Осий 12:11 - Коми Библия 2023

¹¹ Галаад тырис лёкнас, сэтчӧс олысьяс лоины шогмытӧмӧсь. Галгалын начкисны ӧшъясӧс, медым вись вайны, но налысь висьпуктанінъяссӧ жугласны, найӧ лоӧны гӧрӧм му вылын туплясьысь из чукӧръяс кодьӧсь.

Осий 12:11 Kruisverwysings

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Ӧксыяслӧн 4 небӧг 17:13

Быд пророк да тӧдысь-аддзысь пыр Господь ӧлӧдліс Израильӧс да Иудаӧс: «Бергӧдчӧй асланыд лёк туйясысь. Олӧй Менам индӧд-тшӧктӧмъяс серти, мый Ме тшӧкті тіян батьяслы да висьтавлі тіянлы пророкъяс пыр, кодъяс кесъялісны Меным».

Еремей 10:15

Найӧ нинӧм дон оз сулавны, найӧ тешкодь вӧчӧмторъяс, мыждан лунӧ найӧ бырасны.

Еремей 10:8

Став войтыръясыс вежӧртӧмӧсь да мывкыдтӧмӧсь, и пуысь вӧчӧмтор оз вермы велӧдны найӧс.

Еремей 2:20

Ме важӧн нин жугӧді тэнсьыд сийӧстӧ, орйӧдлі тэнсьыд кӧртӧдъястӧ. Тэ шулін, мый он кут юрбитны идолъяслы, но став джуджыд керӧс вылын, быд пашкыр пу улын тэ куйлін кырсалысь ань моз.

Еремей 2:28

Но кӧні тіян киӧн вӧчӧм енъясныд? Вермӧны кӧ, найӧ мед отсаласны тіянлы шог дырйиныд. Ӧд тэнад, Иуда войтыр, сы мында жӧ енмыс, мыйта тэнад карыд.

Езекиль 17:2

«Морт пиӧй, нӧдкыв нӧд Израиль войтырлы, висьтав велӧданвисьт.

Осий 10:1

– Израиль вӧлі уна вожа виноград пу кодь, сійӧ вайис уна вотӧс. Кымын унджык сылӧн вӧлі вотӧсыс, сымын унджык сійӧ лэптіс висьпуктанінъяс. Кымын бурджыка сылӧн муыс быдтіс нянь, сымын ёнджыка сійӧ мичмӧдіс юрбитан изъяс.

Осий 10:2

Кык пельӧ торъяліс налӧн сьӧлӧмыс, та вӧсна найӧс лоӧ мыждӧма. Господь пазӧдас налысь висьпуктанінъяссӧ, жуглас юрбитан изъяссӧ.

Осий 4:15

Тэ, Израиль, кырсалан, но Иуда мед оз кырсав. Энӧ мунӧй Галгалӧ, энӧ кайӧй Бет-Авенӧ, энӧ сетӧй кывнытӧ ловъя Господь водзын.

Осий 6:8

Галаад – лёк вӧчысьяслӧн кар, сэні кок туйясыс вирӧсь.

Осий 8:11

Ефрем сувтӧдіс уна висьпуктанін, медым мыж вӧчны, та вӧсна сійӧ мыжмис.

Осий 9:15

Быд лёксӧ найӧ вӧчисны Галгалын, сэні Ме понді мустӧмтны найӧс. Налӧн лёк уджъясысь Ме вӧтла найӧс Аслам керкаысь, дугда радейтны найӧс, ӧд налӧн юралысьясныс асныраӧсь.

Амос 4:4

Мунӧй Вефильӧ да водзӧ мыж вӧчӧй, мунӧй Галгалӧ да содтӧй мыж вӧчӧмнытӧ. Кӧть быд асыв вайӧй висьяснытӧ, быд куим лун мысти вайӧй дасӧд юкӧннытӧ!

Амос 5:5

Энӧ Вефильысь Менӧ корсьӧй, энӧ мунӧй юрбитны Галгалӧ, энӧ ветлӧдлӧй Бер-Шеваӧ. Ӧд Галгалын олысьясӧс пленӧ нуӧдасны, Вефиль нинӧмӧдз воас.

Иона 2:8

Кор нюкыртчис менам лолӧй, сэки тӧд вылӧ усин меным, Господьӧй. Менам кевмӧмӧй воис Тэӧдз, Тэнад вежа крамӧдз.

Лыд 12:6

Господь шуис: «Кывзӧй Менсьым кывъясӧс. Эм кӧ тіян пӧвстын Менам пророк, сылы Ме восся петкӧдчылӧм пыр да сёрнита сыкӧд вӧтас.