Осий 7:16 - Коми Библия 2023

¹⁶ Найӧ оз кӧсйыны бергӧдчыны Медвылыссаыс дінӧ, найӧ лоины личалӧм ньӧввуж кодьӧсь. Налӧн юралысьясныс шыпурт помысь усясны, лёк кывныс вӧсна куласны, и Египет муын найӧс кутасны лёкӧдны.

Осий 7:16 Kruisverwysings

Псалтыр 12:3

Дыр-ӧ меным майшасьны да дугдывтӧг шогсьыны? Дыр-ӧ мустӧмтысь кутас паныд сувтны меным?

Псалтыр 12:4

Господьӧй, менам Енмӧй, видзӧдлы ме вылӧ да вочавидз меным. Сет меным аддзыны Тэнсьыд югыдтӧ, медым ме эг унмовсь кулана унмӧн,

Псалтыр 12:5

медым менӧ мустӧмтысь эз вермы менӧ, медым менӧ дзескӧдысь эз нимкодясь, кор ме уся.

Псалтыр 17:10

Сійӧ доровтіс енэжсӧ да лэччис, сувтіс кокнас сьӧд кымӧръяс вылӧ.

Псалтыр 52:2

Мывкыдтӧм морт мӧвпалӧ, мый Енмыс абу. Йӧзыс сетчисны лёкас, олӧны зывӧка, бур вӧчысьыс абу.

Псалтыр 57:4

Лёк вӧчысьяс чужӧмсяньныс вошӧмаӧсь, пӧръясьысьяс мам кынӧмсяньныс ылалӧмаӧсь.

Псалтыр 73:9

Индысьпасъяс ми огӧ нин аддзӧй, миян пӧвстын эз нин коль пророкыс, некод миян пӧвстысь оз тӧд, дыр-ӧ тадзи лоӧ.

Исай 3:8

Киссис Ерусалим, усис Иуда, ӧд налӧн сёрниныс да уджъясныс – Господьлы паныд, найӧ паныд кыпӧдчӧны дзирдлуна Господьлы.

Еремей 18:18

Йӧзыс шуисны: «Локтӧй, сёрнитчамӧй Еремейлы паныд. Локтӧй, лёкӧдамӧй сійӧс, огӧ кывзӧй сійӧс! Миян эм попъяслӧн велӧдӧм, мывкыда йӧзлӧн туйдӧдӧм, пророкъяслӧн кыв».

Еремей 3:10

Но весиг та бӧрын Иуда, Израильлӧн ылӧдчысь чойыс, эз сьӧлӧмсяньыс бергӧдчы Ме дінӧ, а сӧмын ылӧдчис», – висьталӧ Господь.

Еремей 42:18

Господь Саваоф, Израильлӧн Ен, тадзи висьталӧ: ”Кыдзи Менам скӧрлунӧй да ярлунӧй киссис ерусалимса олысьяс вылӧ, тадзи жӧ Менам скӧрлунӧй киссяс тіян вылӧ, кор ті воанныд Египетӧ. Тіянӧс пондасны ёрны да лёкӧдны-омӧльтны, ті лоанныд повзьӧдчанторйӧн, и водзӧ ті онӧ нин аддзылӧй тайӧ мусӧ”.

Езекиль 23:32

Господь Ыджыдыс тадзи висьталӧ: тэ кутан юны чойыдлӧн чашаысь, джуджыд да паськыд дозйысь. Чашаыс тырӧма сералӧмӧн да лёкӧдӧмӧн.

Езекиль 36:20

Но мукӧд войтыръяс пӧвстын оліганыс найӧ янӧдісны Менсьым вежа нимӧс. На йылысь шуӧны, тайӧ пӧ Господьлӧн войтырыс, но налы ковмис петны Сылӧн муысь.

Даниил 7:25

Сійӧ кутас сёрнитны Медвылыссалы паныд, кутас дзескӧдны Медвылыссалысь вежа войтырсӧ. Сійӧ мӧвпыштас вежны вежа войтырлысь гажӧдчан лунъяссӧ да Индӧдсӧ. Вежа войтырӧс лоӧ сетӧма сылӧн кипод улӧ ӧти кадколаст кежлӧ, сэсся кык кадколаст кежлӧ да нӧшта кадколаст джын кежлӧ.

Осий 11:5

Найӧ эз кӧсйыны бергӧдчыны Ме дінӧ, та вӧсна налы бӧр ковмас мунны Египетӧ, Ассур кутас ыджыдавны на вылын.

Осий 11:7

Менам войтыр пыр бергӧдчӧ Меысь. Налы шуӧны: «Шыасьӧй Медвылыссаыс дінӧ», но найӧ оз шыасьны, оз нимӧдны-кыпӧдны Менӧ.

Осий 6:4

– Мый Меным вӧчны тэкӧд, Ефрем, мый Меным вӧчны тэкӧд, Иуда? Ме дінӧ тіян муслунныд асъя ру кодь, ӧдйӧ бырысь лысва кодь.

Осий 7:13

Курыд шог Израиль войтырлы, ӧд найӧ ылыстчисны Меысь! Найӧ бырасны, ӧд кыпӧдчисны Меным паныд! Ме кӧсйи мездыны найӧс, но найӧ ылӧгсӧ висьтавлісны Ме йылысь.

Осий 9:3

Водзӧ тэ он понды овны Господьлӧн муын – Ефремлы бӧр ковмас мунны Египетӧ, Ассурын сійӧ пондас сёйны пеж сёян.

Осий 9:4

Найӧ оз пондыны вайны Господьлы вина вись, налӧн висьясыс Господьлы оз лоны шогманаӧсь, а ваясны налы кулӧм да пежаласны сёйысьясӧс. Висьяссӧ найӧ асьныс кутасны сёйны, Господьлӧн керкаӧ оз вайны.

Осий 9:6

Ті пышйинныд бырӧдӧмысь, но Египет чукӧртас тіянӧс, Мемфис кар гуалас тіянӧс. Тіянлысь эзысьнытӧ пӧдтас петшӧр, чомъяснытӧ кытшалас лежнӧг.

Малакий 3:13

Ті вежавидзтӧг сёрнитанныд Меным паныд, – висьталӧ Господь Саваоф. – Ті юаланныд, мый пӧ ми сёрнитам Тэныд паныдсӧ.

Малакий 3:14

Ті шуанныд, Енлы кесъялӧмным пӧ миян весьшӧрӧ. Мый бурыс пӧ вӧлі сыысь, мый ми кутчысим Сылӧн тшӧктӧмъясӧ да ветлім шогалӧмӧн Господь Саваоф водзын.

Матвей 12:36

Шуа тіянлы: быд ковтӧм кывйысь мыждан лунӧ ковмас кывкутны.

Лука 8:13

Изъяинӧ усьӧм кӧйдысыс петкӧдлӧ: мортыс кылӧ Енлысь кывсӧ да долыдпырысь босьтӧ сійӧс сьӧлӧмас, но вужъясьтӧмысла оз дыр эскы, ыштӧдӧмъяс дырйи сійӧ кежӧ эскӧмсьыс.

Яков 3:5

Тадзи артмӧ и кывнымкӧд: миян вир-яйын сійӧ ичӧтик юкӧн, но вермӧ ошйысьны ыджыд уджъясӧн. Ичӧтик би вермӧ бырӧдны уна вӧр!

2 Петыр 2:8

Быд лун тайӧ веськыда олысьыслӧн лолыс горзіс, кор аддзис-кыліс сы гӧгӧр олысь йӧзлысь лёк вӧчӧмсӧ.

Восьтӧм 13:5

Зверлы вӧлі сетӧма позянлун тшапа сёрнитны да омӧльтны Енмӧс лёкӧдана кывъясӧн. Сылы вӧлі сетӧма вын вӧчны тадзи нелямын кык тӧлысь чӧж.