Осий 9:10 - Коми Библия 2023

¹⁰ Ме аддзи Израильӧс овтӧминысь – сійӧ вӧлі виноград вотӧс кодь. Ме аддзи Израильлысь батьяссӧ – найӧ вӧліны инжир пулӧн медводдза вотӧс кодьӧсь. Но найӧ мунісны Ваал-Пеорӧ, сетчисны яндысьтӧм олӧмас, лоины пежӧсь, радейтана идолъясныс кодьӧсь.

Осий 9:10 Kruisverwysings

Ӧксыяслӧн 3 небӧг 16:31

Сійӧ вӧчис сійӧ жӧ мыжъяссӧ, мый вӧчліс Неватлӧн Еровам пиыс. Но тайӧ вӧлі этша на. Сійӧ босьтіс гӧтырӧ сидонса Этваал ӧксылысь Езавель нывсӧ да кутіс кесъявны-юрбитны Вааллы.

Ӧксыяслӧн 4 небӧг 17:11

Войтыръяс моз, кодъясӧс Господь вӧтліс израильсаяс водзысь, найӧ сотісны висьяс мылькъяс вылын. Асланыс лёк вӧчӧмнаныс найӧ дӧзмӧдісны Господьӧс.

Псалтыр 115:8

Господьӧй, ме вая Тэныд аттьӧалана вись, ошка Тэнсьыд нимтӧ.

Сьылан 3:6

– Коді тайӧ, овтӧминысь локтысьыс? Сійӧ локтӧ тшын сюръя моз, ӧвтӧ сысянь смирнаӧн да ладанӧн, ылі муысь вайӧм чӧскыд ӧвтанторйӧн.

Исай 28:4

Нярмӧм дзоридзкӧд, ефремсаяслӧн мичмӧданторкӧд да ошйысянторкӧд, коді быдмӧ керӧс вылын, бур муа ковтыс весьтын, лоӧ кадысь водз воӧм инжиркӧд моз – коді аддзас сійӧс, босьтас киас да дзик пыр ньылыштас.

Еремей 11:13

Мыйта Иуда муын карыс, сы мында Иуда войтырлӧн и енмыс. Мыйта Ерусалимын уличыс, сы мында жӧ висьпуктанін сувтӧдісны олысьясыс, медым сотны висьяс зывӧк Вааллы.

Еремей 24:2

Ӧти чуманас вӧлі зэв бур, водз кисьмӧм инжир вотӧс, а мӧдас вӧлі зэв лёк вотӧс, мый эз позь сёйнысӧ.

Еремей 3:24

Миян том кадсянь зывӧк Ваал идол сёйис ставсӧ, мый могысь батьясным уджалісны, сёйис налысь ыжъяссӧ да ӧшъяссӧ, пиянсӧ да нывъяссӧ.

Еремей 3:25

Яналӧмӧн уськӧдчамӧй муас, юръяндзим мед вевттяс миянӧс, ӧд томдырсянь да ӧніӧдз ми да миян батьясным мыж вӧчим асланым Господь Енлы паныд. Ми эгӧ кывзӧй Господьӧс, ассьыным Енмӧс.

Еремей 31:2

Господь тадзи висьталӧ: – Войтыр, коді ловйӧн колис шыпуртысь, овтӧминын аддзис Менсьым буралӧмӧс. Ме локта лӧньӧдны Израильӧс.

Еремей 5:31

пророкъяс юӧртӧны ылӧгсӧ, попъяс веськӧдлӧны ас кӧсйӧм сертиныс, и Менам войтырлы тайӧ сьӧлӧм сертиныс. Но та бӧрти мый виччысьӧ тіянӧс?

Езекиль 20:8

Но найӧ кыпӧдчисны Меным паныд, эз кӧсйыны Менӧ кывзыны. Найӧ эз вештыны син водзсьыныс зывӧкторъяссӧ, эз эновтчыны египетса идолъясысь. Сэки Ме шуи, мый Египетын кисьта на вылӧ Ассьым скӧрлунӧс, койышта став Ассьым ярлунӧс.

Осий 11:1

– Кор Израиль вӧлі том на, сійӧ вӧлі муса Меным. Египет муысь Ме кори пиӧс.

Осий 13:5

Ме тӧждыси тэ вӧсна овтӧминын, ватӧм муын.

Осий 2:15

Сэні Ме бӧр сета сылы ассьыс виноград йӧръяссӧ, Акор ковтыс лоӧ сылы лачасӧ сетысьӧн. Сэні сійӧ кутас кывзысьны томдырйиыс моз, Египетысь петігӧныс моз.

Осий 4:14

Но Ме ог кут мыждыны тіянлысь нывъяснытӧ кырсалӧмысь, моньяснытӧ – гозъякост олӧм пежалӧмысь, ӧд айуловныд асьныс ветлӧны кырсалысь аньяс дінӧ, кырсалысь аньяскӧд ӧтвылысь висьяс вайӧны. Вежӧртӧм войтырӧс лоӧ бырӧдӧма!

Осий 4:18

Налӧн кодалӧмыс – зывӧк, найӧ сетчисны кырсалӧмӧ, налӧн юралысьяслы муса яндысьтӧм олӧмыс.

Амос 4:5

Аттьӧалана вись пыдди сотӧй шоммӧдӧм нянь, ас кӧсйӧм серти вайӧм вись йывсьыныд юӧртӧй-ошйысьӧй. Ӧд ті, Израиль войтыр, радейтанныд тадзи вӧчны, – висьталӧ Господь Ыджыдыс.

Микей 7:1

Курыд шог меным! Воис кад – вотӧс чукӧртӧм бӧрын кодь, виноград ӧктӧм бӧрын кодь: сёйыштны виноградыс абу, корся инжир вотӧс, а сійӧ абу.

Лыд 15:39

Тайӧ тугъясыс тіянлы сы могысь, медым на вылӧ видзӧдігӧн ті тӧд выланыд уськӧдінныд Господьлысь став тшӧктӧмсӧ да олінныд на серти. Сэки тіян сьӧлӧм кӧсйӧмныд да синлы колӧмныд оз кежӧд тіянӧс Меысь, и ті онӧ эновтӧй Менӧ.

Лыд 18:13

Налӧн му вылысь медводдза быдтасыс, мый вайӧны Господьлы, лоӧ тэнад. Тэнад котырысь быдӧн, коді сӧстӧм, вермас сёйны сійӧс.

Римӧ 6:21

Кутшӧм вотӧс ті сэки чукӧртінныд? Ӧні сыысь весиг аслыныд яндзим, ӧд сійӧ вайӧ кулӧм.

Индӧд 32:10

Сійӧ аддзис тайӧ войтырсӧ овтӧминысь, куш да шуштӧм пельӧсысь, тӧждысис на вӧсна, дорйис найӧс, синмӧс моз видзис.

Индӧд 32:17

Найӧ вайисны висьяссӧ эз Енлы, а пеж ловъяслы, тӧдтӧм выль енъяслы, орччӧн олысь войтыръяслӧн енъяслы, кодъясӧс батъясныс эз тӧдлыны.

Индӧд 4:3

Асланыд синмӧн ті аддзылінныд [ставсӧ], мый вӧчис Господь, тіян Енныд, Ваал-Пеорлы юрбитанінын. Сійӧ бырӧдіс тіян пӧвстысь быдӧнӧс, коді юрбитіс Ваал-Пеорлы.

Ёрдысьяс 6:32

Сійӧ лунӧ Гедеонлы сетісны Ероваал ним, ӧд батьыс сы йылысь шуис: «Ваал мед ачыс асьсӧ дорйӧ, ӧд Гедеон жугӧдӧма сылысь висьпуктанінсӧ».