Олӧм 6:2 - Коми Библия 2023

² сэки Ен пиян аддзисны, мый нывъяс мичаӧсь, да бӧрйысьӧмӧн кутісны босьтны найӧс гӧтырӧ.

Олӧм 6:2 Kruisverwysings

Олӧм 12:11

Египетӧ матыстчигӧн сійӧ шуис Сара гӧтырыслы: «Тэ мича ань.

Олӧм 24:3

кыв сет Господь водзын, енэжыслӧн да муыслӧн Ен водзын, мый Исаак пиӧйлы гӧтырсӧ тэ он вай ханаан войтырысь, кодъяс пӧвстын ме ола,

Олӧм 26:35

Тайӧ аньясыс вайисны Исааклы да Ревеккалы уна шог.

Олӧм 27:46

А Исаак верӧсыслы Ревекка шуис: «Тайӧ хеттей аньясыс вӧсна меным мустӧммис олӧмыс. Нӧшта кӧ Яков босьтас гӧтырӧ хеттей аньӧс, весиг ог кӧсйы овнысӧ!»

Олӧм 3:6

Ань аддзис, мый вотӧсыс чӧскыд, пуыс синтӧ гажӧдӧ да кыскӧ ас дорас, ӧд сетӧ тӧдӧмлун. Ань нетшыштіс вотӧссӧ да сёйис, сэсся сетіс верӧсыслы, и сійӧ тшӧтш сёйис.

Олӧм 4:26

Сифлӧн чужис пи. Сиф пуктіс сылы Енос ним. Тайӧ кадсянь кутісны шыасьны Ен дінӧ Господь нимӧн.

Олӧм 6:1

Кор йӧзыс содісны му вылын да налӧн чужисны нывъяс,

Олӧм 6:3

Господь [Ен] шуис: «Менам лолалӧмӧй морт пытшкын оз пыр ло, ӧд мортыс сӧмын вир-яй. Сылӧн олан кадыс мед лоӧ сё кызь во».

Ӧксыяслӧн 2 небӧг 11:2

Ӧтчыд рытладорыс Давид чеччис вольпасьсьыс да петіс ыркӧдчыны керка вевт вылас. Сэтысянь сійӧ аддзис мыссьысь-сӧстӧммӧдчысь аньӧс. Аньыс вӧлі зэв мича.

Ездра 9:12

Та вӧсна энӧ сетӧй ассьыныд нывъяснытӧ налӧн пиян сайӧ, и энӧ босьтӧй налысь нывъяссӧ асланыд пиянлы гӧтырӧ. Некор энӧ пуктӧй пай налысь олӧмсӧ бурмӧдӧмӧ да налӧн озырлун чукӧртӧмӧ. Тайӧ тшӧктӧмъясыс серти кӧ кутанныд овны, ті ёнманныд, кутанныд пӧткӧдчыны муыслӧн вотӧсӧн, и колянныд мунытӧ пияныдлы пыр кежлӧ”.

Иов 1:6

Ӧтчыд Енлӧн пиян локтісны да сувтісны Господь водзӧ. Накӧд локтіс тшӧтш сӧтана.

Иов 31:1

Ме кӧрталі йитӧд аслам синкӧд, мый ог кут кыйявны аньяс вылӧ.

Петӧм 34:16

Налысь нывъяссӧ пияныдлы гӧтырӧ энӧ босьтӧй [и ассьыныд нывъястӧ налӧн пиян сайӧ энӧ сетӧй]. Ті кӧ кутанныд босьтны налысь нывъяссӧ пияныдлы гӧтырӧ, сэки найӧ кыскасны пияннытӧ ас бӧрсяныс, и пиянныд кырсалысьяс моз сетчасны налӧн енъяслы.

Исай 63:16

Господьӧй, Тэ – миян Батьным. Ӧвраам оз тӧд миян йылысь, Израиль оз тӧд миянӧс, но Тэ – миян Батьным! Важысянь тэнад нимыд – Миян Мездысь.

Малакий 2:11

Иуда войтыр пӧръясьӧ, Израиль муын да Ерусалим карын вӧчсьӧны зывӧкторъяс. Господь радейтӧ Ассьыс вежаинсӧ, но Иуда войтыр пежаліс Сылысь вежаинсӧ, ӧтувтчис идолкӧд.

Малакий 2:15

Тадзи оз вӧч сійӧ, код пытшкын Енлӧн лолыс. Мый сійӧ корсьӧ? Медым вӧліны Енсянь чужысьяс. Сідзкӧ, видзӧй ловнытӧ, энӧ эновтӧй том кадӧ босьтӧм гӧтырнытӧ.

1 Коринфӧ 7:39

Индӧд серти гӧтыр кӧртасьӧма верӧсыскӧд, кытчӧдз верӧсыс ловъя. Кулӧ кӧ верӧсыс, гӧтыр вермӧ петны верӧс сайӧ, код сайӧ кӧсйӧ, сӧмын верӧсыс мед Господьлы эскис.

2 Коринфӧ 6:18

Ме лоа тіянлы Батьӧн, а ті – Меным ныв-пиӧн, – висьталӧ Господь, Ставсӧвермысь.

Индӧд 14:1

«Ті – Господь Енлӧн ныв-пиыс. Кулӧм морт вӧсна шогсигӧн энӧ вундалӧй вир-яйнытӧ да энӧ шырӧй плеш водзсьыд юрсинытӧ.

2 Петыр 2:14

Налӧн синныс пыр ӧзъялӧ нывбабаяс вылӧ, найӧ оз пӧтлыны мыжсӧ вӧчӧмсьыс, ылӧдлӧны жеб эскысьясӧс. Сьӧлӧмныс налӧн тырӧма горшлунӧн, найӧ ёрӧмыслӧн пиян.

1 Иоан 2:16

Ӧд тайӧ муюгыдас ыджыдалӧ вир-яйлӧн кӧсйӧм, синмыдлы колӧм да ыкшаасьӧм. Тайӧ абу Батьсянь, ставыс тайӧ муюгыдыслӧн.