Осий 7:1 - Коми Библия 2023

¹ Кор Ме бурдӧда Израильӧс, тыдовтчас Ефремлӧн мыжыс, мыччысясны Самариялӧн лёк уджъясыс, ӧд йӧзыс пӧръясьӧны, гусясьысьяс керкаяс куштӧны, туйяс вылын мырддялӧны.

Осий 7:1 Kruisverwysings

Исай 28:1

Курыд шог юркытшлы, мыйӧн ошйысьӧны код юра ефремсаяс. Курыд шог нярмӧм дзоридзлы – ефремсаяслӧн мичмӧданторлы да ошйысянторлы. Курыд шог карлы, коді сулалӧ керӧс вылын, бур муа ковтыс весьтын. Сэтчӧс олысьяссӧ вермӧма винаыс.

Исай 59:12

Ӧд ми Тэныд паныд уна лёк вӧчим, миян мыжъясным мыждӧны миянӧс, лёк вӧчӧмъясным век миянкӧд, ми тӧдам ассьыным мыжъяснымӧс.

Исай 59:13

Ми кыпӧдчим Господьлы паныд, пӧрйӧдлім Сійӧс, бергӧдчим асланым Енмысь, ми суклясим-асныралім, новлӧдлім сьӧлӧманым ылӧгсӧ да висьтавлім сійӧс.

Исай 59:14

Ми ылыстім веськыда мыждӧмсӧ, веськыдлуныс сулалӧ ылын, збыльыс крукасис изэрдйӧ, веськыда вӧчӧмыс оз су миянӧс.

Еремей 51:9

– Ми зілим бурдӧдны Вавилонӧс, но сійӧ эз бурд. Эновтӧй сійӧс! Быдӧн мунамӧй асланым муӧ, ӧд Вавилонӧс мыждӧмыс сэтшӧм ыджыд, мый воис енэжӧдз, кыпӧдчис кымӧръясӧдз.

Езекиль 16:46

Ыджыд чойыд – Самария, коді олӧ аслас нывъясыскӧд тэсянь войвылын. А ичӧтджык чойыд – Содом, коді олӧ аслас нывъясыскӧд тэсянь лунвылын.

Езекиль 23:4

Ыджыд чойсӧ шуисны Огола, а мӧдсӧ – Оголива. Оголаыс – Самария, а Оголиваыс – Ерусалим. Кыкнанныс найӧ вӧліны Менам, и чужтісны ныв-пиӧс.

Езекиль 24:13

Тэнад пежыд зывӧктана. Ме сӧстӧммӧдлі тэнӧ, но тэ эн сӧстӧммы аслад пежсьыд. Кытчӧдз Ме став скӧрлунӧс тэ вылӧ ог кисьт, тэ он сӧстӧммы.

Осий 10:5

Самарияын олысьяс полӧны Бет-Авенӧ сувтӧдӧм кукань идол вӧсна. Самария войтыр бӧрдӧ кукань вӧсна, бӧрдӧны тшӧтш идоллӧн попъяс, кодъяс нимкодясьлісны сыӧн, ӧд Самариялӧн нималӧмыс вешйӧ сы дінысь.

Осий 11:12

– Ефрем кытшаліс Менӧ аслас пӧръясьӧмӧн, Израиль – аслас ылӧдчӧмӧн. А Иуда кутчысьӧ на Ен дорас, эскӧ на вежа Енлы.

Осий 11:8

Верма-ӧ Ме эновтны тэнӧ, Ефрем? Верма-ӧ Ме кольны тэнӧ, Израиль? Верма-ӧ эновтны тэнӧ Адмаӧс моз, вӧчны тэкӧд Севоимкӧд моз? Менам сьӧлӧмӧй небзьӧ, Менам пытшкӧсӧй нормӧ.

Осий 12:1

Ефрем кыйӧдӧ тӧвныр, вӧтлысьӧ асыв тӧв бӧрся, быд лун содтӧ пӧръясьӧмсӧ да виалӧмсӧ, Ассуркӧд кӧрталӧ йитӧдъяс, Египетӧ нуӧ вый.

Осий 12:2

Господь мыжалӧ Иудаӧс, Сійӧ мыждас Яковӧс олан туйсьыс, мынтысяс сылы уджъясыс серти.

Осий 4:17

Ефрем кутчысьӧ идолъясӧ – мед вӧчасны, кыдзи кӧсйӧны!

Осий 4:2

Сетӧм кывнысӧ торкӧны, пӧръясьӧны, виӧны да гусясьӧны, гозъякост олӧм пежалӧны, вир кисьтӧмлы помыс абу.

Осий 5:1

– Кывзӧй, попъяс! Сюся кывзы, Израиль войтыр! Пельнытӧ чошкӧдӧй, ӧксы да тэнад котырыд! Тіянӧс лоӧ веськыда мыждӧма, ӧд ті вӧлінныд налькйӧн Миспаын, паськӧдӧм тывйӧн Тавор керӧсын.

Осий 6:4

– Мый Меным вӧчны тэкӧд, Ефрем, мый Меным вӧчны тэкӧд, Иуда? Ме дінӧ тіян муслунныд асъя ру кодь, ӧдйӧ бырысь лысва кодь.

Осий 7:13

Курыд шог Израиль войтырлы, ӧд найӧ ылыстчисны Меысь! Найӧ бырасны, ӧд кыпӧдчисны Меным паныд! Ме кӧсйи мездыны найӧс, но найӧ ылӧгсӧ висьтавлісны Ме йылысь.

Осий 8:5

Самария, тэнсьыд ӧштӧ вештӧма. Менам скӧрлунӧй ыпъялӧ Израиль вылӧ – дыр-ӧ на оз сӧстӧммыны найӧ пежсьыс?

Осий 8:9

Ӧткӧн шӧйтысь осёл моз Израиль войтыр муніс Ассурӧ. Ефрем ньӧбис аслыс мусукъясӧс.

Амос 3:10

Дзескӧдӧмӧн да мырддялӧмӧн найӧ чукӧртӧны озырлун асланыс ыджыд керкаясӧ, веськыда вӧчны найӧ оз кужны, – висьталӧ Господь. –

Амос 3:9

Юӧртӧй Азот изкарын олысьяслы, египетса каръясын олысьяслы шуӧй: – Чукӧртчӧй Самария керӧсъяс вылӧ, видзӧдлӧй, кутшӧм шызьӧм да дзескӧдӧм сэні!

Амос 8:14

кодъяс кыв сетӧны Самарияӧс мыжӧ вайӧдысь идол водзын, кыв сетӧны Данлӧн ен водзын, кӧсйысьӧны Бер-Шеваӧ мунан туйӧн – та вӧсна найӧ усясны да бӧрсӧ оз чеччыны.

Микей 6:16

Ті вӧчанныд Омрилӧн тшӧктӧмъяс серти, оланныд Ахав рӧд моз, ветланныд налӧн лёк туйӧд. Та вӧсна Ме кушта карнытӧ, сэні олысьясӧс серамвыв лэпта. Менам войтырӧй вӧсна ті кутанныд нуны янӧдӧмсӧ.

Матвей 23:37

«Ерусалим, Ерусалим! Пророкъясӧс виалысь да тэ дінӧ ыстӧмаясӧс изъялысь! Кымынысь Ме кӧсйи чукӧртны тэнсьыд ныв-питӧ, кыдзи лэбач чукӧртӧ ассьыс пиянсӧ борд улас, но ті энӧ кӧсйӧй.

Лука 13:34

Ерусалим, Ерусалим! Пророкъясӧс виалысь да тэ дінӧ ыстӧмаясӧс изъялысь! Кымынысь Ме кӧсйи чукӧртны тэнсьыд ныв-питӧ, кыдзи лэбач чукӧртӧ ассьыс пиянсӧ борд улас, но ті энӧ кӧсйӧй.

Лука 19:42

шуаліс: «Тӧдін кӧ эськӧ тэ талун, мый вайӧ тэныд лӧнь олӧмсӧ! Ӧні тайӧ тупкыса тэнад синлы.