Олӧм 46:4 - Коми Библия 2023

⁴ Ме Ачым муна тэкӧд сэтчӧ, и Ачым бӧр петкӧда тэнӧ сэтысь. Тэнсьыд синтӧ аслас киӧн тупкас Ӧсип».

Олӧм 46:4 Kruisverwysings

Олӧм 28:15

Ме лоа тэкӧд. Ме видза тэнӧ быдлаын, кытчӧ тэ мунан, да бӧр вайӧда тэнӧ тайӧ муас. Ме ог коль тэнӧ, а вӧча сійӧ, мый кӧсйыси тэныд».

Олӧм 48:21

Израиль шуис Ӧсиплы: «Ме регыд кула, но Енмыс лоӧ тіянкӧд. Сійӧ бӧр вайӧдас тіянӧс батьясныдлӧн муӧ.

Олӧм 50:1

Ӧсип уськӧдчис батьыс дінӧ, окаліс сійӧс да бӧрдіс сы вӧсна.

Олӧм 50:13

Нуисны сылысь шойсӧ Ханаан муӧ да дзебисны кырта горсйӧ, коді Макпела му вылын Мамре дорын. Тайӧ мусӧ да кырта горссӧ Ӧвраам ньӧбліс хеттей Ефронлысь, медым сэтчӧ дзебны кулӧмаясӧс.

Олӧм 50:5

мый кулігас батьӧй тшӧктіс гуавны сійӧс Ханаан муӧ аслыс водзвыв лӧсьӧдӧм дзебанінӧ. Ме кыв сеті сылы. Та вӧсна корӧй фараонӧс, мед сійӧ лэдзас менӧ мунны да дзебны ассьым батьӧс. Сэсся ме бӧр локта». [Ӧсиплысь кывъяссӧ висьталісны фараонлы.]

Петӧм 3:17

Ме шуи, мый Ме мезда тіянӧс египетсаяслӧн дзескӧдӧмысь да петкӧда ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ, кӧні визувтӧ йӧв да ма”.

Петӧм 3:8

Та вӧсна Ме локті мездыны найӧс египетсаяслӧн кипод улысь. Ме петкӧда найӧс сійӧ мусьыс да нуӧда бур паськыд муӧ, кӧні визувтӧ йӧв да ма, – ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ.