Осий 2:18 - Коми Библия 2023

¹⁸ Сійӧ лунӧ Аслам войтырлы бур вылӧ Ме кӧртала йитӧд зверъяскӧд, енэжвыв лэбачьяскӧд да мувыв гаг-веглясьысьяскӧд. Ме чегъяла ньӧввуж-шыпуртъяс, ылыста налӧн муысь тышъяс да сета налы повтӧг овны.

Осий 2:18 Kruisverwysings

Иов 5:22

бырӧдӧм да тшыглун вылын пондан серавны, зверъясысь он кут тіравны.

Иов 5:23

Весиг изъяс тэ дор лоасны, зверъяс кутасны овны тэкӧд лӧня.

Псалтыр 148:10

ыж-мӧс и зверъяс, гаг-веглясьысь и лэбач-пӧтка!

Псалтыр 23:2

Господь пуктіс мулысь подувсӧ саридзьяс вылӧ, сувтӧдіс сійӧс юяс вылӧ.

Псалтыр 46:9

Енмыс ӧксыалӧ войтыръяс вылын, Сійӧ пукалӧ Аслас вежа пуклӧсын.

Исай 2:11

Вылӧ кыпӧдчысьяс лэдзасны юрнысӧ, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын.

Исай 2:17

Вылӧ кыпӧдчысьясӧс лоӧ улӧ лэдзӧма, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын,

Исай 2:4

Господь отсалас воны ӧти кывйӧ войтыръяслы, кутас веськыда мыждыны чужанкотыръясӧс. Сэки йӧзыс дорасны шыпуртъясысь гӧръяс, шыясысь – чарлаяс. Войтыръяс ӧта-мӧдныслы паныд оз нин лэптыны шыпуртсӧ, водзӧ оз кутны велӧдчыны тышкасьны.

Исай 26:1

Сійӧ лунӧ Иуда муын кутасны сьывны татшӧм сьыланкыв: – Миян эм зумыд кар, оз стенъяс да тымӧдъяс видзны сійӧс, а Енмыс видзӧ сійӧс.

Исай 32:18

Сэки менам войтырӧй кутас овны лӧнинын, оланінын, кӧні нинӧмысь повнысӧ, шойччанінын, кӧні нинӧм вӧсна майшасьнысӧ.

Исай 54:5

Ӧд тэнад верӧсыд – тэнӧ Вӧчысьыд, Сылӧн нимыс – Господь Саваоф. Тэнӧ Мездысьыд – Израильлӧн вежа Ен, Сійӧс шуӧны став му пасьтала ыджыдалысь Енмӧн.

Исай 65:25

Кӧин да баля пондасны ӧтвылысь йирсьыны, лев пондас ӧш моз турун сёйны, змей пондас пӧткӧдчыны муӧн. Некод оз кут лёксӧ вӧчны Менам вежа керӧс вылын, – висьталӧ Господь.

Еремей 23:6

Сылӧн веськӧдлан лунъясӧ Иуда войтыр мездмас, Израиль войтыр кутас повтӧг овны. Сылӧн нимыс лоӧ ”Господь – миян веськыдлуныс”.

Еремей 30:10

– Эн пов, Менам Яков кесйӧгӧй, – висьталӧ Господь, – эн пов, Израиль! Ме вайӧда тэнӧ ылі муысь, мезда тэсянь чужысьясӧс пленысь. Яковлӧн рӧдыс бӧр локтас, сійӧ кутас овны лӧня да повтӧг, сійӧс некод оз кут повзьӧдлыны.

Еремей 33:16

Сійӧ лунъясӧ Иуда войтыр мездмас, Ерусалимын олысьяс кутасны повтӧг овны. Сылӧн нимыс лоӧ ”Господь – миян веськыдлуныс”.

Езекиль 34:25

Ме кӧртала накӧд лӧньлун вайысь йитӧд, бырӧда зверъясӧс налӧн муысь, медым Менам ыжъясӧй вермисны повтӧг овны овтӧминын да узьны вӧрын.

Езекиль 39:1

«Морт пиӧй, пророкав Гоглы паныд. Шу, мый Господь Ыджыдыс тадзи висьталӧ: Ме сувта тэныд паныд, Гог, мешек да тувал войтыръяслӧн медыджыд юралысь.

Закар 14:4

Сійӧ лунӧ Господь тувччас Олив керӧс вылӧ, Ерусалимсянь асыввылӧ. Олив керӧс асыввывсянь рытыввывлань кык пельӧ потас. Керӧс джынйыс вешъяс войвывлань, мӧдыс – лунвывлань, а на костын артмас паськыд ковтыс.

Закар 14:9

Господь лоӧ став му пасьталаыс ӧксыӧн. Сійӧ лунӧ Господь лоӧ ставныслы Енмӧн, и сӧмын Сы дінӧ пондасны шыасьны.

Закар 2:11

Сійӧ лунӧ уна мукӧд войтыр локтасны Господь дінӧ да лоӧны Сылӧн войтырӧн. Господь кутас овны тэ ордын, и тэ тӧдмалан, мый Господь Саваоф мӧдӧдіс менӧ тэ дінӧ.

Закар 3:10

Сэки, – висьталӧ Господь Саваоф, – ті коранныд ёртъяснытӧ да орччӧн олысьяснытӧ ас орданыд, медым виноград да инжир пуяс улын рытпукны.

Закар 9:10

Сійӧ пасьвартас Ефремысь тарантасъяссӧ, бырӧдас Ерусалимысь вӧвъяссӧ, чегъялас тышкасян ньӧввужъяссӧ. Сійӧ юӧртас войтыръяслы лӧнь олӧм йылысь, пондас юравны саридзсянь саридзӧдз, Ефрат юсянь му помӧдз.