Олӧм 9:6 - Коми Библия 2023

⁶ Коді кисьтас мортлысь вир, сылысь вирсӧ тшӧтш кисьтасны, ӧд мортсӧ вӧчӧма Ен кодьӧн.

Олӧм 9:6 Kruisverwysings

Олӧм 4:14

Ӧні Тэ вӧтлан менӧ тайӧ мусьыс. Тэ вештан менӧ Аслад чужӧмбан водзысь, ме кута шӧйтны-ветлӧдлыны му вывті. И коді паныдасяс мекӧд, виас менӧ».

Олӧм 42:22

Рувим шуис налы: «Эг ӧмӧй шулы тіянлы, мед зонмыслы лёксӧ энӧ вӧчӧй? Но ті энӧ кывзысьӧй. Ӧні сылӧн вирысь ми водзӧс мынтам».

Олӧм 5:1

Адамсянь чужысьяс йылысь. Ен вӧчис мортӧс Ас кодьнас.

Ӧксыяслӧн 3 небӧг 2:9

А тэ эн коль сійӧс мыждытӧг. Тэ мывкыд морт, и ачыд тӧдан, мый сыкӧд вӧчны, медым пӧрысь кадас сійӧ вуджас кулӧмаяс дінӧ сылысь вирсӧ кисьтӧм бӧрын».

Ӧксыяслӧн 4 небӧг 11:1

Ахазийлӧн Аталия мамыс кор тӧдмаліс пиыслӧн кулӧм йылысь, шуис бырӧдны иудаса ӧксы рӧдысь став писӧ.

Ӧксыяслӧн 4 небӧг 11:16

Аталияӧс петкӧдісны дзиръя дорӧ, кыті вӧвъясӧн пырлісны ӧксылӧн керка йӧрӧ, и сэні сійӧс виисны.

Ӧксыяслӧн 4 небӧг 11:20

Став войтырыс нимкодясис. Ӧксы керкаын Аталияӧс виӧм бӧрти карас пуксис лӧньлун.

2 Каднебӧг 33:24

Амонлӧн кесйӧгъясыс кыпӧдчисны сылы паныд да виисны сійӧс аслас керкаас.

Псалтыр 51:4

Тэнад кывйыд сёрнитӧ бырӧдӧм йылысь, сійӧ бритва кодь лэчыд, тэ – ылӧдчысь!

Петӧм 20:13

Эн ви.

Шусьӧгъяс 28:17

Вир кисьтысь пондас кувтӧдзыс пышъявны – энӧ кутӧй сійӧс.

Еклесиаст 3:3

эм кад виавны и бурдӧдавны, жуглыны и тэчны,

Левит 17:4

а оз вайӧд сійӧс вежа чом пыранін дорӧ, [медым вайны сотан вись либӧ бурасян вись пыдди, мый лоӧ Господьлы шогмана чӧскыд ӧвтантор,] медым Господьлӧн оланін водзын вайны сійӧс Господьлы вись пыдди, сэки тайӧ мортыс лоӧ мыжа вир кисьтӧмысь. Сійӧс лоӧ бырӧдӧма аслас войтыр пӧвстысь.

Левит 24:17

Коді мортӧс виас, сійӧс асьсӧ мед виасны.

Лыд 35:16

Коді вачкас мӧд мортӧс кувмӧныс кӧртысь вӧчӧмторйӧн, сійӧ лоӧ морт виысьӧн, а морт виысьӧс колӧ вины.

Лыд 35:25

Войтырыс мед доръяс морт виысьӧс водзӧс перйысьлӧн киысь да бӧр вайӧдас карӧ, кытчӧ сійӧ коркӧ пышйыліс. Сійӧ мед олас сэні вежа выйӧн мавтыштӧм аркирейлӧн кувтӧдз.

Лыд 35:33

Энӧ пежалӧй мунытӧ, кӧні ті кутанныд овны. Вир пежалӧ мусӧ, и муыс вермӧ сӧстӧммыны сӧмын вир кисьтысьлӧн вирӧн.

Матвей 26:52

Исус шуис сылы: «Бӧр сюй шыпурттӧ. Шыпурт босьтысь шыпурт помысь кулас.

Римӧ 13:4

Юралысь – Енлӧн кесйӧг, сійӧс пуктӧма тэныд бур вылӧ. Вӧчан кӧ лёксӧ, пов! Оз ӧд весьшӧрӧ сійӧ новлӧдлы шыпурт. Сійӧ – Енлӧн кесйӧг, вермӧ чорыда дойдны лёк вӧчысьӧс.

1 Коринфӧ 11:7

Айловлы оз ков вевттьыны юрсӧ, ӧд сійӧ Енлӧн пертасыс. Сійӧ Енмыслы ошкӧм вайӧ, а гӧтыр – верӧслы.

Индӧд 19:11

Но морт кӧ лӧгалӧм вӧсна кыйӧдас да виас матыссасӧ, а сэсся пышъяс татшӧм карас,

Индӧд 5:17

Эн ви.

Яков 3:9

Кывйӧн ми ошкам Ен Батьӧс, кывйӧн и ёрам Ен нога вӧчӧм мортӧс.

Восьтӧм 13:10

Коді мӧдӧс дзескыдінӧ пуксьӧдас, ачыс сэтчӧ веськалас. Коді шыпуртӧн виас, сійӧс асьсӧ шыпуртӧн виасны. Татшӧм кадас вежа войтырлы колӧ зумыдлун да эскӧм.

Ёрдысьяс 9:56

Енмыс тадзи водзӧс перйис Авимелеклысь сыысь, мый Авимелек лёксӧ вӧчис аслас батьыслы – виис ассьыс сизимдас воксӧ.

Ӧксыяслӧн 1 небӧг 15:33

Но Самуил шуис: «Кыдзи тэ аслад шыпуртӧн виалін мамъяслысь челядьсӧ, тадзи тэнад мамыд воштас ассьыс писӧ». Сэсся кераліс Агагӧс Господь водзын Галгалын.