Осий 11:6 - Коми Библия 2023

⁶ Шыпурт кутас ӧвтчыны налӧн каръясын, сійӧ жуглас налысь иганъяссӧ, бырӧдас найӧс сыысь, мый найӧ кӧсйисны вӧчны лёксӧ.

Осий 11:6 Kruisverwysings

Псалтыр 106:39

Но дзескӧдысь вӧсна налӧн лыдыс чинӧ, найӧ сьӧкыдалӧны да шогсьӧны.

Псалтыр 106:43

Мывкыд морт казялӧ тайӧс, гӧгӧрвоӧ Господьлысь буралӧмсӧ. Ошкӧм.

Исай 18:5

Но виноград вотӧдз на, сылӧн дзоридзалӧм бӧрти, кор розйыс заводитас кисьмыны, Господь пуртӧн вундалас вожъяссӧ, Сійӧ кералас да шыбитас выль вожъяссӧ.

Исай 27:10

Кушмас-тыртӧммас зумыд кар, оланінъяссӧ йӧзыс колясны-эновтасны, кар пыдди лоӧ овтӧмин. Сэні пондасны куйлыны да йирсьыны куканьяс, найӧ кушӧдз йирасны пуяслысь коръяссӧ.

Исай 30:1

Курыд шог кывзысьтӧмъяслы, – висьталӧ Господь. – Найӧ сёрнитчӧны, но Метӧг, кӧрталӧны йитӧд, но оз Менам кӧсйӧм серти. Тадзи найӧ мыж дінӧ мыж содтӧны.

Исай 9:14

Сэки Господь керыштіс Израильлысь юрсӧ и бӧжсӧ, ӧти лунӧ Сійӧ керыштіс пальма пу и эжӧр.

Еремей 5:17

Найӧ сёясны тэнсьыд кӧдзастӧ и няньтӧ, виасны тэнсьыд пиянтӧ и нывъястӧ, сёясны тэнсьыд ыжъястӧ и ӧшъястӧ, виноградтӧ и инжиртӧ. Шыпуртӧн найӧ бырӧдасны изкаръяснытӧ, мый вылӧ ті лача кутанныд.

Еремей 50:35

Калдея войтыр весьтӧ кыпӧдӧма шыпурт, – висьталӧ Господь, – кыпӧдӧма шыпурт Вавилонын олысьяс весьтӧ, налӧн юралысьяс да тӧдысьяс весьтӧ.

Бӧрданкыв 2:9

Карса дзиръяяс муас вӧйисны, иган-тасъяссӧ Сійӧ пасьйис. Ӧксы да юралысьяс олӧны мукӧд войтыр пӧвстын, Енлысь Индӧдсӧ оз велӧдны, Господьсянь петкӧдчылӧмыс пророкъяслы абу.

Езекиль 20:47

Тшӧкты лунвылын быдмысь вӧрлы кывзыны Господьлысь кывсӧ. Господь Ыджыдыс тадзи висьталӧ: Ме ӧзта тэ пытшкӧ би, и сійӧ ньылыштас став пусӧ – вежсӧ и косьмӧмасӧ. Ыпъялысь биыс оз кус, а лунвывсянь войвылӧдз ставсӧ сотас.

Осий 10:14

Тэнад войтыр пӧвстын кыптас шызьӧм, став тэнсьыд изкаръястӧ лоӧ бырӧдӧма, кыдзи тыш дырйи Шалман бырӧдіс Бет-Арбел. Сэні вӧлі виӧма мамъясӧс челядьныскӧд.

Осий 10:6

Найӧ нуасны бӧлбансӧ Ассурӧ Ярев ӧксылы козин пыдди. Ефремлы яндзим лоӧ, Израиль яналас аслас лӧсьӧдӧмторъясысь.

Осий 4:16

Израиль лои асныра мӧс кодь. Кутас-ӧ Господь ыжъясӧс моз ӧні видзны найӧс паськыд видз вылын?

Осий 4:17

Ефрем кутчысьӧ идолъясӧ – мед вӧчасны, кыдзи кӧсйӧны!

Левит 26:25

Йитӧд торкӧмысь Ме вайӧда тіян вылӧ вӧрӧгӧс. Татшӧм ногӧн тіянлысь водзӧс перъя. Дзебсянныд кӧ асланыд каръясӧ, Ме мӧдӧда тіян вылӧ пӧрӧс висьӧм, сета тіянӧс вӧрӧг киӧ.

Левит 26:31

Каръяснытӧ Ме пасьварта, вежаинъяснытӧ бырӧда, чӧскыда ӧвтан висьяснытӧ ог сибӧд.

Левит 26:33

Ме разӧда тіянӧс войтыръяс пӧвстӧ, бӧрсяньныд вӧтча шыпуртӧн. Тіян муныд овтӧммас, каръясныд киссясны.

Амос 6:8

Яков рӧдлӧн вылӧ кыпӧдчӧмыс Меным зывӧк, сылысь изкарсӧ Ме мустӧмта, – висьталӧ Господь Ен Саваоф. – Та вӧсна Ме, Господь Ыджыдыс, кыв сета, мый карсӧ ставнас вӧрӧглы коля.

Микей 5:11

бырӧда тіянлысь каръяснытӧ, кисьта изкаръяснытӧ.

Малакий 4:1

Сійӧ луныс воас ыпъялысь би моз, идзасӧс моз сотас вылӧ кыпӧдчысьясӧс, сотас лёк вӧчысьясӧс, – висьталӧ Господь Саваоф, – оз коль наысь весиг вуж ни ув.

Индӧд 28:52

Сійӧ муас, мый Господь, тіян Енныд, сетас тіянлы, найӧ кытшаласны тіянлысь каръяснытӧ да кисьтасны джуджыд ён стенъяснытӧ, мый вылӧ ті лачанытӧ кутанныд.

Индӧд 32:25

Коді лоӧ ывлаын, кулас шыпурт помысь, коді лоӧ гортас, весьӧпӧрас. Виӧма лоӧ ныв-зонмӧс, пузчужӧм кагаӧс и дзор юраӧс.