Осий 11:5 - Коми Библия 2023

⁵ Найӧ эз кӧсйыны бергӧдчыны Ме дінӧ, та вӧсна налы бӧр ковмас мунны Египетӧ, Ассур кутас ыджыдавны на вылын.

Осий 11:5 Kruisverwysings

Ӧксыяслӧн 4 небӧг 15:19

Ассурса Пул ӧксы уськӧдчис Израиль му вылӧ. Менаим сетіс Пуллы сюрс талант эзысь, медым мӧдыс отсаліс сылы зумыдмӧдны юралӧмсӧ.

Ӧксыяслӧн 4 небӧг 15:29

Пекахлӧн ӧксыалӧм дырйи Израиль вылӧ уськӧдчис ассурса Тиглатпаласар ӧксы. Сійӧ босьтіс Ийон, Авел-Бет-Маака, Янох, Кедеш да Хацор каръяс, Галаад, Галилея да Неффалим муяс. Сэтчӧс олысьяссӧ нуӧдіс Ассурӧ.

Осий 10:6

Найӧ нуасны бӧлбансӧ Ассурӧ Ярев ӧксылы козин пыдди. Ефремлы яндзим лоӧ, Израиль яналас аслас лӧсьӧдӧмторъясысь.

Осий 5:13

Кор Ефрем аддзис ассьыс висьӧмсӧ, а Иуда – ассьыс дойяссӧ, сэки Ефрем муніс Ассурӧ, ыстіс ассьыс йӧзсӧ Ярев ӧксы дінӧ. Но сійӧ оз вермы сетны тіянлы дзоньвидзалун, оз вермы бурдӧдны дойяснытӧ.

Осий 6:1

Сьӧкыдаліганыс найӧ пондасны корсьны Менӧ, шуасны: «Бӧр мунамӧй Господь дінӧ! Сійӧ косявліс миянӧс, но Сійӧ и бурдӧдас, Сійӧ дойдаліс миянӧс, но Сійӧ и кӧрталас дойяснымӧс.

Осий 7:16

Найӧ оз кӧсйыны бергӧдчыны Медвылыссаыс дінӧ, найӧ лоины личалӧм ньӧввуж кодьӧсь. Налӧн юралысьясныс шыпурт помысь усясны, лёк кывныс вӧсна куласны, и Египет муын найӧс кутасны лёкӧдны.

Осий 8:13

Сійӧ висьяс вайӧ, сэсся яйсӧ сёйӧ, но Господьлы тайӧ висьясыс абу шогманаӧсь. Господь казьтыштас Ефремлысь лёк вӧчӧмсӧ да мыждас сійӧс мыжъяссьыс, сэки сылы бӧр ковмас мунны Египетӧ.

Осий 9:3

Водзӧ тэ он понды овны Господьлӧн муын – Ефремлы бӧр ковмас мунны Египетӧ, Ассурын сійӧ пондас сёйны пеж сёян.

Осий 9:6

Ті пышйинныд бырӧдӧмысь, но Египет чукӧртас тіянӧс, Мемфис кар гуалас тіянӧс. Тіянлысь эзысьнытӧ пӧдтас петшӧр, чомъяснытӧ кытшалас лежнӧг.

Амос 4:11

Содом да Гомора каръяслы моз Ме вайи тіян пӧвстӧ бырӧдӧм, и ті лоинныд биысь перйӧм сэрапом кодьӧсь. Но ті энӧ бергӧдчӧй Ме дінӧ, – висьталӧ Господь. –

Амос 4:6

– Таысь Ме мынтыси тіянлы, и сиктсаяслӧн эз вӧв нянь, карсаяслӧн пиньныс нянь курччалӧмысь шойччис. Но ті энӧ бергӧдчӧй Ме дінӧ, – висьталӧ Господь. –

Амос 5:27

Та вӧсна Ме вӧтла тіянӧс Дамаскысь на ылӧджык, – висьталӧ Господь. Сылӧн нимыс – Ен Саваоф.

Индӧд 17:16

Ӧксыныд мед оз лӧсьӧд уна вӧв да оз мӧдӧд ассьыс йӧзсӧ Египетӧ, медым ньӧбны сэтысь вӧвъясӧс. Ӧд Господь шуис тіянлы, сэтчӧ пӧ бӧрсӧ энӧ бергӧдчӧй.