Осий 11:10 - Коми Библия 2023

¹⁰ Господь равӧстас лев моз, и Ефрем мунас Сы бӧрся. Господь равӧстас – сэки тіралӧмӧн локтасны рытыввывсянь Сылӧн пияныс,

Осий 11:10 Kruisverwysings

Иов 37:1

Таысь менам сьӧлӧмӧй тіралӧ, чеччалӧ морӧсын.

Псалтыр 2:11

Кесъялӧй Господьлы полӧмпырысь, [Сы водзын] нимкодясьӧй вежавидзӧмӧн.

Исай 11:11

Сійӧ лунӧ Господь бара нюжӧдас Ассьыс кисӧ да бергӧдас Ассьыс коляс войтырсӧ Ассурысь и Египетысь, Патросысь и Эфиопияысь, Эламысь и Сеннарысь, Хаматысь и саридздорса муясысь.

Исай 2:5

Яковсянь чужысьяс, локтӧй, кутам овны Господьлӧн югыдас!

Исай 31:4

Господь меным тадзи висьталіс: – Кыдзи лев, том лев, равзӧ аслас кыйдӧс весьтын да оз пов ыж видзысьясысь, налӧн уна лыдысь да горзӧмысь, тадзи Господь Саваоф лэччас Сион керӧс вылӧ, медым вермасьны тайӧ керӧсыс вӧсна.

Исай 42:13

Господь петас тышкаморт моз, шыпурта моз Сійӧ тырас скӧрлунӧн, Сійӧ гораа горӧдас, чукӧстас тыш вылӧ, Сійӧ петкӧдлас Ассьыс вынсӧ паныд сувтысьяслы.

Исай 49:10

Найӧ оз кутны тшыгъявны, налӧн оз кут косьмыны горшныс, найӧс оз пӧж шондіыс, ӧд найӧс пондас нуӧдны Сійӧ, коді бур сьӧлӧма на дінӧ, Сійӧ вайӧдас найӧс ва петанінъяс дорӧ.

Исай 64:2

биын сотчысь ув моз, би вылын пузьысь ва моз. Лэччы, Господьӧй, медым Тэнӧ мустӧмтысьяс тӧдісны Тэнсьыд нимтӧ! Тэ водзын мед дзӧрӧны-тіралӧны войтыръяс.

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

Исай 66:5

Кывзӧй Господьлысь кывсӧ ті, кодъяс вежавидзанныд Сылӧн кывйысь: – Тіянӧс мустӧмтысь вокъясныд, Менам ним вӧсна тіянӧс ӧтдортысьяс, шуалӧны: «Мед Господь петкӧдлас Ассьыс дзирдлунсӧ, и ми видзӧдлам тіян гажӧдчӧм вылӧ». Но тіянӧс мустӧмтысьясӧс лоӧ янӧдӧма.

Еремей 2:2

Господь тшӧктіс меным мунны Ерусалимӧ да юӧртны сэні, мый Господь тадзи висьталӧ: – Ме эг вунӧд, кыдзи том дырйиыд тэ сьӧлӧмсянь кесъялін Меным, тэ радейтін Менӧ, кор тэ вӧлін Меным гӧтырпуӧн на, тэ мунін Ме бӧрся овтӧминӧд, кӧні нинӧм он кӧдз ни он быдты.

Еремей 25:30

Юӧрт налы став тайӧ кывъяссӧ: Господь грымӧбтас выліинсянь, Сійӧ гораа горӧдас Аслас вежа оланінсянь, равӧстас Аслас муын олысьяс вылӧ. Виноград талялысь моз Сійӧ гораа горӧдас мувывса став йӧзыс вылӧ.

Еремей 31:9

Найӧ петасны бӧрдӧмӧн, а Ме вайӧда найӧс бурӧдӧмӧн, нуӧда найӧс визув ва дінӧ шыльыд туйӧд, кӧні найӧ оз крукасьны, ӧд Ме – Израиль войтырлӧн бать, Ефрем – Менам медводдза чужысьӧй.

Еремей 33:9

Мувывса став войтыръяс водзын тайӧ карыс ваяс Меным нимкодьлун, ошкӧм да нималӧм. Кор войтыръяс кыласны бурыс да лӧньлуныс йылысь, мый Ме сета тайӧ карас олысьяслы, найӧс полӧм-дзӧрӧм босьтас.

Еремей 5:22

Ті ӧмӧй онӧ полӧй Меысь, – висьталӧ Господь, – ті ӧмӧй онӧ тіралӧй Ме водзын? Лыасӧ Ме пукті саридзлы вежтасӧн, потши саридзсӧ нэмъяс кежлӧ, сы сайӧ саридз оз вермы вуджнысӧ. Гыясыс ӧдӧбӧн уськӧдчылӧны, но сэсся бӧр бергӧдчӧны, найӧ ызгӧны, но вежтассӧ вуджны оз вермыны.

Еремей 50:4

Сійӧ лунъясас, сійӧ кадас, – висьталӧ Господь, – локтасны Израиль да Иуда войтыръяс. Найӧ мунасны бӧрдӧмӧн, кутасны корсьны Господьӧс, ассьыныс Енсӧ.

Еремей 7:6

онӧ кӧ дзескӧдӧй йӧз муысь локтысьӧс, батьтӧм-мамтӧмӧс да дӧваӧс, онӧ кӧ кисьтӧй мыжтӧм йӧзлысь вирсӧ тайӧ муас, онӧ кӧ юрбитӧй мукӧд енъяслы аслыныд лёк вылӧ,

Еремей 7:9

Ті гусясянныд, виаланныд, пежаланныд гозъякост олӧм, кыв сетіганыд пӧръясянныд, сотанныд висьяс Ваал идоллы, юрбитанныд мукӧд енъяслы, кодъясӧс ті онӧ тӧдӧй.

Езекиль 26:16

Саридздор муясын ӧксыяс асланыс юралан пуклӧсысь чеччасны, пӧрччасны вывсьыныс кышансӧ да вежасны серлӧдлӧм паськӧмнысӧ. Паськӧм моз найӧс полӧмыс вевттяс. Найӧ тіралӧмӧн пуксясны му вылӧ, ӧд весьӧпӧрасны сыысь, мый суис тэнӧ.

Осий 3:5

Но сэсся Израиль войтыр бӧр бергӧдчас да корсяс ассьыс Господь Енсӧ да Давид ӧксысӧ. Бӧръя лунъясӧ найӧ пондасны полӧмӧн пыдди пуктыны Господьӧс да Сылысь бурлунсӧ.

Йоиль 3:16

Господь равӧстас-горӧдас Сионсянь, Ассьыс гӧлӧс шысӧ сетас Ерусалимсянь. Сэки енэжыс да муыс сыркмунасны. Но Господь доръяс Ассьыс войтырсӧ, Сійӧ видзас Израиль пиянӧс.

Амос 1:2

Амос шуис: – Господь равӧстас-горӧдас Сионсянь, Ассьыс гӧлӧс шысӧ сетас Ерусалимсянь. Сэки ыж видзысьяслӧн йирсянінъяс косьмасны, Кармил керӧс вылын ставыс нярмас.

Амос 3:4

Равзӧ ӧмӧй вӧрын лев, абу кӧ сылӧн кыйдӧсыс? Кутас ӧмӧй равзыны том лев аслас позйын, эз кӧ нинӧм кый?

Амос 3:8

Лев кӧ равӧстас, коді нӧ оз повзьы? Господь Ыджыдыс кӧ висьталас, коді нӧ оз пророкав?

Микей 4:5

Быд войтыр юрбитӧ аслас енлы, а ми юрбитам Господьлы, асланым Енлы, нэмъяс чӧж.

Аввакум 3:16

Ме шызьӧмсӧ кылі да, пытшкӧсӧй тіравны пондіс, вомдорӧй вӧрны кутіс, дойыс лыясӧдз пырис, кокӧй дзӧрны пондіс. Но ме лӧня виччыся сійӧ лунсӧ, кор шогыс суас менам войтыр вылӧ уськӧдчысьясӧс.

Закар 10:10

Ме бӧр вайӧда найӧс Египетысь, чукӧрта найӧс Ассурысь. Ме овмӧда найӧс Галаад муӧ да Ливанӧ, но весиг сэні налы оз кут тырмыны оланіныс.

Закар 10:12

Ме, Господь, ёнмӧда найӧс Аслам вынӧн, и найӧ пондасны овны Менӧ пыдди пуктӧмӧн, – висьталӧ Господь.

Закар 8:7

Господь Саваоф тадзи висьталӧ: Ме мезда Ассьым войтырӧс, вайӧда найӧс асыввыв да рытыввыв муясысь,

Иоан 8:12

Исус бара сёрнитіс йӧзыскӧд. Сійӧ шуис: «Ме эм йӧзыслы югыдыс. Ме бӧрся мунысь оз кут ветлыны пемыдас, сылӧн лоӧ олӧмыслӧн югыдыс».

Ап. уджъяс 24:25

Но кор Павел висьталіс веськыда олӧм йылысь, асьтӧ кутӧм да локтана мыждӧм йылысь, Феликсӧс полӧм босьтіс. Сійӧ шуис: «Ӧні мун. Кад кӧ лоӧ, корла на».

Римӧ 8:1

Сідзкӧ, ӧні абу некутшӧм мыждӧм Исус Кристос пытшкын олысьяслы, кодъяс олӧны Лов серти, а оз вир-яй серти.

2 Петыр 2:10

Торъя нин тайӧ инмӧ вир-яйлӧн лёк кӧсйӧмнас пежасьӧмаяслы да Енлысь Юралӧмсӧ мустӧмтысьяслы. Найӧ яндысьтӧмӧсь, асныраӧсь да оз повны лёкӧдны енэжвывса юралысь-веськӧдлысьясӧс.

Восьтӧм 10:3

и лев моз равӧстіс-горӧдіс ыджыд шыӧн. Сылӧн горӧдӧм бӧрын сизим гым кутісны гораа сёрнитны.