Осий 10:13 - Коми Библия 2023

¹³ Ті кӧдзинныд пежсӧ, вундінныд лёксӧ, ті сёйинныд ылӧгыслысь вотӧссӧ, ӧд ті лача кутінныд асланыд туй вылӧ, уна лыда тышкайӧзныд вылӧ.

Осий 10:13 Kruisverwysings

Иов 4:8

Ме аддзылі, мый лёксӧ гӧрысьяс да шогсӧ кӧдзысьяс асьныс вундӧны лёксӧ да шогсӧ.

Псалтыр 33:16

Господьлӧн синмыс видзӧдӧ веськыда олысьяс вылӧ, Сылӧн пельыс кылӧ налысь горзӧмсӧ,

Псалтыр 52:7

Сионысь мед воас Израильлы мездмӧмыс! Кор Енмыс бӧр бергӧдас Ассьыс войтырсӧ пленысь, сэки Яков кутас нимкодясьны, Израиль кутас гажӧдчыны.

Псалтыр 62:10

Найӧс, кодъяс кӧсйӧны босьтны менсьым олӧмӧс, лоӧ шыбитӧма пыдӧстӧм гуӧ.

Шусьӧгъяс 1:31

Та вӧсна понданныд сёйны, мый быдтінныд, кутанныд пӧткӧдчыны асланыд лёк мӧвпъясӧн.

Шусьӧгъяс 12:19

Збыльсӧ висьталысьыд пыр лоӧ, ылӧгсӧ сёрнитысьыд дыр оз ов.

Шусьӧгъяс 13:2

Аслас бур кывъясысь мортыд бурнас пӧтӧ, ылӧдчысьыд вины-дзескӧдны видзӧдчӧ.

Шусьӧгъяс 19:5

Ылӧгсӧ висьталысьӧс мыждӧм виччысьӧ, ылӧдчысь оз мездмы.

Шусьӧгъяс 22:8

Ылӧгсӧ кӧдзысь вундас шог, пом воас сылӧн чорыд дзескӧдӧмлы. [Сьӧлӧмсяньыс сетысьӧс Енмыс радейтӧ, содтас сылы, мый оз судзсьы.]

Еклесиаст 9:11

Нӧшта ме аддзылі шонді улас, мый панласигӧн тэрыба котӧртысь оз век ло вермысьӧн, медвына тышкасьысь оз век вермы тышын, мывкыдалӧн абу пыр няньыс, вежӧралӧн абу пыр озырлуныс, кужысь морт дінӧ оз век буравны. Быдӧнлӧн аслас кад да аслас олан туй.

Исай 17:11

Найӧс пуктан лунӧ тэ тӧждысин, медым бура быдмисны, медым водз дзоридзалісны. Но вотӧс чукӧртан кадӧ вотӧсыс оз ло, а дой да висьӧм лоӧ.

Осий 11:12

– Ефрем кытшаліс Менӧ аслас пӧръясьӧмӧн, Израиль – аслас ылӧдчӧмӧн. А Иуда кутчысьӧ на Ен дорас, эскӧ на вежа Енлы.

Осий 4:2

Сетӧм кывнысӧ торкӧны, пӧръясьӧны, виӧны да гусясьӧны, гозъякост олӧм пежалӧны, вир кисьтӧмлы помыс абу.

Осий 4:8

Найӧ пӧткӧдчӧны Менам войтырлӧн мыжъясӧн, нимкодясьӧны войтырлӧн лёк вӧчӧмысь.

Осий 7:3

– Ӧксы нимкодясьӧ, мый йӧзыс лёксӧ вӧчӧны, юралысьяс нимкодясьӧны, мый йӧзыс пӧръясьӧны.

Осий 8:7

Найӧ кӧдзӧны тӧвныр, вундӧны бушков. Няньыс налӧн оз шептась, пызьыс налӧн оз ло. А шептасяс кӧ, няньсӧ мукӧдъяс сёясны.

Ӧксыяслӧн 1 небӧг 24:14

Важӧн шулӧмаӧсь, лёкыс пӧ петӧ лёк йӧзсянь. Но ме ог лэпты киӧс тэ вылӧ.