Осий 14:2 - Коми Библия 2023

² – Израиль, бӧр бергӧдчы Господь дінӧ, аслад Ен дінӧ, ӧд тэ усин аслад мыжыд вӧсна.

Осий 14:2 Kruisverwysings

Ӧксыяслӧн 2 небӧг 12:13

Давид шуис Нафанлы: «Ме мыжа Господь водзын». Нафан шуис: «Господь ӧні вештіс тэ вылысь мыжтӧ. Тэ он кув.

Ӧксыяслӧн 2 небӧг 24:10

Войтырсӧ арталӧм бӧрын Давидлы сьӧкыд лои сьӧлӧм вылас. Сійӧ шуис Господьлы: «Ме, Тэнад кесйӧг, мыжа сыысь, мый лыдди войтырӧс. Кора Тэнӧ, Господьӧй, вешты ме вылысь мыжӧс. Ме мывкыдтӧг вӧчи».

Иов 7:21

Мыйла Тэ он прӧстит менсьым мыжӧс, мыйла он вешты менсьым мыжмӧмӧс? Ӧні ме кыз му улӧ вода, Тэ кутан корсьны менӧ, а ме ог нин ло.

Псалтыр 50:14

Сет меным бара нимкодясьны мездмӧмысь, вына Ловнад ёнмӧд менӧ.

Исай 44:22

Руӧс моз Ме разӧда тэнсьыд лёк вӧчӧмъястӧ, кымӧрӧс моз вешта тэнсьыд мыжъястӧ. Бергӧдчы Ме дінӧ, Ме мезда тэнӧ!

Исай 6:7

Биа ӧгырнас сійӧ инмӧдчыліс менам вомдорӧ да шуис: «Тэнсьыд мыжтӧ вештӧма, тэнсьыд лёк вӧчӧмъястӧ прӧститӧма, ӧд тайӧ биа ӧгырыс инмӧдчыліс тэнад вомдорӧ».

Еремей 3:12

Мун войвывлань да юӧрт тайӧ кывъяссӧ: – Бергӧдчы, Израиль, Менӧ эновтысь, – висьталӧ Господь. – Ме ог кисьт Ассьым скӧрлунӧс тіян вылӧ, ӧд Ме бур сьӧлӧма, – висьталӧ Господь, – Ме ог скӧрав дугдывтӧг.

Осий 12:7

Ефрем – ылӧг вески кутысь ханаанса кодь, сійӧ радейтӧ дзескӧдны.

Осий 5:5

Израильлӧн вылӧ кыпӧдчӧмыс бергӧдчӧ аслыс паныд. Израиль да Ефрем усясны мыжныс понда, накӧд тшӧтш усяс Иуда.

Осий 6:6

Ас дінӧ муслун тіянсянь кӧсъя, ог вись вайӧм, Менӧ тӧдӧм, а ог сотан висьяс.

Йоиль 2:17

Бӧрдӧй, попъяс, крам посводз да висьпуктанін костын. Господьлӧн кесъялысьяс, шуӧй: «Господьӧй, ло бур сьӧлӧма Аслад войтыр дінӧ. Эн сет янӧдны Ассьыд войтыртӧ, эн лэдз мукӧд войтырлы омӧльтны миянӧс. Мед найӧ оз шуны, кӧні Израильлӧн Енмыс».

Иона 2:9

Ковтӧм ылӧг енъяслы юрбитысьяс эновтісны Тэнӧ, буралысь Енмӧс.

Закар 3:4

Андел шуис аслас отсасьысьяслы: «Пӧрччӧдӧй сы вылысь няйт паськӧмсӧ». Исуслы андел шуис: «Видзӧд, ме босьті тэ вылысь мыжтӧ, ӧні пасьтӧда тэнӧ гажӧдчан паськӧмӧ».

Матвей 7:11

Ті лёкӧсь, а сямманныд бурсӧ сетны асланыд ныв-пилы. Дерт нин, енэжвыв Батьныд уна пӧвстӧн бурсӧ сетас Сылысь корысьяслы.

Лука 11:13

Ті лёкӧсь, а сямманныд бурсӧ сетны асланыд ныв-пилы. Дерт нин, енэжвыв Батьныд сетас Вежа Ловсӧ Сылысь корысьяслы».

Лука 18:13

А вот перйысь сулаліс бокын да весиг синсӧ эз лысьт лэптывны енэжланьыс, сӧмын морӧсас кучкалӧмӧн шуаліс: ”Енмӧй, ло бур сьӧлӧма ме дінӧ, мыжа морт дінӧ!”

Иоан 1:29

Аскинас Иоан аддзис сы дінӧ локтысь Исусӧс да шуис: «Видзӧдлӧй, тайӧ Енлӧн Баля. Сійӧ вештӧ став йӧзлысь мыжъяссӧ.

Римӧ 11:27

Ме босьта налысь мыжъяссӧ – татшӧм йитӧд Ме кӧртала накӧд.

2 Тимофейлы 1:9

Енмыс мездіс миянӧс да корис вежа олӧмас эз миян уджъясным вӧсна. Сійӧ сетіс миянлы Ассьыс буралӧмсӧ олӧм пуксьытӧдзыс на Исус Кристос пытшкын.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

Еврейяслы 10:4

ӧд ӧшлӧн да кӧзалӧн вирыс оз вермы бырӧдны мортлысь мыжъяссӧ.

Еврейяслы 13:15

Сідзкӧ, Исус пыр кутам дугдывтӧг вайны Енлы аттьӧалана вись, асланым вомӧн кутам ошкыны Сылысь нимсӧ.

1 Петыр 2:5

да вайӧй асьнытӧ ловъя из пыдди, медым Ен вӧчас тіянысь Аслас Ловлы оланін. Сэки лоанныд вежа поп котырӧн да кутанныд вайны Ловсянь вись, мый лоӧ шогмана Енмыслы Исус Кристос пыр.

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

1 Иоан 1:7

Сы моз кӧ югыдас ветлам, сэки миян эм ӧта-мӧдкӧд ӧтувтчӧм, сэки Исус Кристос Ен Пилӧн вирыс сӧстӧммӧдӧ миянӧс быдпӧлӧс мыжысь.

1 Иоан 3:5

Ті тӧданныд, мый Кристос локтіс босьтны миянлысь мыжъяс. Сы пытшкын мыжыс абу.