Осий 4:3 - Коми Библия 2023

³ Та вӧсна муыс косьмас, став олысьыс сэні эбӧстӧммас. Зверъяс да енэжвыв лэбачьяс куласны, весиг саридзын чериыс пӧдас.

Осий 4:3 Kruisverwysings

Исай 33:9

Муыс шогсьӧ, косьмӧма, ливанса вӧр нюкыртчӧма, сьӧдасьӧма, Шарон ласта лои кушинӧн. Васан ыб вылын да Кармил керӧсъясын кушмӧмаӧсь пуяс.

Еремей 12:4

Дыр-ӧ муыс кутас бӧрдны, дыр-ӧ туруныс кутас косьмыны видз вылын? Пемӧс-лэбач кулӧ, ӧд мувывса олысьяс лёксӧ вӧчӧны, шуалӧны, Енмыс пӧ оз аддзы, мый лоӧ миянкӧд.

Еремей 23:10

Муыс тырӧма Енсӧ эновтысьясӧн, муыс бӧрдӧ, ӧд сійӧс ёрӧма, овтӧминса йирсянінъяс косьмӧмаӧсь. Йӧзыслӧн кӧсйӧмыс – лёк вӧчны, налӧн выныс – ылӧг.

Еремей 4:25

Ме видзӧдлі, и весиг ӧти морт эз вӧв, став лэбачыс вӧлі лэбзьӧма.

Еремей 9:10

– Ме сыркъялӧмӧн бӧрда керӧсъяс вӧсна, ырзӧмӧн бӧрда видзьяс вӧсна, ӧд туруныс сотчӧма, видзьяс вылын некод оз ветлӧдлы, оз кыв ыж-мӧслӧн баксӧмыс, енэжвывса лэбачьяс лэбзьӧмаӧсь, пемӧсъяс пышйӧмаӧсь.

Еремей 9:9

Таысь ӧмӧй Ме ог мыжды найӧс? – висьталӧ Господь. – Ог ӧмӧй водзӧс перйы тадзи вӧчысь войтырлысь?

Езекиль 38:20

Саридзса черияс, енэжвыв лэбачьяс, мувыв пемӧсъяс да гаг-веглясьысьяс да му вылын олысь став йӧзыс Ме водзын кутасны тіравны. Керӧсъяс усясны, кыртаяс зымгысясны, стенъяс киссясны.

Йоиль 1:18

Пемӧсъяс ружтӧны, мӧсъяс шӧйтӧны, абутӧм турунсӧ корсьӧны, весиг ыж чукӧръясӧс суис бырӧдӧмыс.

Амос 1:2

Амос шуис: – Господь равӧстас-горӧдас Сионсянь, Ассьыс гӧлӧс шысӧ сетас Ерусалимсянь. Сэки ыж видзысьяслӧн йирсянінъяс косьмасны, Кармил керӧс вылын ставыс нярмас.

Амос 5:16

Господь Ыджыдыс, Ен Саваоф тадзи висьталӧ: – Быд изэрд вылын кутас кывны бӧрдӧм шы, быд туй вылын – ойзӧм. Му вӧдитысьясӧс ӧтвылысь бӧрдӧдчысьяскӧд корасны бӧрдӧдчыны-сьывны.

Амос 8:8

На вӧсна ӧд муыс вӧрӧ, му вылын став олысьыс бӧрдӧ. Муыс ставнас ю моз гызьӧ, кыптылӧ да ляпкалӧ Нил ю моз.

Наум 1:4

Сійӧ тшӧктӧ, и саридзыс косьмӧ, юяс косьмӧны, Васан ыб да Кармил керӧс вылысь быдмӧгъяс нярмӧны, нярмӧны ливанса дзоридзьяс.

Софоний 1:3

бырӧда йӧзӧс и ыж-мӧскӧс, бырӧда енэжвыв лэбачьясӧс и саридзса чериясӧс, бырӧда лёк вӧчысьясӧс да ставсӧ, мый ыштӧдіс найӧс Енсьыс кежны, бырӧда му вывсьыс став йӧзсӧ, – висьталӧ Господь. –

Закар 5:4

Тайӧ ёрӧмсӧ мӧдӧді Ме, – висьталӧ Господь Саваоф. – Ёрӧмыс пырас гусясьысьлӧн керкаӧ да сы ордӧ, коді пӧръясьӧмӧн кӧсйысьӧ Менам нимӧн. Ёрӧмыс овмӧдчас сылӧн керкаӧ, ставнас пазӧдас сійӧс, весиг пусӧ и изсӧ жуглас.