Осий 13:13 - Коми Библия 2023

¹³ Чужтан дойяс топӧдӧны сійӧс, но сійӧ вежӧртӧм кага кодь, кодлы воис кад чужны, но сійӧ оз пет.

Осий 13:13 Kruisverwysings

Ӧксыяслӧн 4 небӧг 19:3

Езекей тшӧктіс висьтавны Исайлы: «Тайӧ луныс – шогалан да мыждан-янӧдан лун. Чужысь кага дась нин петны мам кынӧмысь, но мамлӧн абу выныс чужтынысӧ.

Псалтыр 48:6

Мыйла меным повнысӧ сьӧкыд кадӧ, кор лёк ылӧдчысьяс кытшалӧны менӧ?

Шусьӧгъяс 22:3

Вежӧра морт казялӧ лёксӧ да дзебсьӧ, вежӧртӧм водзӧ мунӧ да мыждӧма лоӧ.

Исай 13:8

Найӧ ёна повзясны, кага вайысь аньӧс моз найӧс суасны сьӧкыд дойяс. Шӧйӧвошӧмӧн пондасны видзӧдны ӧта-мӧд выланыс, налӧн чужӧмныс пондас сотчыны.

Исай 21:3

Тайӧс аддзылӧмысь менам пытшкӧсӧй кутіс дзӧрны, сьӧкыд дойяс топӧдісны менӧ кага чужтысьӧс моз. Ме шӧйӧвоши сыысь, мый кывлі, менӧ полӧм босьтіс сыысь, мый аддзывлі.

Исай 26:17

Кыдзи нӧбасьысь ань сьӧкыдалӧ кага чужтігас да горзӧ дойяссьыс, татшӧмӧсь ми вӧлім Тэ водзын, Господьӧй.

Исай 37:3

Езекей тшӧктіс висьтавны Исайлы: «Тайӧ луныс – шогалан да мыждан-янӧдан лун. Чужысь кага дась нин петны мам кынӧмысь, но мамлӧн абу выныс чужтынысӧ.

Исай 66:9

– Ме ӧмӧй ог сет чужтынысӧ, вайӧда кӧ кагасӧ чужтӧмӧдз? – висьталӧ Господь. – Ме кӧ чужтысьлы сета вын, тупка ӧмӧй чужысьлы петан туйсӧ? – висьталӧ тэнад Енмыд.

Еремей 13:21

Мый тэ шуан, кор Господь пуктас тэ вылын ыджыдавны найӧс, кодъясӧс тэ лыддин аслад ёртъясӧн? Кага чужтысьӧс моз тэнӧ сэки топӧдасны дойясыд.

Еремей 22:23

Тэ ошйысян ливанса сус пуысь вӧчӧм керкаӧн, поздысян сус пу вожъяс вылын. Но чужтысь аньӧс моз тэнӧ топӧдасны сьӧкыд дойяс, и тэ пондан ымзыны!

Еремей 30:6

Мӧвпыштлӧй да гӧгӧрвоӧй: айморт ӧмӧй вермӧ чужтыны? Но Ме аддза, мый кага чужтысь ань моз айулов кутчысьӧмаӧсь кынӧманыс, налӧн чужӧмныс быгалӧма.

Еремей 4:31

Ме кыла гӧлӧс шы, сійӧ чужтысь аньлӧн гӧлӧс шы кодь, медводдза кагасӧ сьӧкыда чужтысьлӧн горзӧм шы кодь. Тайӧ – Сион нывлӧн гӧлӧс шыыс. Кисӧ нюжӧдӧмӧн сійӧ сьӧкыда ойзӧ: «Курыд шог меным! Виавны локтысьяс водзын ме вынтӧм».

Еремей 49:24

Дамаскын олысьяс вынтӧммисны, уськӧдчисны пышйыны, найӧс полӧм босьтіс. Кага чужтысь аньӧс моз найӧс топӧдісны сьӧкыдалӧм да дойяс.

Осий 5:4

Налӧн уджъясныс оз лэдзны налы бергӧдчыны асланыс Ен дінӧ, ӧд на пытшкын кырсалан ру, найӧ оз тӧдны Господьӧс.

Иоан 16:21

Кага вайысь ань сьӧкыдалӧ, кор воӧ кад чужтыны. Но чужтӧм бӧрас сылӧн сьӧкыдалӧмыс вунӧ нимкодьысла, ӧд муюгыдас морт чужис.

Иоан 5:4

Господьлӧн анделыс корсюрӧ лэччывліс вайӧртӧдӧ гызьӧдны васӧ. Гызьӧм ваӧ медводдза пырысьыс быдпӧлӧс висьӧмысь бурдліс.

Ап. уджъяс 24:25

Но кор Павел висьталіс веськыда олӧм йылысь, асьтӧ кутӧм да локтана мыждӧм йылысь, Феликсӧс полӧм босьтіс. Сійӧ шуис: «Ӧні мун. Кад кӧ лоӧ, корла на».

2 Коринфӧ 6:2

Енмыс ӧд тадзи висьталӧ: – Ме кылі тэнӧ бур кадӧ, отсалі тэныд мездман лунӧ. Со ӧні бур кадыс, со ӧні мездман луныс.

Индӧд 32:6

Тадзи ӧмӧй тэ, мывкыдтӧм да вежӧртӧм войтыр, мынтысян Господьлы? Абу-ӧ Сійӧ тіян Бать, тіянӧс Вӧчысьыс? Сійӧ тіянӧс вӧчис да ёнмӧдіс.

1 Фессалоникаӧ 5:3

Кор йӧзыс кутасны шуавны, гӧгӧр пӧ лӧнь, повнысӧ пӧ нинӧмысь, сэки тӧдлытӧг суас найӧс кулӧм, кыдзи тӧдлытӧг суӧ кага чужтысьӧс дой. Сэки некод оз вермы пышйынысӧ.