Осий 2:13 - Коми Библия 2023

¹³ Ме мыжда сійӧс лунъясысь, кор сійӧ вись сотліс Ваал идолъяслы, мичмӧдліс асьсӧ исергаясӧн да сикӧтшъясӧн, ветліс аслас мусукъяс бӧрся, а Менӧ вунӧдіс, – висьталӧ Господь.

Осий 2:13 Kruisverwysings

Ӧксыяслӧн 4 небӧг 1:2

Самарияын олігас Ахазий аслас керкаын усис вылі судта ӧшиньӧдыс да ёна доймис. Сійӧ корис ассьыс йӧзсӧ да шуис: «Ветлӧй экронса Ваал-Зевув ен дінӧ да юалӧй, бурда-ӧ ме тайӧ доймӧмсьыс?» [Мӧдӧдӧмаяс мунісны.]

Ӧксыяслӧн 4 небӧг 10:28

Еху бырӧдіс Ваалӧс Израиль муысь.

Ӧксыяслӧн 4 небӧг 21:3

Манассей выльысь вӧчис вись ваян мылькъяс, кодъясӧс бырӧдліс Езекей батьыс. Лэптіс Вааллы висьпуктанінъяс, израильса Ахав ӧксы моз сувтӧдіс юрбитан пуяс, юрбитіс енэжвыв вынъяслы.

Иов 8:13

Татшӧм туйыс быдӧнлӧн, коді вунӧдӧ Енсӧ, Ентӧг олысьлӧн лачаыс вошас.

Псалтыр 106:13

Но сьӧкыдаліганыс найӧ шыасисны Господь дінӧ, и Сійӧ мездіс найӧс шогысь.

Псалтыр 106:21

Ошкӧй Господьӧс Сылӧн буралӧмысь да шензьӧдана уджъясысь, мый Сійӧ вӧчӧ йӧзыслы!

Псалтыр 78:11

Енмӧй, кыв дзескыдінын пукалысьяслысь ойзӧмсӧ, Аслад вына кинад мезды кулӧм вылӧ мӧдӧдӧмаясӧс.

Петӧм 32:34

Мун [лэччы] да нуӧд войтыртӧ сэтчӧ, кытчӧ Ме тшӧкті. Менам андел мунас тэ водзын. А мыждан лунӧ Ме мыжда найӧс мыжсьыныс».

Исай 17:10

Ӧд тэ вунӧдін Ентӧ, ассьыд Мездысьтӧ, он казьтыв тэнӧ сайӧдысь Изкырта йылысь. Тэ пуктін мича быдмӧгъяс аслад идолъяслы, вужйӧдін йӧз виноград вожъяс.

Исай 65:7

тіян мыжъясысь да батьясныдлӧн мыжъясысь, – висьталӧ Господь. – Керӧсъяс вылын найӧ сотісны висьяс, мылькъяс вылын омӧльтісны Менӧ. Ме мурталӧмӧн мынтыся налы важ уджъяссьыныс.

Еремей 11:13

Мыйта Иуда муын карыс, сы мында Иуда войтырлӧн и енмыс. Мыйта Ерусалимын уличыс, сы мында жӧ висьпуктанін сувтӧдісны олысьясыс, медым сотны висьяс зывӧк Вааллы.

Еремей 18:15

Но Менам войтырӧй вунӧдіс Менӧ, найӧ сотӧны висьяс абутӧм енъяслы. Найӧ крукасисны асланыс туй вылын, кежисны важ туй вылысь, ӧні ветлӧдлӧны сэті, кӧні туйыс абу.

Еремей 2:32

Том ныв ӧмӧй вунӧдас пасьтавны мичмӧдчанторъяссӧ, гӧтырпу – кӧлысь паськӧмлысь вӧньсӧ? Но Менам войтырӧй важӧн нин вунӧдіс Менӧ.

Еремей 23:2

Та вӧсна Ме, Господь, Израильлӧн Ен, тадзи висьтала Менсьым войтырӧс видзысьяслы: ті разӧдінныд-вӧтлінныд Менсьым ыжъясӧс, энӧ тӧждысьӧй на вӧсна. Ӧні Ме мыжда тіянӧс лёк вӧчӧмъясныд вӧсна, – висьталӧ Господь.

Еремей 7:34

Иудаса каръясын да ерусалимса уличьяс вылын нимкодясьӧмлы да гажӧдчӧмлы Ме пукта пом, водзӧ оз кут кывны верӧспулӧн да гӧтырпулӧн гӧлӧс шыныс, ӧд тайӧ муыс лоӧ овтӧминӧн.

Еремей 7:9

Ті гусясянныд, виаланныд, пежаланныд гозъякост олӧм, кыв сетіганыд пӧръясянныд, сотанныд висьяс Ваал идоллы, юрбитанныд мукӧд енъяслы, кодъясӧс ті онӧ тӧдӧй.

Бӧрданкыв 1:4

Сионӧ нуӧдан туйяс бӧрдӧны, некод оз лок гажӧдчан лунъяс кежлӧ, сылӧн дзиръяясӧд пырысьыс абу. Попъяс сьӧкыда ышлолалӧны, нывъяс шогысла ойзӧны – Сион тырӧма курыд шогӧн.

Бӧрданкыв 5:14

Юрнуӧдысьяс оз нин пукавны карса дзиръя дорын, том йӧз оз нин сьывны-ворсны.

Езекиль 16:12

нырад – ныркытш да пеляд – исерга. А юр вылад пукті мичасьыс-мича юркытш.

Езекиль 16:17

Менам козинъясысь, зарни да эзысь мичмӧдчанторъясысь, тэ вӧчин айлов бӧлбанъясӧс да кырсалін накӧд.

Езекиль 22:12

Босьтӧны козинъяс, медым вир кисьтны. Сетӧны уджйӧзӧн, медым бӧрсӧ содтӧдӧн босьтны. Матыссаӧс дзескӧдӧмӧн озырмӧдчӧны. Ерусалим, тэ вунӧдін Менӧ, – висьталӧ Господь Ыджыдыс. –

Езекиль 23:35

Господь Ыджыдыс тадзи висьталӧ: тэ бергӧдчин Меысь да вунӧдін Менӧ, сідзкӧ, лэдзчысьӧм оласногыд да кырсалӧмыд вӧсна ну сьӧкыдтӧ».

Осий 11:2

Сійӧс чукӧстісны, и сійӧ муніс Ме дінысь, пондіс вись вайны Ваал идолъяслы, сотны висьяс бӧлбанъяслы.

Осий 13:1

– Ефремлӧн сёрнитігӧн йӧзыс тіралісны. Израиль чужанкотыръяс пӧвстын сійӧ вӧлі медтӧдчана, но Ваал вӧсна сійӧ мыжмис да куліс.

Осий 13:6

Но кор тэнад вӧліны йирсянінъяс, тэ пӧттӧдз сёйлін. А кор пӧтлін, сьӧлӧмад ыкшаасин да вунӧдлін Менӧ.

Осий 2:5

Налӧн мамныс кырсаліс, найӧс чужтысьыс асьсӧ янӧдіс. Сійӧ шуліс: «Муна аслам мусукъяс бӧрся. Найӧ сетӧны меным сёян-юан, вурун да шабді, вый да вина».

Осий 2:7

Сійӧ котӧртас аслас мусукъяс бӧрся, но оз суӧд, пондас корсьны найӧс, но оз аддзы. Сэки шуас: «Бӧр муна аслам верӧсӧй дінӧ. Ӧнія дорысь сэки меным бурджык вӧлі».

Осий 4:13

Керӧсъяс вылын найӧ вайӧны висьяс, мылькъяс вылын тшынӧдчӧны, вӧчӧны тайӧс тупу да оржы вуджӧр улын, тшӧтш мукӧд ыджыд пуяслӧн вуджӧр улын. На моз тіян нывъясныд сетчӧны кырсалӧмӧ, моньясныд – гозъякост олӧм пежалӧмӧ.

Осий 4:6

Бырӧдӧма лоӧ Менсьым войтырӧс, ӧд найӧ оз тӧдны Менӧ. Тэ нинӧмӧ пуктін тӧдӧмлунсӧ, та вӧсна Ме вешта тэнӧ Ме водзын кесъялӧмысь. Тэ вунӧдін аслад Енлысь Индӧдсӧ, а Ме вунӧда тэнсьыд ныв-питӧ.

Осий 8:14

Израиль вунӧдіс ассьыс Вӧчысьсӧ, кыпӧдаліс юрбитанінъяс. Иуда лэптіс уна зумыд кар, но Ме ыста сылӧн каръяс вылӧ би, и биыс ньылыштас сылысь изкаръяссӧ.

Осий 9:7

Воис мыждан лун, матысмис мынтысян лун – Израиль мед тӧдӧ тайӧс. Ме, пророк, лои вежӧртӧм, ӧд ті уна лёк вӧчанныд, ме, Ловсянь сёрнитысь, лои йӧй, ӧд ті пыр меным паныд сувтанныд.

Амос 8:10

Гажӧдчӧмнытӧ бергӧда шогсьӧмӧ, сьыланкывъястӧ – бӧрдӧмӧ. Ставнытӧ пасьтӧда шогалан паськӧмӧ, юрсинытӧ лоӧ шырӧма. Бӧрдӧмныд лоӧ ӧтка пи вӧсна бӧрдӧм кодь, тайӧ луныс лоӧ курыд шогӧн.

Индӧд 32:18

Найӧ вунӧдісны Дорйысьӧс, коді чужтіс найӧс, вунӧдісны Енмӧс, коді вӧчис найӧс.

Индӧд 6:12

видзчысьӧй, медым [сьӧлӧмныд эз ылав да] ті энӧ вунӧдӧй Господьӧс, коді петкӧдіс тіянӧс Египет муысь нартитӧм улысь.

Ёрдысьяс 10:6

Израиль пиян бара вӧчисны Господь водзын шогмытӧмсӧ. Найӧ юрбитісны Ваал да Астарта идолъяслы, тшӧтш арамей, сидон, моав, аммон да филистим войтыръяслӧн енъяслы. Найӧ эновтісны Господьӧс, дугдісны Сылы кесъявны.

Ёрдысьяс 3:7

Израиль пиян вӧчисны Господь водзын шогмытӧмсӧ. Найӧ вунӧдісны Господьӧс, ассьыныс Енсӧ, да пондісны юрбитны Ваал да Астарта идолъяслы.

Ӧксыяслӧн 1 небӧг 12:9

Но батьясныд вунӧдісны Господьӧс, ассьыныс Енсӧ. Сэки Господь сетіс найӧс хацорса тышкайӧзӧн Сисар нима веськӧдлысь киӧ, филистимсаяс киӧ да моавса ӧксы киӧ. Найӧ ставныс тышкасисны батьясныдлы паныд.