Осий 3:1 - Коми Библия 2023

¹ Господь шуис меным: «Мун да бара радейт гӧтыртӧ, коді мусукыскӧд пежалӧ гозъякост олӧмнытӧ. Радейт, кыдзи Ме, Господь, радейта Израиль войтырӧс, коді кежис мукӧд енъяс дінӧ и окотапырысь сёйӧ идолъяслы вайӧм изюм».

Осий 3:1 Kruisverwysings

Ӧксыяслӧн 2 небӧг 6:19

Чукӧртчӧм став Израиль войтырлы [войвыв Дансянь лунвыв Бер-Шеваӧдз олысьяслы], быд айловлы да аньлы, сетіс нянь, пражитӧм яйтор да изюм. Та бӧрын йӧзыс муналісны гортаныс.

Ӧксыяслӧн 4 небӧг 13:23

Но Господь бурсьӧлӧмтчис израильсаяс дінӧ. Ӧвраамкӧд, Исааккӧд да Яковкӧд кӧрталӧм йитӧдыс вӧсна Сійӧ петкӧдліс на дінӧ Ассьыс буралӧмсӧ. Господь эз кӧсйы бырӧдны израильсаясӧс, эз на вӧтлы найӧс Аслас чужӧмбан водзысь.

1 Каднебӧг 16:3

Чукӧртчӧм став Израиль войтырлы, быд айловлы да аньлы, сетіс нянь, пражитӧм яйтор да изюм.

Неемий 9:31

Но Аслад ыджыд буралӧмыд вӧсна Тэ найӧс дзикӧдз эн бырӧд, Тэ эн эновт найӧс, ӧд Тэ – бур да мелі сьӧлӧма Ен.

Псалтыр 123:2

эз кӧ Господь вӧв миян дор, кор йӧзыс кыпӧдчисны миянлы паныд,

Петӧм 32:6

Мӧд луннас найӧ чеччисны водз да вайисны сотан да бурасян висьяс. Войтырыс сёйис-юис, сэсся чеччис гажӧдчыны-ворсны.

Сьылан 2:5

Вайӧй меным изюм, медым ёнмыштны, вайӧй меным яблӧг, медым ловзьыштны, ӧд ме муслунысь эбӧстӧмми.

Исай 45:22

Шыасьӧй Ме дінӧ, му помъясын олысьяс, и ті мездманныд. Ӧд Ме – Енмыс, и мӧдыс абу.

Еремей 3:20

Но кыдзи гӧтырыс ылӧдлӧ ассьыс верӧссӧ, тадзи тэ, Израиль войтыр, ылӧдлін Менӧ, – висьталӧ Господь.

Еремей 31:20

Но Ефрем – Менам муса пиӧй, сійӧ вайӧ Меным нимкодьлун. Ме унаысь мыждылі сійӧс, но некор ог вунӧд сійӧс! Менам сьӧлӧмӧй висьӧ Ефрем понда, Ме бурсьӧлӧмтча сы дінӧ, – висьталӧ Господь.

Осий 11:8

Верма-ӧ Ме эновтны тэнӧ, Ефрем? Верма-ӧ Ме кольны тэнӧ, Израиль? Верма-ӧ эновтны тэнӧ Адмаӧс моз, вӧчны тэкӧд Севоимкӧд моз? Менам сьӧлӧмӧй небзьӧ, Менам пытшкӧсӧй нормӧ.

Осий 2:5

Налӧн мамныс кырсаліс, найӧс чужтысьыс асьсӧ янӧдіс. Сійӧ шуліс: «Муна аслам мусукъяс бӧрся. Найӧ сетӧны меным сёян-юан, вурун да шабді, вый да вина».

Осий 4:11

Кырсалӧмыс да вина юӧмыс пемдӧдіс налысь вежӧрсӧ.

Осий 7:5

Ӧксынымлӧн гажӧдчан лунӧ юралысьяс висьмытӧдзныс вина юӧны, ӧксы кисӧ нюжӧдӧ сылы паныд кыпӧдчысьяслань.

Амос 2:8

Уджйӧзӧн сетӧмысь коньӧръяслысь босьтӧны паськӧм, сы вылын куйлӧны быд висьпуктанін дорын, юрбитанінын юӧны мыжалӧм йӧзлысь перйӧм винасӧ.

Амос 6:6

Вись ваян дозйысь ті юанныд вина, мавтчанныд медбур мавтасъясӧн. Но тіянлы веськодь, мый Ӧсиплысь рӧдсӧ суас бырӧдӧм.

Микей 7:7

А ме видзӧда Господь вылӧ, виччыся мездӧмсӧ аслам Енсянь. Менам Енмӧй кылас менӧ.

Закар 1:16

Та вӧсна Господь тадзи висьталӧ: Ме бӧр бергӧдча Ерусалим дінӧ да лоа бур сьӧлӧма сы дінӧ. Сэні выльысь лэптасны Менсьым крамӧс, – висьталӧ Господь Саваоф, – мурталӧм бӧрын выльысь лэптасны Ерусалим кар.

Матвей 26:50

Исус шуис сылы: «Ёртӧй, та понда-ӧ тэ локтін!» Сэки кытшалісны да босьтісны Исусӧс.

1 Коринфӧ 10:21

Ті онӧ вермӧй ӧтпырйӧ юны Господьлӧн чашаысь да пеж ловъяслӧн чашаысь. Ті онӧ вермӧй ӧтпырйӧ сёйны Господькӧд да пеж ловъяскӧд.

1 Коринфӧ 10:7

Энӧ юрбитӧй идолъяслы, кыдзи вӧчисны кодсюрӧ миян батьяс пӧвстысь. Гижӧдыс висьталӧ: «Йӧзыс сёйисны-юисны, сэсся кутісны гажӧдчыны-ворсны».

1 Петыр 4:3

Водзынсӧ ті вӧчинныд ентӧдтӧмъяс моз: олінныд лэдзчысьӧмӧн да лёк кӧсйӧмныд серти, кырсалінныд, кодалінныд-гажӧдчинныд да юрбитінныд зывӧк идолъяслы. Пӧттӧдз нин тіян тадзисӧ олӧма.

Ёрдысьяс 10:16

Найӧ эновтісны мукӧд енъясӧс да кутісны кесъявны [сӧмын] Господьлы. Сэки Господь эз нин вермы видзӧдны, кыдзи вӧрӧг дзескӧдӧ Израильӧс.

Ёрдысьяс 9:27

Ӧтчыд сикемсаяс петісны чукӧртны виноград вотӧс. Пычкан гуын вотӧссӧ талялӧм бӧрын чукӧртчисны гажӧдчыны. Найӧ мунісны асланыс енлы юрбитанінӧ, сёйисны-юисны да ёрисны Авимелекӧс.