Осий 11:4 - Коми Библия 2023

⁴ Муслуныслӧн кӧвъясӧн морт моз Ме кыски найӧс Ас дінӧ. Ме босьтлі на вылысь сийӧссӧ, копыртчӧмӧн пуктывлі на водзӧ сёян.

Осий 11:4 Kruisverwysings

Ӧксыяслӧн 2 небӧг 7:14

Ме лоа сылы батьӧн, а сійӧ – Меным пиӧн. Сійӧ кӧ мыжмас, Ме чорыда чирышта сійӧс, кыдзи бать чирыштӧ ассьыс писӧ.

Псалтыр 105:40

Господьлӧн скӧрлуныс ыпнитіс Аслас войтыр вылӧ, Сійӧ зывӧктіс Ассьыс бӧрйӧмаяссӧ.

Петӧм 16:32

Мӧисей шуис: «Со мый тшӧктіс Господь. Ӧти омер мында маннасӧ видзӧй тіянсянь чужысьяслы, медым найӧ аддзисны, кутшӧм няньӧн Господь вердіс тіянӧс овтӧминын Египет муысь петкӧдӧм бӧрын».

Сьылан 1:4

Ерусалимса нывъяс! Менам кучикӧй кедарсаяслӧн чом кодь мугов, но ме Соломонлӧн дӧраыс кодь мича.

Исай 63:9

сьӧкыд кадӧ Сійӧ вӧлі накӧд, Сылӧн анделыс отсаліс налы. Аслас муслуныс да бурлуныс вӧсна Сійӧ мездывліс найӧс, новлӧдліс найӧс ки вылас став важся лунъясӧ.

Осий 2:8

Сійӧ эз гӧгӧрво, мый няньсӧ, винасӧ да выйсӧ сылы Ме сеті. Ме сійӧс озырмӧді эзысь-зарниӧн, но таысь найӧ вӧчисны Ваал бӧлбанӧс.

Левит 26:13

Ме – Господь, тіян Енныд. Ме петкӧді тіянӧс Египет муысь, медым ті энӧ олӧй кесйӧг туйын. Ме мезді тіянӧс сийӧс улысь, медым ті веськӧдчӧмӧн ветлӧдлінныд».

Иоан 12:32

Му вылысь Менӧ кыпӧдӧм бӧрын Ме ставнысӧ Ас дінӧ сибӧда».

2 Коринфӧ 5:14

Миянӧн веськӧдлӧ Кристослӧн муслуныс, сійӧн ми мӧвпалам, мый ӧти кӧ куліс ставныс вӧсна, сідзкӧ, ставныс кулісны.

Индӧд 32:12

Господь ӧтнасӧн новлӧдліс найӧс, мӧд енмыс Сыкӧд эз вӧв.

Индӧд 32:14

мӧс выйӧн да кӧза йӧлӧн, тшӧгӧдӧм баляпиянӧн, кӧзаясӧн да васанса межъясӧн, вердіс медбур шобдіӧн. Найӧ юисны вина – виноград тусьлысь вирсӧ.