Олӧм 7:4 - Коми Библия 2023

⁴ Сизим лун мысти нелямын лун да вой Ме кута кисьтны му вылӧ зэр. Тадзи бырӧда му вылысь Меӧн вӧчӧм став ловъя олысьсӧ».

Олӧм 7:4 Kruisverwysings

Олӧм 2:5

пуыс да туруныс эз на вӧв му вылас, ӧд Господь Ен эз на кисьт зэрсӧ му вылӧ, да эз на вӧв мортыс, мед вӧдитны мусӧ.

Олӧм 6:13

[Господь] Ен шуис Нойлы: «Ме бырӧда став йӧзсӧ, ӧд муыс на вӧсна тырӧма виалӧм-дзескӧдӧмӧн. Ме дзикӧдз бырӧда найӧс му вылысь.

Олӧм 6:17

Ме ойдӧда мусӧ, тадзи бырӧда енэж улысь став ловъя олысьсӧ. Му вылын ставыс кулас.

Олӧм 6:3

Господь [Ен] шуис: «Менам лолалӧмӧй морт пытшкын оз пыр ло, ӧд мортыс сӧмын вир-яй. Сылӧн олан кадыс мед лоӧ сё кызь во».

Олӧм 6:7

И шуис Господь: «Бырӧда му вылысь мортӧс, кодӧс Ме вӧчи. Бырӧда йӧзӧс и ыж-мӧскӧс, гаг-веглясьысьясӧс и енэжвыв лэбачьясӧс. Бурджык, эг кӧ вӧчлы найӧс».

Олӧм 7:10

Сизим лун мысти муыс кутіс ойдыны.

Олӧм 7:12

Нелямын лун да нелямын вой му вылӧ киссис зэр.

Олӧм 7:17

Нелямын лун [да вой] чӧж ваыс ӧтарӧ содіс да кыпӧдіс ковчегсӧ му вылысь.

Олӧм 7:3

Енэжвыв [сӧстӧм] лэбачсӧ босьт тшӧтш сизим гозйӧн, айӧс да эньӧс, [пеж лэбачсӧ – ӧти гозйӧн, айӧс да эньӧс]. Тадзи пемӧс-лэбачыс оз бырны му вылысь.

Олӧм 8:10

Сизим лун мысти бара лэдзис гулюӧс ковчегысь.

Олӧм 8:12

Сизим лун бӧрын Ной бара лэдзис гулюӧс, и сійӧ бӧрсӧ эз нин лок.

Олӧм 8:2

Тупкысисны йирлӧн ва петанінъяс, пӧдласисны енэжвыв ӧшиньяс, и дугдіс зэрны.

Иов 22:16

Кадысь водз найӧс вӧлі бырӧдӧма, налысь керкаяссӧ ыджыд ва кылӧдіс.

Иов 28:25

Кор Енмыс тӧврулы сетіс вын, кымӧръяслы мурталіс ва,

Еремей 28:16

Та вӧсна Господь тадзи висьталӧ: Ме чышкышта тэнӧ му вывсьыс. Тайӧ вонас тэ кулан, ӧд тэ ышӧдін тайӧ войтырсӧ Господьлы паныд кыпӧдчыны».

Амос 4:7

Ме зэрсӧ тіянлы эг сет, кор вундан кадӧдз вӧлі куим тӧлысь на. Ӧти кар вылӧ кисьті зэрсӧ, а мӧд кар вылӧ – эг. Кӧнкӧ зэрліс, а кӧнкӧ зэртӧмысла муыс косьмис.

Восьтӧм 3:5

Вермысь пасьтасяс еджыд паськӧмӧ, и сылысь нимсӧ Ме ог вушты Олӧмыслӧн небӧгысь. Аслам Бать водзын да Енлӧн анделъяс водзын Ме висьтала, мый сійӧ – Менам.