Осий 7:5 - Коми Библия 2023

⁵ Ӧксынымлӧн гажӧдчан лунӧ юралысьяс висьмытӧдзныс вина юӧны, ӧксы кисӧ нюжӧдӧ сылы паныд кыпӧдчысьяслань.

Осий 7:5 Kruisverwysings

Олӧм 40:20

Куим лун мысти аслас чужан лунӧ фараон лӧсьӧдіс гаж став чина йӧзыслы. Сылы тӧд вылас усины медыджыд вина кисьталысьыс да нянь пӧжалысьыс.

Ӧксыяслӧн 3 небӧг 13:4

Кор Еровам ӧксы кыліс Енлӧн мортлысь вефильса висьпуктанін йылысь шуӧмсӧ, сійӧ висьпуктанінсянь индіс кинас Енлӧн морт вылӧ да горӧдіс: «Босьтӧй сійӧс!» Сэки Еровамлӧн нюжӧдӧм киыс косьмис, и сійӧ бӧрсӧ эз вермы кусыньтны кисӧ.

Псалтыр 1:1

Шуда сійӧ, коді оз ов лёк вӧчысь моз, оз ветлы мыжаяслӧн туйӧд, оз пукав Енсӧ омӧльтысьяслӧн чукӧрын.

Шусьӧгъяс 13:20

Кӧсйӧмыд кор збыльмӧ, сьӧлӧмыд нимкодясьӧ, вежӧртӧм оз кӧсйы эновтны лёксӧ.

Шусьӧгъяс 20:1

Винаыд дурмӧдӧ, сурыд тышкасьны ыззьӧдӧ, мывкыдтӧм сійӧ, кодӧс юӧмыс ылӧдлӧ.

Исай 28:1

Курыд шог юркытшлы, мыйӧн ошйысьӧны код юра ефремсаяс. Курыд шог нярмӧм дзоридзлы – ефремсаяслӧн мичмӧданторлы да ошйысянторлы. Курыд шог карлы, коді сулалӧ керӧс вылын, бур муа ковтыс весьтын. Сэтчӧс олысьяссӧ вермӧма винаыс.

Исай 28:14

Сідзкӧ, ті, больгысьяс, Ерусалимын веськӧдлысьяс, кывзӧй Господьлысь кывсӧ.

Даниил 5:23

Тэ кыпӧдчин енэжвывса Господьлы паныд. Тэныд вайисны Господьлӧн крамысь босьтӧм дозмукъяс, и тэ да тэнад чина йӧзыд, гӧтыръясыд да кесйӧг-гӧтыръясыд юинныд сэтысь вина. Тэ ошкин эзысьысь да зарниысь, ыргӧнысь да кӧртысь, пуысь да изйысь вӧчӧм енъясӧс, кодъяс оз аддзыны, оз кывны да оз гӧгӧрвоны. А Енсӧ, кодлӧн киын тэнад олӧмыд да тэнад туйясыд, тэ эн ошкы.

Осий 7:3

– Ӧксы нимкодясьӧ, мый йӧзыс лёксӧ вӧчӧны, юралысьяс нимкодясьӧны, мый йӧзыс пӧръясьӧны.

Матвей 14:6

Ирӧд чужан лунӧ Ирӧдиадалӧн нылыс йӧктіс гажӧдчысьяс водзын. Тайӧ воис Ирӧдлы сьӧлӧм вылас.

Марк 6:21

Ирӧд чужан лунӧ Ирӧдиадалы лоис позянлун вины Иоанӧс. Ирӧд котыртіс гаж юралысьяслы, тышкайӧзӧн веськӧдлысьяслы да галилеяса пыдди пуктана йӧзлы.

Ефесӧ 5:18

Энӧ коддзӧдчӧй винаӧн, ӧд тасянь овлӧ олӧмас лэдзчысьӧмыс. Мӧдарӧ, сетӧй Ловлы тыртны асьнытӧ.