Осий 10:14 - Коми Библия 2023

¹⁴ Тэнад войтыр пӧвстын кыптас шызьӧм, став тэнсьыд изкаръястӧ лоӧ бырӧдӧма, кыдзи тыш дырйи Шалман бырӧдіс Бет-Арбел. Сэні вӧлі виӧма мамъясӧс челядьныскӧд.

Осий 10:14 Kruisverwysings

Олӧм 32:11

Мезды менӧ Исав вокысь! Ме пола, мый сійӧ локтас да виас менӧ, виас тшӧтш менсьым челядьӧс мамъясыскӧд.

Ӧксыяслӧн 4 небӧг 17:16

Найӧ кежисны Господьлӧн, асланыс Енлӧн, тшӧктӧмъясысь, вӧчисны аслыныс кык зарни ӧшкӧс, сувтӧдісны юрбитан пуяс, юрбитісны енэжвыв вынъяслы да Вааллы.

Ӧксыяслӧн 4 небӧг 17:3

Ассурса Салманассар ӧксы тышӧ петіс Осийлы паныд. Осий шедіс Салманассар кипод улӧ и кутіс мынтыны сылы вот.

Ӧксыяслӧн 4 небӧг 18:33

Мукӧд войтыръяслӧн енъяс ӧмӧй мездісны налысь мусӧ ассурса ӧксылӧн кипод улысь?

Исай 17:3

Ефремын оз нин лоны изкаръяс, Дамаскын оз нин лоны ӧксыяс, арамейяслӧн коляс войтырыс бырас. Накӧд лоӧ сійӧ жӧ, мый лои Израиль войтырлӧн нималӧмкӧд, – висьталӧ Господь Саваоф.

Исай 33:14

Сионын олысь мыжаяс полӧны, Ентӧг олысьяс тіралӧны. Найӧ шуалӧны: «Коді миян пӧвстысь вермас орччӧн овны ставсӧ сотысь бикӧд? Коді миян пӧвстысь вермас овны куслытӧм би пытшкын?»

Еремей 13:14

Ме зурӧда найӧс ӧта-мӧдас, зурӧда батьяссӧ пияныскӧд ӧтвыв, – висьталӧ Господь. – Ме некодӧс ог жалит, некод дінӧ ог бурсьӧлӧмтчы, жалиттӧг бырӧда найӧс».

Еремей 48:41

Моавса каръясӧс лоӧ босьтӧма, изкаръясӧс – пасьвартӧма. Сійӧ лунӧ моавса тышкайӧзлӧн сьӧлӧмныс лоӧ кага чужтысь аньлӧн кодь.

Осий 10:15

Тадзи лоас тіянлы Вефиль вӧсна, тіян пежсьыс-пеж уджъяссьыныд. Кыа петігӧн Израильлысь ӧксыӧс лоӧ виӧма.

Амос 3:14

Сійӧ лунӧ, кор Ме мыжда Израиль войтырӧс налӧн мыжъясысь, Ме бырӧда Вефильысь висьпуктанінъяс. Висьпуктанінлысь сюръяссӧ керыштасны да шыбитасны муӧ.

Амос 3:8

Лев кӧ равӧстас, коді нӧ оз повзьы? Господь Ыджыдыс кӧ висьталас, коді нӧ оз пророкав?

Амос 9:5

Ыджыдыс, Господь Саваоф, инмӧдчӧ муас, и муыс вӧрзьылӧ, сэтчӧс став олысьыс бӧрддзӧ. Муыс кыптылӧ Нил моз, ляпкалӧ египетса ю моз.

Микей 5:11

бырӧда тіянлысь каръяснытӧ, кисьта изкаръяснытӧ.

Наум 3:10

Но сійӧс тшӧтш нуӧдісны пленӧ, сылысь кагаяссӧ виисны туйвежъясын, сылӧн нималана йӧзыс вӧсна пудъясисны, став сылысь тӧдчана йӧзсӧ дорисны чепъясӧн.

Наум 3:12

Тэнад изкаръясыд – кисьмӧм инжир пу кодьӧсь. Пусӧ кӧ пыркнитан, вотӧсыс веськыда вомас усяс сёйны кӧсйысьлы.

Аввакум 1:10

Тайӧ войтырыс ӧксыясӧс серамтуйӧ пуктӧ, юралысьясӧс омӧльтӧ, изкаръяс вылын тешитчӧ: лэптӧ на гӧгӧр тымӧд да босьтӧ найӧс.