Осий 10:3 - Коми Библия 2023

³ Ӧні найӧ шуалӧны: «Миян абу ӧксыным, ӧд Господьысь ми эгӧ полӧй. А вӧлі кӧ, мый бурсӧ эськӧ сійӧ вермис вӧчны миянлы?»

Осий 10:3 Kruisverwysings

Олӧм 49:10

Иуда киын пыр лоӧ юралан беддьыс, сылӧн кок бердын – ыджыдалан беддьыс, кытчӧдз оз лок Бурӧдысь, кодлысь кывзысьӧны войтыръяс.

Ӧксыяслӧн 4 небӧг 15:13

Иудаса Озей ӧксылӧн комын ӧкмысӧд веськӧдлан воӧ Израиль муын ӧксыӧ пуксис Явислӧн Шаллум пиыс. Ӧти тӧлысь чӧж сійӧ юраліс Самария карын.

Псалтыр 118:9

Кыдзи вермас том зон видзны ассьыс олӧмсӧ сӧстӧмӧн? Тэнад кывйыд серти олӧмӧн.

Псалтыр 12:4

Господьӧй, менам Енмӧй, видзӧдлы ме вылӧ да вочавидз меным. Сет меным аддзыны Тэнсьыд югыдтӧ, медым ме эг унмовсь кулана унмӧн,

Исай 5:19

Найӧ шуалӧны: «Мед ӧдйӧджык тыдовтчасны Господьлӧн уджъясыс, медым ми аддзим найӧс. Мед ӧдйӧджык инасны Израильлӧн вежа Енлӧн кывъясыс, медым ми казялім тайӧс».

Осий 10:15

Тадзи лоас тіянлы Вефиль вӧсна, тіян пежсьыс-пеж уджъяссьыныд. Кыа петігӧн Израильлысь ӧксыӧс лоӧ виӧма.

Осий 10:7

Ва вылысь быг моз бырас Самария аслас ӧксыкӧд.

Осий 11:5

Найӧ эз кӧсйыны бергӧдчыны Ме дінӧ, та вӧсна налы бӧр ковмас мунны Египетӧ, Ассур кутас ыджыдавны на вылын.

Осий 13:10

Кӧні ӧні тэнад ӧксыыд, коді мездас тэнӧ став тэнад каръясын? Кӧнӧсь тэнад юралысьясыд, кодъясӧс тэ корин Менсьым, шуин, сет пӧ миянлы ӧксыӧс да юралысьясӧс?

Осий 13:11

Скӧрмӧмпырысь Ме сеті тэныд ӧксыӧс, лӧгалӧмпырысь бӧр босьті сійӧс.

Осий 3:4

Израиль войтыр дыр кад чӧж кутас овны ӧксытӧг да юралысьтӧг. Висьяс, юрбитан изъяс, ефод да гортса бӧлбанъяс оз лоны налӧн.

Микей 4:9

Мыйла тэ ӧні гораа горзан? Тэнад ӧмӧй абу ӧксыыд? Воштін ӧмӧй ассьыд туйдӧдысьтӧ? Кага чужтысьӧс моз тэнӧ топӧдӧ дойыд.

Иоан 19:15

Найӧ горӧдісны: «Босьт, тувъяв Сійӧс!» Пилат юаліс: «Тіянлысь Ӧксынытӧ-ӧ тувъяла?» Аркирейяс вочавидзисны: «Кесарысь кындзи миян мӧд ӧксыыс абу».

Ӧксыяслӧн 1 небӧг 12:25

А кутанныд кӧ водзӧ вӧчны лёксӧ, сэки куланныд ті, и тіян ӧксыныд».