Осий 13:6 - Коми Библия 2023

⁶ Но кор тэнад вӧліны йирсянінъяс, тэ пӧттӧдз сёйлін. А кор пӧтлін, сьӧлӧмад ыкшаасин да вунӧдлін Менӧ.

Осий 13:6 Kruisverwysings

Неемий 9:35

Асланыс муын, кӧні Тэ кытшалін найӧс быд бурнас, паськыд да озыр муын, мый Тэ сетін налы, найӧ эз кесъявны Тэныд, эз бергӧдчыны асланыс лёк уджъясысь.

Псалтыр 10:4

Господь олӧ Аслас вежа крамын, Сылӧн юралан пуклӧсыс енэжас. Сылӧн синмыс видзӧдӧ [корысь бӧрся], Сійӧ пыдӧдз тӧдмалӧ мортлысь сьӧлӧмсӧ.

Шусьӧгъяс 30:9

Коланасьыс унджык мед оз ло менам, ӧд сэки ме верма бергӧдчыны Тэысь, верма шуны: «Ог тӧд Господьӧс». А гӧльма кӧ, пета гусясьны да Тэнсьыд нимтӧ, Енмӧй, янӧда.

Исай 17:10

Ӧд тэ вунӧдін Ентӧ, ассьыд Мездысьтӧ, он казьтыв тэнӧ сайӧдысь Изкырта йылысь. Тэ пуктін мича быдмӧгъяс аслад идолъяслы, вужйӧдін йӧз виноград вожъяс.

Еремей 5:7

– Кыдзи Меным прӧститны Ерусалимын олысьясӧс? Найӧ эновтісны Менӧ, ылӧг енъяс водзын кыв сетӧны. Ме пӧткӧді найӧс, а найӧ пежалӧны гозъякост олӧм, чукӧръясӧн ветлӧдлӧны кырсалысь аньяслӧн керкаясӧ.

Езекиль 23:35

Господь Ыджыдыс тадзи висьталӧ: тэ бергӧдчин Меысь да вунӧдін Менӧ, сідзкӧ, лэдзчысьӧм оласногыд да кырсалӧмыд вӧсна ну сьӧкыдтӧ».

Езекиль 28:5

Тэ кужӧмӧн вузасин, ёна озырмин да пондін ышнясьны.

Осий 10:1

– Израиль вӧлі уна вожа виноград пу кодь, сійӧ вайис уна вотӧс. Кымын унджык сылӧн вӧлі вотӧсыс, сымын унджык сійӧ лэптіс висьпуктанінъяс. Кымын бурджыка сылӧн муыс быдтіс нянь, сымын ёнджыка сійӧ мичмӧдіс юрбитан изъяс.

Осий 12:8

Ефрем ошйысьӧ: «Ме зэв озыр, уна эмбур аслым чукӧрті! Менам уджъясысь некод оз аддзы лёксӧ, мыжсӧ менсьым некод оз аддзы».

Осий 2:13

Ме мыжда сійӧс лунъясысь, кор сійӧ вись сотліс Ваал идолъяслы, мичмӧдліс асьсӧ исергаясӧн да сикӧтшъясӧн, ветліс аслас мусукъяс бӧрся, а Менӧ вунӧдіс, – висьталӧ Господь.

Осий 2:7

Сійӧ котӧртас аслас мусукъяс бӧрся, но оз суӧд, пондас корсьны найӧс, но оз аддзы. Сэки шуас: «Бӧр муна аслам верӧсӧй дінӧ. Ӧнія дорысь сэки меным бурджык вӧлі».

Осий 4:6

Бырӧдӧма лоӧ Менсьым войтырӧс, ӧд найӧ оз тӧдны Менӧ. Тэ нинӧмӧ пуктін тӧдӧмлунсӧ, та вӧсна Ме вешта тэнӧ Ме водзын кесъялӧмысь. Тэ вунӧдін аслад Енлысь Индӧдсӧ, а Ме вунӧда тэнсьыд ныв-питӧ.

Осий 4:7

Кымын содӧ попъяслӧн лыдыс, сымын содӧ Меным паныд мыжныс. Налысь нималӧмсӧ Ме бергӧда яналӧмӧ.

Осий 5:14

Лев моз Ме уськӧдча Ефрем вылӧ, том лев моз чеччышта Иуда чужанкотыр вылӧ. Ме косявла найӧс, пышйӧда кыйдӧсӧс моз, и некод найӧс оз мезды.

Осий 7:14

Ме дінӧ став сьӧлӧмнас шыасьӧм пыдди найӧ бӧрдісны асланыс вольпась вылын, нянь да вина понда найӧ вундалісны асьнысӧ, но Меысь ылыстчисны.

Осий 8:14

Израиль вунӧдіс ассьыс Вӧчысьсӧ, кыпӧдаліс юрбитанінъяс. Иуда лэптіс уна зумыд кар, но Ме ыста сылӧн каръяс вылӧ би, и биыс ньылыштас сылысь изкаръяссӧ.

Осий 8:4

Метӧг найӧ асьныс пуктісны ӧксыясӧс, Менсьым юасьтӧг бӧрйисны юралысьясӧс. Асланыс эзысь-зарниысь найӧ вӧчисны бӧлбанъясӧс – тадзи вӧчӧмӧн найӧ бырӧдасны асьнысӧ.

Индӧд 32:18

Найӧ вунӧдісны Дорйысьӧс, коді чужтіс найӧс, вунӧдісны Енмӧс, коді вӧчис найӧс.