Осий 9:8 - Коми Библия 2023

⁸ Ме, пророк, аслам Енкӧд ӧтвыв видза Ефремӧс, но менам став туйяс вылӧ пукталӧма дзуг, весиг Ен керкаын меным паныд сувтӧны.

Осий 9:8 Kruisverwysings

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Ӧксыяслӧн 3 небӧг 18:1

Зэртӧм кадӧ коймӧд вонас Иллялы вӧлі Господьсянь кыв: «Мун Ахав дінӧ. Сэсся Ме ыста му вылас зэр».

Ӧксыяслӧн 3 небӧг 18:19

Ӧні мӧдӧд йӧзтӧ, мед Кармил керӧсӧ чукӧртасны ме дінӧ став Израиль войтырӧс, тшӧтш Вааллысь нёльсё ветымын пророкӧс да Астарталысь нёльсё пророкӧс, кодъяс сёйӧны Езавельлӧн пызан сайын».

Ӧксыяслӧн 3 небӧг 22:11

Кенаанлӧн Седекей пиыс вӧчис аслыс кӧрт сюръяс да шуис: «Господь тадзи висьталӧ: ”Тайӧ сюръяснас тэ люкалан арамейясӧс да бырӧдан найӧс”».

Ӧксыяслӧн 3 небӧг 22:22

”Ме муна да кута висьтавлыны ылӧгсӧ сылӧн пророкъяс пыр”, – вочавидзис лов. Господь шуис: ”Ылӧдлы. Тэнад артмас. Мун да вӧч тадзи!”

Ӧксыяслӧн 3 небӧг 22:28

Микей шуис ӧксылы: «Тэ кӧ локтан тыш вылысь ловйӧн, сідзкӧ, эз Господь ме пыр сёрнит». Нӧшта шуис: «Кывзӧй, войтыръяс!»

Ӧксыяслӧн 3 небӧг 22:6

Израильса ӧксы чукӧртіс нёльсё гӧгӧр пророкӧс да юаліс налысь: «Мый шуанныд, уськӧдчыны-ӧ меным галаадса Рамот кар вылӧ?» Пророкъяс вочавидзисны: «Уськӧдчы. Господь сетас сійӧс тэнад киӧ, ӧксыӧй».

Ӧксыяслӧн 4 небӧг 13:21

Ӧтчыд израильсаяс вӧлі дзебӧны кулӧм мортӧс. Моавса тышкайӧзӧс аддзӧм бӧрын гуасьысьяс шыбитісны шойсӧ Елисейлӧн дзебанінӧ да пышйисны. Кор кулӧм мортлӧн шойыс инмис Елисейлӧн лыясӧ, мортыд ловзис да сувтіс кок вылас.

Ӧксыяслӧн 4 небӧг 2:14

Сэні Елисей кучкис Иллялӧн кышаннас ваӧ да шуис: «Кӧні ӧні Господь, Иллялӧн Енмыс?» Кор Елисей кучкис ваас, юыс шӧри потіс, и Елисей вуджис юсӧ.

Ӧксыяслӧн 4 небӧг 2:21

Елисей муніс ва петанін дорӧ, шыбитіс сэтчӧ совсӧ да шуис: «Господь тадзи висьталӧ: ”Ме бурдӧді-сӧстӧммӧді васӧ. Водзӧвылӧ сійӧ некодлы оз кут вайны кулӧм, и му вылас ставыс кутас быдмыны”».

Ӧксыяслӧн 4 небӧг 4:41

Елисей корис пызьтор, пуктіс сійӧс шыд пиӧ да шуис [Гезийлы]: «Сет ставныслы сёйны». Шыд пиын некутшӧм пагӧдантор эз нин вӧв.

Ӧксыяслӧн 4 небӧг 4:43

Кесйӧгыс шензьӧмӧн воча шуис: «Кыдзи нӧ тайӧ тырмас сё мортыслы?» Но Елисей шуис: «Сет йӧзыслы сёйны. Ӧд Господь тадзи висьталӧ: ”Найӧ пӧттӧдзныс сёясны да нӧшта коляс на”».

Ӧксыяслӧн 4 небӧг 5:14

Сэки Нееман муніс Йӧрдан ю дорӧ да Ен мортлӧн шуӧм серти сизимысь дзумгысьліс юас. Нееман лои сӧстӧм, сылӧн кучикыс лои кагалӧн кодь.

Ӧксыяслӧн 4 небӧг 5:27

Нееманлӧн проказаыс мед пыр кежлӧ вуджас тэ вылӧ да тэнад рӧд вылӧ». Гезий петіс Елисей ордысь. Сылӧн вир-яйыс вӧлі вевттьысьӧма лым кодь еджыд проказаӧн.

Ӧксыяслӧн 4 небӧг 7:19

Но ӧксылӧн видзьысьыс шуліс Енлӧн мортлы: «Весиг кӧ Господь енэжвыв ӧшиньяссӧ восьтас, тадзи оз вермы лоны». Сэки Елисей шуліс сылы: «Тэ аслад синмӧн тайӧс аддзылан, но сёйнысӧ он кут».

Ӧксыяслӧн 4 небӧг 7:2

Тышкайӧзӧн веськӧдлысь, коді видзис ӧксыӧс, шуис Енлӧн мортлы: «Весиг кӧ Господь енэжвыв ӧшиньяссӧ восьтас, тадзи оз вермы лоны». Елисей шуис сылы: «Тэ аслад синмӧн тайӧс аддзылан, но сёйнысӧ он кут».

Еклесиаст 9:12

Мортыд оз тӧд ассьыс оландырсӧ. Тывйыштӧм чериӧс моз, дзугйӧ гартчӧм лэбачӧс моз мортсӧ лоӧ тывйыштӧма сьӧкыд кадӧ, мый виччысьтӧг суас сійӧс.

Сьылан 3:3

Меным паныдасисны карсӧ кытшовтысь видзысьяс. Ме юалі налысь: «Аддзылінныд-ӧ менсьым радейтанаӧс?»

Исай 62:6

Ерусалим, тэнад стенъяс вылӧ Ме сувтӧді кар видзысьясӧс, лун и вой налӧн гӧлӧс шыныс оз ланьтлы. – Ті, Господь дінӧ шыасьысьяс, энӧ чӧв олӧй!

Еремей 11:19

Рам ыж моз, кодӧс нуӧдӧны начкыны, ме эг тӧд, мый найӧ вӧлі мӧвпыштӧмаӧсь вӧчны меным паныд. Найӧ шуисны, пусӧ пӧ вотӧснас кералам, бырӧдам пӧ сійӧс ловъяяс пӧвстысь, медым сылысь нимсӧ дзикӧдз вунӧдасны.

Еремей 14:13

Ме шуи: «Господьӧй Ыджыдӧй! Пророкъяс висьталӧны тайӧ войтырыслы, мый найӧ оз аддзывны шыпурт, оз кутны тшыгъявны, и Тэ сетан налы тайӧ муас лӧнь олӧм».

Еремей 23:13

Ме аддзылі, мый самарияса пророкъяс зывӧка вӧчисны, найӧ пророкалісны Ваал нимсянь, Менсьым Израиль войтырӧс кежӧдісны ылӧгас.

Еремей 31:6

Воас лун, кор Ефрем керӧсвыв муын кар видзысьяс горӧдасны: ”Чеччӧй, каямӧй Сион керӧс вылӧ Господь Енным дінӧ!”

Еремей 6:14

Найӧ чайтӧны, мый кокньыда бурдӧдӧны Менам войтырлысь дойяссӧ, шуалӧны: «Лӧнь олӧм, лӧнь олӧм!», а лӧнь олӧмыс абу.

Еремей 6:17

Ме сувтӧді тіянлы видзысьясӧс, тшӧкті кывзыны буксан шы. Но ті шуинныд, огӧ пӧ кывзӧй.

Бӧрданкыв 2:14

Пророкъясыд висьтавлісны тэныд ковтӧм да ылӧг восьтӧмсӧ, а тэнсьыд мыжтӧ эз эрдӧдны, эз видзны тэнӧ пленӧ нуӧдӧмысь. Ковтӧм да пӧрйӧдлан аддзылӧмъяс найӧ юӧртісны тэныд.

Бӧрданкыв 4:13

Тайӧ лои пророкъяслӧн мыж вӧсна, попъяслӧн лёк вӧчӧм вӧсна, ӧд Ерусалим карын найӧ кисьтісны веськыда олысьяслысь вирсӧ.

Езекиль 3:17

«Морт пиӧй, Ме пукті тэнӧ Израиль войтырлы видзысьӧ. Кор тэ кылан Менсьым кывйӧс, тэныд ковмас ӧлӧдны Израиль войтырӧс Ме пыдди.

Езекиль 33:7

Морт пиӧй, Ме пукті тэнӧ Израиль войтырлы видзысьӧ. Кор тэ кылан Менсьым кывйӧс, тэныд ковмас ӧлӧдны Израиль войтырӧс Ме пыдди.

Осий 5:1

– Кывзӧй, попъяс! Сюся кывзы, Израиль войтыр! Пельнытӧ чошкӧдӧй, ӧксы да тэнад котырыд! Тіянӧс лоӧ веськыда мыждӧма, ӧд ті вӧлінныд налькйӧн Миспаын, паськӧдӧм тывйӧн Тавор керӧсын.

Осий 9:7

Воис мыждан лун, матысмис мынтысян лун – Израиль мед тӧдӧ тайӧс. Ме, пророк, лои вежӧртӧм, ӧд ті уна лёк вӧчанныд, ме, Ловсянь сёрнитысь, лои йӧй, ӧд ті пыр меным паныд сувтанныд.

Осий 9:9

Израиль дзикӧдз вӧйис пежас, кыдзи коркӧ Гиваын олысьяс. Енмыс казьтыштас налысь лёк вӧчӧмсӧ, мыждас найӧс мыжъяссьыныс.

Микей 7:4

На пӧвстысь медбурыс лежнӧг кодь, веськыд мортыс йӧн кодь. Тэ мыждан найӧс, и найӧ шӧйӧвошасны, кор воас сійӧ луныс, мый йылысь видзысьясныд висьтавлісны.

Иоан 15:24

Ме кӧ эг вӧч налӧн син водзын сійӧ уджъяссӧ, кодъясӧс некод эз вӧчлы, сэки эськӧ найӧ эз вӧвны мыжаӧсь. Ӧні найӧ аддзылісны Менсьым уджъясӧс, но Менӧ да Менсьым Батьӧс мустӧмтӧны.

Римӧ 3:7

Менам ылалӧмысь кӧ тыдовтчӧ Енлӧн збыльыс да Сійӧс ошкӧмыс содӧ, сідзкӧ, мыйла менӧ мыждынысӧ мыжаӧс моз?

Еврейяслы 13:17

Кывзысьӧй вичкоса веськӧдлысьяслысь, кывзӧй найӧс, ӧд найӧ дугдывтӧг тӧждысьӧны тіян вӧсна. Налы ковмас вочавидзны Ен водзын тіян вӧсна. Кывзысьӧй налысь, медым тайӧ уджсӧ найӧ вӧчисны долыдпырысь, а эз ышлолалӧмӧн. Ӧд таысь тіянлы бурыс оз ло.