Олӧм 7:13 - Коми Библия 2023

¹³ Сійӧ лунӧ, кор кутіс ойдӧмӧн ойдыны, Ной пырис ковчегӧ аслас Сим, Хам да Яфет пияныскӧд, гӧтырыскӧд да куимнан моньыскӧд.

Олӧм 7:13 Kruisverwysings

Олӧм 10:21

Симлӧн, Яфетлӧн ыджыд вокыслӧн, тшӧтш вӧліны пиян. Сим лои Эверсянь чужысьяслӧн батьӧн.

Олӧм 10:6

Хамлӧн вӧліны Куш, Мицраим, Фут да Ханаан пиян.

Олӧм 5:32

Нойлы вӧлі витсё арӧс, кор сылӧн чужисны Сим, Хам да Яфет пиян.

Олӧм 6:10

Сылӧн чужис куим пи: Сим, Хам да Яфет.

Олӧм 6:18

Но тэкӧд Ме кӧртала йитӧд. Тэныд да пияныдлы, гӧтырыдлы да моньясыдлы колӧ пырны ковчегӧ.

Олӧм 7:1

Господь [Ен] шуис Нойлы: «Пыр аслад котырыдкӧд ковчегӧ, ӧд Ме аддзи, мый ӧнія олысьяс пӧвстысь тэ ӧтнад олан веськыда Ме водзын.

Олӧм 7:14

Накӧд пырис быдсикас мувыв пемӧсыс да гаг-веглясьысьыс, тшӧтш быдсикас лэбачыс да мукӧд бордаыс.

Олӧм 8:14

Мӧд тӧлысьлӧн кызь сизимӧд лунӧ муыс вӧлі дзикӧдз косьмӧма.

Еврейяслы 11:7

Эскӧм вӧсна Нойлы вӧлі водзвыв сетӧма тӧдны аддзытӧмсӧ. Сійӧ кывзысис Енмыслысь да вӧчис ковчег, медым мездыны ассьыс гортсасӧ. Эскӧмнас сійӧ мыждіс муюгыдсӧ, эскӧм вӧсна сылы вичмис Енсянь веськыдлун.

1 Петыр 3:20

Тайӧ ловъясыс вӧліны кывзысьтӧмӧсь Енлӧн терпитӧм дырйи, кор Ной вӧчис ковчег. Сэні этшаӧн, сӧмын кӧкъямыс морт, мездмисны ва пыр.

2 Петыр 2:5

Эз видз и Ентӧг олысьясӧн тырӧм воддза муюгыдсӧ, а бырӧдіс ыджыд ваӧн. Колис ловъяӧн сӧмын кӧкъямысӧс, на пиысь ӧтиыс вӧлі веськыдлун йылысь юӧртысь Ной.

Ёрдысьяс 21:22

Кор нывъяслӧн батьясныс либӧ вокъясныс локтасны норасьны, ми налы шуам: ”Лоӧй бур сьӧлӧмаӧсь, ӧд налы ставныслы эз тырмыны тышын шедӧдӧм нывъясыс. Ті абу мыжаӧсь. А асьныд кӧ сетінныд нывъяснытӧ, вӧлінныд эськӧ мыжаӧсь”».