Осий 13:14 - Коми Библия 2023

¹⁴ Мезда-ӧ Ме сійӧс кулӧмыслӧн кабыр улысь, ньӧба-ӧ сійӧс кулӧмыслысь? Кулӧм, кӧні тэнад чушканыд? Кулӧм, кӧні тэнад вермӧмыд? Жалитӧмыс Менам оз ло.

Осий 13:14 Kruisverwysings

Иов 33:24

сэки Енмыс бурсьӧлӧмтчас висьысь дінӧ, тшӧктас анделлы мездыны висьысьӧс кулӧмсьыс, ӧд сыысь вештысьӧма нин.

Иов 41:22

Кынӧмув кучикыс ёсь йӧнгыльяса, вадорті кыссигӧн гӧрӧ мусӧ.

Псалтыр 16:10

Найӧ чорзьӧдӧмаӧсь сьӧлӧмнысӧ, тшапа сёрнитӧны,

Псалтыр 30:3

Копырт Ассьыд пельтӧ мелань, тэрмась мездыны менӧ! Ло меным изкыртаӧн да сайӧдчанінӧн, мезды менӧ!

Псалтыр 49:15

Шыась Ме дінӧ сьӧкыд кадӧ, сэки Ме мезда тэнӧ, и тэ нимӧдан Менӧ.

Псалтыр 49:16

Лёк вӧчысьлы Енмыс шуӧ: – Мыйла тэ висьтавлан Менам тшӧктӧмъяс йылысь, сёрнитан Менам йитӧд йылысь,

Псалтыр 71:20

Тайӧн помасьӧны Давидлӧн, Ессей пилӧн, кевмысьӧмъясыс. Ошкӧм.

Исай 25:8

Кулӧмсӧ лоӧ бырӧдӧма пыр кежлӧ! Господь Ыджыдыс чышкалас синвасӧ быд мортлӧн чужӧмбанысь, став му пасьтала Аслас войтыр вылысь вештас янӧдӧмсӧ. Тадзи висьталӧ Господь.

Исай 26:19

Господьӧй, Тэнад кулӧмаясыд ловзясны, шойяс чеччасны дзебанінысь. Садьмӧй да нимкодясьӧй, му пытшкын куйлысьяс! Тэнад югыд лысваыд юкталӧ мусӧ, и муыс бӧр сетас кулӧмаясӧс.

Еремей 15:6

Тэ эновтін Менӧ, – висьталӧ Господь, – тэ кежин Меысь. Та вӧсна Ме лэпта тэ вылӧ Ассьым киӧс да бырӧда тэнӧ, Ме мудзи тэ дінӧ буравны.

Еремей 20:16

Сійӧ мортыскӧд мед лоӧ сійӧ жӧ, мый лои каръяскӧд, кодъясӧс нем жалиттӧг пазӧдіс Господь. Асывнас мед сійӧ кылас ойзӧм, а луннас – тыш вылӧ чуксалӧм

Еремей 31:35

Господь пуктіс шонді югзьӧдны луннас, тшӧктіс тӧлысьлы да кодзувъяслы югзьӧдны войнас, Сійӧ гызьӧдӧ саридз, медым гыясыс ыджыд шыӧн бузгисны. Сылӧн нимыс – Господь Саваоф. Сійӧ тадзи висьталӧ:

Езекиль 37:9

Господь шуис меным: «Пророкав ловлы, морт пиӧй! Пророкалӧмӧн шу ловлы, мый Господь Ыджыдыс тадзи висьталӧ: лов, лок нёльнан пельӧссянь да пӧльышт олӧмсӧ тайӧ виӧмаяс пытшкӧ, медым найӧ ловзясны».

Осий 6:2

Кык лун мысти Сійӧ ловзьӧдас миянӧс, коймӧд луннас сувтӧдас кок выланым. Сэки ми пондам овны Сылӧн чужӧмбан водзын.

Осий 7:10

Израильлӧн вылӧ кыпӧдчӧмыс ас вылас усьӧ, но сійӧ оз бергӧдчы Господь дінӧ, оз корсь ассьыс Енсӧ.

Малакий 3:6

Ме – Господь, Ме ог вежлась! И ті, Яковлӧн пиян, абу вежсьӧмныд.

Лыд 23:19

Енмыс абу морт, оз ылӧдчы. Сійӧ абу морт, кывсӧ оз вежлав. Мый шуас, сійӧс и вӧчас. Мый кӧсйысяс, сійӧс и збыльмӧдас.

Римӧ 11:15

Найӧс ӧтдортӧмыс кӧ вайис бурасьӧм муюгыдыслы, сэки мый ваяс найӧс сибӧдӧмыс? Оз-ӧ кулӧмысь ловзьӧм?

Римӧ 11:29

Енмыс сетӧмторсӧ бӧр оз босьт, Сылы кесъявны корӧмсӧ оз веж.

2 Коринфӧ 5:4

Тайӧ вир-яй чомъяс олігӧн ми сьӧкыда ышлолалам, ӧд огӧ кӧсйӧй пӧрччысьны, но кӧсъям пасьтавны выльсӧ, медым олӧмыс вевттис куланасӧ.

Филипӧ 3:21

Енмыс сетіс Сылы вын веськӧдлыны ставнас. Тайӧ выннас Кристос вежас миянлысь кулана вир-яйнымӧс да сетас миян вир-яйлы Ассьыс дзирдлунсӧ.

1 Фессалоникаӧ 4:14

Ми кӧ эскам, мый Исус куліс и ловзис, сідзкӧ, Исускӧд Енмыс вайӧдас Ас дінас тшӧтш найӧс, коді эскис Исуслы, но куліс нин.

Яков 1:17

Быдпӧлӧс бурсетӧмыс да тыр-бур козиныс воӧ вылісянь, югыдыслӧн Батьсянь. Сійӧ некор оз вежсьыв, Сылӧн югыдыс некор оз кус.

Восьтӧм 20:13

Сэки саридзыс, пыдӧстӧминыс да кулӧмыс сетісны ассьыныс кулӧмаяссӧ, и быдӧнӧс найӧс вӧлі мыждӧма уджъясныс серти.

Восьтӧм 21:4

Сійӧ чышкас налысь став синвасӧ. Кулӧмыс оз нин ло, оз ло шогсьӧм, бӧрдӧм ни висьӧм, ӧд важыс кольӧма.

Восьтӧм 6:8

Ме видзӧдлі да аддзи быгалӧм рӧма вӧлӧс да сы вылын пукалысьӧс, кодлӧн нимыс вӧлі Кулӧм. Сы бӧрся вӧтчис ачыс Адыс. Налы вӧлі сетӧма ыджыдавны мулӧн нёльӧд юкӧныс вылын: виавны йӧзсӧ шыпуртӧн да тшыгйӧдӧмӧн, кулана висьӧмъясӧн да зверъяс отсӧгӧн.

Ӧксыяслӧн 1 небӧг 15:29

Израильлӧн эскана Енмыс оз пӧръясь да оз соссьы Аслас кывъясысь. Сійӧ абу морт, мед вежны шуӧм кывсӧ».