Осий 8:8 - Коми Библия 2023

⁸ Израильӧс ньылыштӧма! Войтыръяс пӧвстын ӧні сійӧ ковтӧм дозмук кодь.

Осий 8:8 Kruisverwysings

Ӧксыяслӧн 4 небӧг 18:11

Ассурса ӧксы нуӧдіс израильсаясӧс Ассурӧ да овмӧдіс найӧс Халахӧ да Хавор юдорса Гозанӧ, тшӧтш мидияса каръясӧ.

Исай 30:14

Сійӧс лоӧ жугӧдӧма, кыдзи гырнич вӧчысь жалиттӧг жугӧдӧ сёй гырничсӧ, мый весиг торпыриг оз сюр жуглассьыс, медым пачысь босьтны биа ӧгыр, гӧптысь гумовтны ва.

Еремей 22:28

«Тайӧ Еконей мортыс ӧмӧй жугалӧм доз, некытчӧ туйтӧм гырнич? Мыйла нӧ сійӧс да сысянь чужысьясӧс шыбитісны налы тӧдтӧм муӧ?»

Еремей 25:34

– Сыркъялӧй-бӧрдӧй, Иуда войтырӧс видзысьяс, туплясьӧй пӧим пытшкын, Иуда войтырлӧн ыджыдъяс. Воисны тіянӧс начкан да разӧдан лунъяс, ті усянныд-жугаланныд дона дозмук моз.

Еремей 48:38

Моавын став керка вевт вывсянь, изэрдъяс вывсянь кылӧ бӧрдӧм шы. – Ме пасьварті Моавӧс ковтӧм дозйӧс моз, – висьталӧ Господь. –

Еремей 50:17

Израиль войтыр разалӧм ыж чукӧр кодь, левъяс вӧтлісны сійӧс. Водзынджык сійӧс вильӧдіс ассурса ӧксы, сэсся вавилонса Навукодоносор ӧксы чегъяліс сылысь лыяссӧ.

Еремей 51:34

– Вавилонса Навукодоносор ӧксы сёйис-йирис миянӧс, вӧчис Сионӧс куш дозйӧн. Гундыр моз сійӧ ньылыштіс миянӧс, чӧсмасис миянӧн да тыртіс ассьыс рушкусӧ, а коляссӧ быликтіс.

Бӧрданкыв 2:16

Тэнӧ мустӧмтысьяс жеръялӧны тэ вылын, шутьлялӧны, пиньнысӧ йирӧмӧн шуалӧны: «Ми ньылыштім сійӧс! Ми ёна виччысим тайӧ лунсӧ, а ӧні аддзам сійӧс!»

Бӧрданкыв 2:2

Господь жалиттӧг бырӧдіс Яковлысь оланінъяссӧ, скӧралігас пасьвартіс Иудалысь изкаръяссӧ, янӧдӧмӧн шыбитіс муас ӧксыӧс да юралысьясӧс.

Бӧрданкыв 2:5

Господь лои вӧрӧг кодь, Сійӧ виис Израильӧс, бырӧдіс сылысь керкаяссӧ, жугліс изкаръяссӧ, содтіс шогсӧ да бӧрдӧмсӧ Иуда нывлы.

Бӧрданкыв 4:2

Сионлӧн дона пияныс вӧліны весалӧм зарни кодьӧсь. Ӧні найӧ – сёй дозъяс, гырнич вӧчысьлӧн вӧчӧмторъяс.

Бӧрданкыв 5:2

Миян муным вуджис мукӧдлы, керкаясным – локтысь йӧзлы.

Езекиль 36:3

Но тэ пророкав налы, мый Господь Ыджыдыс тадзи висьталӧ: тіянӧс куштӧма, и мукӧд войтыръяс быд боксянь кӧсйӧны босьтны тіянӧс аслыныс. Найӧ лёкӧдӧмӧн сёрнитӧны тіян йылысь.

Левит 26:33

Ме разӧда тіянӧс войтыръяс пӧвстӧ, бӧрсяньныд вӧтча шыпуртӧн. Тіян муныд овтӧммас, каръясныд киссясны.

Римӧ 9:22

Тадзи Енмыс кӧсйӧ петкӧдлыны Ассьыс скӧрлунсӧ да вынсӧ. Ыджыд терпитӧмыс вӧсна Сійӧ видзӧ на бырӧдны шуӧм ”скӧрлуныслысь дозъяссӧ”,

Индӧд 28:25

Господь сетас вӧрӧгныдлы вермыны тіянӧс. Налы паныд ті мунанныд ӧти туйӧд, а пышъянныд наысь сизимлаӧд. Став войтыръяс повзясны сыысь, мый лоӧ тіянкӧд.

Индӧд 28:64

Господь [тіян Енныд] разӧдас тіянӧс мукӧд войтыръяс пӧвстӧ, му ӧтар помсянь мӧдар помӧдзыс. Сэні ті кутанныд юрбитны пуысь да изйысь вӧчӧмторъяслы, мукӧд енъяслы, кодъясӧс ті ни тіян батьясныд энӧ тӧдлӧй.