5 Господь эм Ен Саваоф, Сылӧн нимыс – Господь!
Яков садьмис да шуис: «Збыльысь Господь тані, а ме эг тӧд!»
Яков шуис: «Аслам синмӧн Енмӧс аддзылі и ловйӧн коли». Та вӧсна нимтіс тайӧ местасӧ Пенуэлӧн.
Месопотамияысь локтӧм бӧрын [Лузын] Яковлы бара петкӧдчис Ен да бурсиис сійӧс.
Сійӧ шӧрипӧв поткӧдіс Гӧрд саридз, Сылӧн буралӧмыс оз помасьлы.
Ӧд Тэ – менам зумыд изйыс да изкарыс. Аслад нимыд вӧсна нуӧд менӧ да веськӧдлы меӧн.
Ен нӧшта шуис Мӧисейлы: «Висьтав Израиль пиянлы, мый Господь, налӧн батьяслӧн Ен, Ӧвраамлӧн Ен, Исааклӧн Ен да Яковлӧн Ен, мӧдӧдіс тэнӧ на дінӧ. Чужысьяссянь чужысьясӧдз Менӧ кутасны шуны Господьӧн. Тайӧ Менам нимӧй пыр кежлӧ.
Ме – Господь, тайӧ Менам нимӧй. Ассьым дзирдлунӧс Ме некодлы ог сет. Ошкӧмсӧ, мый лӧсялӧ Меным, ог сет идолъяслы.
