Осий 5:10 - Коми Библия 2023

¹⁰ Иудаса юралысьяс мыжмисны, найӧ лоины орчча му вылӧ мудор пассӧ вештысьяс кодьӧсь. Ва моз Ме кисьта на вылӧ Ассьым скӧрлунӧс.

Осий 5:10 Kruisverwysings

Псалтыр 32:6

Господьлӧн кывйӧн вӧчӧма енэжъяссӧ, Сылӧн ловшыӧн артмис став енэжвывсаыс.

Псалтыр 88:17

Быд лун найӧ нимкодясьӧны Тэнад нимыд йылысь, Тэнад веськыдлуныд найӧс вылӧ кыпӧдӧ.

Шусьӧгъяс 17:14

Пинь-зык панӧмыд ва ызӧбтӧм кодь, пансьытӧдзыс сувтӧд сійӧс.

Шусьӧгъяс 22:28

Пӧльясӧн важӧн пуктӧм мудор пассӧ орчча му вылӧ эн вешты.

Исай 1:23

Тэнад юралысьясыд – Индӧд торкысьяс, найӧ ӧтувтчӧны гусясьысьяскӧд. Найӧ радейтӧны козинъяс, босьтӧны бокыса сьӧм. Батьтӧм-мамтӧмӧс найӧ оз дорйыны, дӧвалысь корӧмсӧ нинӧмӧ пуктӧны.

Езекиль 22:22

Пачын эзысьӧс сывдӧм моз тіянӧс лоӧ сывдӧма Ерусалимын. Сэки ті тӧдмаланныд, мый Ме, Господь, кисьті Ассьым скӧрлунӧс тіян вылӧ».

Езекиль 7:8

Регыд Ме кисьта тіян вылӧ Ассьым скӧрлунӧс, Ассьым ярлунӧс петкӧдла тіянлы. Ме мыжда тіянӧс олан туйныд серти, мынтыся зывӧк вӧчӧмсьыныд.

Матвей 7:27

Чорыда зэрмас, юяс ойдасны, ыджыд тӧвныр петас да керкасӧ мӧдас пӧрӧдны, и тайӧ керкаыс сэки ставнас киссяс».

Лука 6:49

А коді кылӧ Менсьым кывъясӧс да оз ов на серти, сійӧ подувтӧм керка лэптысь кодь. Ытва дырйи сылӧн керкаыс дзик пыр ставнас киссяс».

Индӧд 19:14

«Кор ті босьтанныд аслыныд мусӧ, мый Господь, тіян Енныд, сетас тіянлы, да тіянлы вичмас му юкӧныс, му юкӧнъяс костӧ сувтӧдӧм пасъяс энӧ вештӧй.

Индӧд 27:17

”Ёрӧм улӧ веськалӧ быдӧн, коді орчча му вылӧ вештӧ ассьыс мудор пассӧ”. И став войтырыс мед шуас: ”Мед лоӧ тадзи!”