Олӧм 42:21 - Коми Библия 2023

²¹ «Збыльысь, вокнымлы лёк вӧчӧмысь ми мыжаӧсь! – сёрнитісны найӧ. – Ми ӧд аддзылім сылысь сьӧкыдалӧмсӧ да кылім сылысь корӧмсӧ, но эгӧ лэдзӧй сійӧс. Сійӧн и суис миянӧс тайӧ сьӧкыдлуныс».

Олӧм 42:21 Kruisverwysings

Олӧм 41:9

Сэки медыджыд вина кисьталысь шуис фараонлы: «Ӧні меным тӧд вылӧ уси аслам мыжӧй.

Олӧм 44:16

Иуда шуис: «Мый миянлы шунысӧ тэныд, ыджыдӧй? Дзик нинӧм, и дорйысьнысӧ некыдз. Енмыс аддзӧ миянлысь мыжсӧ. Ыджыдӧй, ми – тэнад кесйӧгъяс. Тэныд кутас кесъявны оз сӧмын сійӧ, код ордысь сюри тэнад дозмукыд, но сыкӧд тшӧтш ми ставным кутам кесъявны».

Олӧм 45:3

«Ме – Ӧсип», – шуис сійӧ вокъясыслы да юаліс: «Ловъя-ӧ менам батьӧй?» Но вокъясыс шӧйӧвошӧмнысла эз вермыны нинӧм вочавидзны.

Олӧм 50:15

Батьныс кулӧм бӧрын Ӧсиплӧн вокъясыс мӧвпалісны, мый Ӧсип кутас лӧгавны на вылӧ да став лёк вӧчӧмсьыныс налысь водзӧс перъяс.

Ӧксыяслӧн 2 небӧг 12:13

Давид шуис Нафанлы: «Ме мыжа Господь водзын». Нафан шуис: «Господь ӧні вештіс тэ вылысь мыжтӧ. Тэ он кув.

Ӧксыяслӧн 3 небӧг 17:18

дӧва шуис Иллялы: «Мый тэныд месянь колӧ, Енлӧн мортӧй? Тэ локтін, медым казьтыштны меным мыжъясӧс да вины пиӧс».

Шусьӧгъяс 21:13

Коді оз кыв гӧль мортлысь бӧрдӧмӧн корӧмсӧ, сійӧс асьсӧ оз кывны, кор кутас бӧрдны-корны.

Шусьӧгъяс 28:17

Вир кисьтысь пондас кувтӧдзыс пышъявны – энӧ кутӧй сійӧс.

Еремей 2:17

Но таысь тэ ачыд мыжа, ӧд тэ эновтін Господьӧс, ассьыд Ентӧ, кор Сійӧ нуӧдіс тэнӧ.

Еремей 2:19

Тэнад лёк вӧчӧмыд мыждас тэнӧ асьтӧ, Менӧ эновтӧмысь тэнӧ лоӧ чирыштӧма. Сідзкӧ, тӧд да гӧгӧрво, кутшӧм курыд шог тэнӧ суас сыысь, мый тэ эновтін Господьӧс, ассьыд Ентӧ, мый тэ пытшкын Меысь полӧмыс абу, – висьталӧ Ыджыдыс, Господь Саваоф.

Еремей 34:17

Та вӧсна Господь тадзи висьталӧ: сыысь, мый ті энӧ кывзӧй Менӧ, энӧ лэдзӧй вӧля вылӧ вокъяснытӧ да матыссаяснытӧ, Ме лэдза тіянӧс вӧля вылӧ, – висьталӧ Господь, – ті куланныд шыпуртысь, пӧрӧс висьӧмысь да тшыглунысь. Став мувывса войтыръяслы Ме вӧча тіянӧс повзьӧдчанторйӧн.

Еремей 4:18

Тэнад туйясыд да уджъясыд вайисны тэныд шогсӧ, лёк вӧчӧмсьыд сьӧлӧмыд тырӧма курыд шогӧн.

Осий 5:15

Ме бӧр локта Аслам оланінӧ да кута виччысьны, кытчӧдз найӧ оз гӧгӧрвоны мыжнысӧ да оз пондыны корсьны Менӧ.

Лыд 32:23

Но онӧ кӧ тадзи вӧчӧй, Господьлы паныд мыж вӧчанныд и мыж вӧснаныд асьныд кывкутанныд.

Матвей 7:2

Ӧд тіян мыждӧмныд ас выланыд бӧр воас. Асланыд мурталӧм серти тіянлы мурталасны.

Марк 9:48

Сэні ”номырыс оз кувлы да биыс оз куслы”.

Лука 16:28

мед ӧлӧдас менсьым витнан вокӧс тайӧ мучитчанінас веськалӧмысь”.

Ап. уджъяс 19:18

Унаӧн эскӧм бӧраныс волісны да висьтасисны асланыс лёк уджъясысь.

Яков 2:13

Ӧд буралӧмыд ёна ыджыдджык мыждӧм дорысь. Но коді оз ло бур сьӧлӧма мӧд дінӧ, сійӧс лоӧ мыждӧма бурсьӧлӧмтчытӧг.

1 Иоан 1:9

А висьтасям кӧ мыж вӧчӧмысь, сэки веськыд да эскана Ен прӧститӧ мыжнымӧс да весалӧ миянӧс быд лёкысь.

Ёрдысьяс 1:7

Везекса ӧксы шуис: «Сизимдас ӧксылысь ки-коксьыс певсӧ ме керыштлі, и найӧ менам пызан улысь торпыригсӧ чукӧртлісны. Ӧні Енмыс менсьым водзӧс перйис». Сійӧс вайӧдісны Ерусалимӧ, сэні сійӧ куліс.