн кесйӧгъяс, ошкӧй Господьлысь нимсӧ!

Псалтыр 127:1

Крамӧ мунігӧн сьылӧм. Шуда сійӧ, коді полӧ Господьысь, ветлӧ Сылӧн туйясӧд.

Псалтыр 127:3

Тэнад керкаын гӧтырыд лоӧ вотӧс вайысь виноград пу кодь. Пызан сайын тэнад пияныд лоӧны олив пулӧн вожъяс кодьӧсь.

Псалтыр 37:3

Тэнад ньӧвъясыд сатшисны меӧ, Тэнад киыд личкӧ менӧ.

Петӧм 1:17

Гӧгиньяс полісны Енмысь, та вӧсна эз кутны кывзыны египетса ӧксыӧс, пи кагаясӧс найӧ ловйӧн кольлісны.

Шусьӧгъяс 24:3

Мывкыдлуныд керкатӧ лэптӧ, вежӧрыд видзӧ-кутӧ сійӧс,

Еклесиаст 8:12

Мыжа морт вӧчӧ лёксӧ сё пӧвстӧн да сирасьӧ сэтчӧ. Но ме тӧда, мый Енсьыс полысьлы аслас вежавидзӧм вӧсна бур лоӧ.

Еремей 35:2

«Мун Рекав рӧд дінӧ, сёрнит накӧд да вайӧд найӧс Господьлӧн крамӧ. Сэні кутшӧмкӧ вежӧсын сет налы юны вина».

Ӧксыяслӧн 1 небӧг 2:35

Аслым Ме сувтӧда попӧс, коді кутас кывзысьны Менсьым да збыльмӧдны Менсьым кӧсйӧмӧс. Сылысь рӧдсӧ вӧча зумыдӧн. Став олӧм чӧжыс сійӧ кутас кесъявны Менам мавтыштӧма водзын.

Ӧксыяслӧн 1 небӧг 25:28

Прӧстит менӧ збойлунысь. Тэ нуӧдан Господьлысь тышъяс, та вӧсна Сійӧ зумыдмӧдас тэнсьыд рӧдтӧ, ыджыдӧй. Став олӧм чӧжыд лёкыс оз су тэнӧ.