Осий 12:7 - Коми Библия 2023

⁷ Ефрем – ылӧг вески кутысь ханаанса кодь, сійӧ радейтӧ дзескӧдны.

Осий 12:7 Kruisverwysings

Олӧм 49:18

Господьӧй, мезды, ме виччыся отсӧг Тэсянь!

Шусьӧгъяс 11:1

Ылӧг вескиыд – Господьлы зывӧк, стӧч вескиыд шогмана Сылы.

Шусьӧгъяс 16:11

Господь лӧсьӧдӧма стӧча веситчӧмсӧ, Сысянь став вески-гираыс.

Исай 3:5

Йӧзыс кутасны дзескӧдны ӧта-мӧднысӧ, быдӧн – ассьыс матыссасӧ. Том зон кутас омӧльтны пӧрысь мортӧс, некытчӧ туйтӧм кутас лёкӧдны пыдди пуктанаӧс.

Исай 56:1

Господь тадзи висьталӧ: – Мыждӧй веськыда, олӧй веськыда, ӧд регыд воас Месянь мездмӧмыс, регыд воссяс Менам веськыдлунӧй.

Езекиль 16:3

Шу, мый Господь Ыджыдыс тадзи висьталӧ Ерусалимлы: тэ чужин Ханаан муын, и сэні тэнад вужйыд. Тэнад батьыд аморей войтырысь, а мамыд хеттей войтырысь.

Езекиль 22:29

Войтырыс ӧта-мӧдсӧ дзескӧдӧ, ӧта-мӧдныслысь мырддялӧ, гӧльӧс да коньӧрӧс топӧдӧ, йӧз муысь локтысьясӧс нартитӧ.

Езекиль 28:5

Тэ кужӧмӧн вузасин, ёна озырмин да пондін ышнясьны.

Осий 14:2

– Израиль, бӧр бергӧдчы Господь дінӧ, аслад Ен дінӧ, ӧд тэ усин аслад мыжыд вӧсна.

Йоиль 2:12

– Бергӧдчӧй Ме дінӧ став сьӧлӧмнаныд, видзалӧй да сыркъялӧмӧн бӧрдӧй, – висьталӧ Господь весиг талун.

Амос 2:7

Гӧль йӧзӧс найӧ талялӧны кок уланыс, коньӧръяслы туйсӧ тупкӧны. Батьыс да пиыс ӧти ань дінӧ ветлӧны – тадзи янӧдӧны Менсьым вежа нимӧс.

Амос 3:9

Юӧртӧй Азот изкарын олысьяслы, египетса каръясын олысьяслы шуӧй: – Чукӧртчӧй Самария керӧсъяс вылӧ, видзӧдлӧй, кутшӧм шызьӧм да дзескӧдӧм сэні!

Амос 4:1

Кывзӧй, ті, васанса мӧсъяс, Самария керӧс вылын олысь аньяс! Ті дзескӧданныд гӧльясӧс, топӧданныд коньӧръясӧс, верӧсныдлы тшӧктанныд: «Вай юны!»

Амос 5:11

Ті дзескӧданныд гӧльясӧс, босьтанныд налысь няньсӧ. Та вӧсна лоас тадзи: ті лэптанныд керкаяс кералӧм ыджыд изъясысь, но сэтчӧ онӧ овмӧдчӧй, ті пуктанныд бур виноград йӧръяс, но сэтчӧс вотӧсысь пычкӧм винасӧ онӧ юӧй.

Микей 2:1

Курыд шог налы, кодъяс дасьтысьӧны лёксӧ вӧчны, весиг вольпасяс куйлігӧн мӧвпалӧны та йылысь. Асывводзнас найӧ збыльмӧдӧны мӧвпъяснысӧ, лёксӧ вӧчны налӧн киныс вына.

Микей 7:2

Му вылын бур сьӧлӧмаыс абу, абу веськыда олысьыс. Ставныс кыйӧдчӧны ӧта-мӧдныслысь вир кисьтны, быдӧн кӧсйӧ тывйыштны ассьыс воксӧ.

Закар 14:21

Ерусалимын да Иуда муын став пӧртсӧ лоӧ вежӧдӧма-торйӧдӧма Господь Саваофлы. Вись вайиганыс йӧзыс босьтасны пӧртъяссӧ да пуасны сэні висьлысь яйсӧ. Сійӧ лунӧ Господь Саваофлӧн крамын оз ло весиг ӧти вузасьысь.

Закар 5:8

Андел шуис: «Тайӧ аньыс эм ачыс мыжыс». Сэсся йӧткыштіс аньсӧ пельса пыдӧсас да тупкис пельсасӧ свинеч вевтнас.

Закар 7:9

– Господь Саваоф тадзи висьталӧ: веськыда мыждӧй, лоӧй бур сьӧлӧмаӧсь да меліӧсь ӧта-мӧдныд дінӧ.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Иоан 2:16

Гулюӧн вузасьысьяслы Сійӧ шуис: «Петкӧдӧй гулюястӧ татысь! Энӧ пӧртӧй Менам Батьлысь керкасӧ вузасянінӧ!»

Яков 5:4

Со, кылӧ тіян му вылын уджалысьяслӧн горзӧмыс, ӧд ті энӧ мынтысьӧй налы. Налӧн горзӧмыс воис Господь Саваофлӧн пельӧдзыс.

Ӧксыяслӧн 1 небӧг 12:3

Ӧні Господь водзын да Сылӧн мавтыштӧмаыс водзын висьталӧй, босьтлі-ӧ ме кодлыськӧ ӧшсӧ либӧ осёлсӧ? Пӧръявлі-ӧ да дзескӧдлі-ӧ кодӧскӧ? Сибӧдлі-ӧ кодсянькӧ козин, медым сылӧн лёк вӧчӧм вылӧ синмӧс тупкыны? Висьталӧй, и ме ставсӧ бӧр сета тіянлы».