7 Ва вылысь быг моз бырас Самария аслас ӧксыкӧд.
Регыд мысти лои татшӧмтор. Самарияса Ахав ӧксылӧн Изреельын вӧлі ӧксы керка. Ӧксы керкакӧд орччӧн вӧлі изреельса Навотлӧн виноград йӧрыс.
Но Тишби карын олысь Иллялы Господьлӧн андел шуис: «Пет воча самарияса ӧксылӧн мӧдӧдӧмаяслы да висьтав налы: ”Мыйла ті мунанныд юасьны экронса Ваал-Зевув енлысь? Израильын ӧмӧй абу Енмыс?
Ремальлӧн Пеках пилы паныд кыпӧдчис Элайлӧн Осий пиыс да виис сійӧс. Ачыс сы пыдди пуксис ӧксыӧ. Тайӧ вӧлі иудаса Озей Иотам ӧксылӧн кызьӧд веськӧдлан воӧ.
Но бӧрынджык Осий кыпӧдчис ассурса ӧксылы паныд да мӧдӧдіс ассьыс йӧзсӧ египетса Сигор ӧксы дінӧ корны отсӧг. Осий дугдіс мынтыны ассурса ӧксылы быдвося вот. Кор ассурса ӧксы казяліс, мый Осий вӧчӧ, пуксьӧдіс сійӧс дзескыдінӧ.
Тадзи лоас тіянлы Вефиль вӧсна, тіян пежсьыс-пеж уджъяссьыныд. Кыа петігӧн Израильлысь ӧксыӧс лоӧ виӧма.
Ӧні найӧ шуалӧны: «Миян абу ӧксыным, ӧд Господьысь ми эгӧ полӧй. А вӧлі кӧ, мый бурсӧ эськӧ сійӧ вермис вӧчны миянлы?»
Бырӧдӧма лоӧ Авенысь вись ваян мылькъяс, ӧд тайӧ мылькъясыс – Израильлӧн мыжыс. Йӧн да ёг турун кутас быдмыны налӧн висьпуктанінъяс вылын. Йӧзыс шуасны керӧсъяслы: «Вевттьӧй миянӧс!» Мылькъяслы шуасны: «Усьӧй миян вылӧ!»
Скӧрмӧмпырысь Ме сеті тэныд ӧксыӧс, лӧгалӧмпырысь бӧр босьті сійӧс.
Найӧ – саридзвывса гыяс, кодъяс лёкысь быгзьӧны асланыс янӧдан уджъясӧн. Найӧ – вошласьысь кодзувъяс, кодъяслы век кежлӧ дасьтӧма сап пемыдсӧ.
