Олӧм 36:15 - Коми Библия 2023

^15-16 Исавсянь чужысьяс йылысь. Исавлӧн медводдза пиыс вӧлі Элифаз. Элифазсянь Эдом муын чужисны Теманлӧн, Омарлӧн, Цефолӧн, Кеназлӧн, Корейлӧн, Гатамлӧн да Амаликлӧн чужанкотыръяс. Тайӧ вӧліны Исавлӧн Ада гӧтырсянь чужысьяс.

Олӧм 36:15 Kruisverwysings

Олӧм 36:14

Исавлӧн Охоливама гӧтырыс, Цивеон Анлӧн нылыс, чужтіс сылы Еуш, Ялам да Корей пиянӧс.

Олӧм 36:18

Исавлӧн Охоливама гӧтырсянь, Ан нывсянь, чужисны Еушлӧн, Яламлӧн да Корейлӧн чужанкотыръяс.

Олӧм 36:4

Исавлы Ада чужтіс Элифазӧс, Васемата чужтіс Регуэлӧс.

1 Каднебӧг 1:45

Иовав кулӧм бӧрын пуксис ӧксыавны Теман муысь Хушам.

Иов 2:11

Иовлӧн куим ёрт – Теманысь Элифаз, Шуахысь Вилдад да Наамаысь Софар – кывлісны сылӧн ыджыд шог йылысь. Найӧ мӧдӧдчисны быдӧн аслас оланінысь, медым паныдасьны да ӧтлаын мунны Иов дінӧ, юкны сыкӧд шогсӧ да бурӧдны сійӧс.

Иов 21:8

Найӧ аддзӧны ныв-пиыслысь быдмӧмсӧ, челядьыслӧн челядьыс син водзасӧсь.

Иов 4:1

Теманса Элифаз воча шуис:

Петӧм 15:15

Эдомса юралысьяс шӧйӧвошисны, моавса ыджыдалысьяс тіралісны, Ханаан муын олысьяс шогӧ усисны.

Еремей 49:20

Кывзӧй, мый Господь шуис Эдом йылысь, мый шуис вӧчны Теманын олысьяслы. Весиг налысь медічӧтъяссӧ пышйӧдасны, налысь оланінъяссӧ куштасны.

Еремей 49:7

Эдом войтыр йылысь Господь Саваоф тадзи висьталӧ: – Теманын ӧмӧй абу мывкыдлуныс? Вежӧра йӧз ӧмӧй оз вермыны туйдӧдны? Найӧ ӧмӧй воштісны мывкыдлунсӧ?

Езекиль 25:13

Та вӧсна Господь Ыджыдыс тадзи висьталӧ: Ме лэпта киӧс Эдом вылӧ да ӧтитӧг бырӧда сэтысь йӧзӧс да ыж-мӧскӧс, вӧча Эдом муысь овтӧмин. Теман карсянь Дедан карӧдз ставныс куласны шыпурт помысь.

Амос 1:12

Та понда Теман карӧс Ме биӧн сота, Восора изкарӧс би ньылыштас.

Авдий 1:9

Теман, тэнад тышкайӧзыд кутасны дзӧрны-тіравны, Исав керӧс вылын ставнысӧ лоӧ виӧма-бырӧдӧма.

Аввакум 3:3

Енмыс локтӧ Темансянь, Вежа Ен локтӧ Паран керӧссянь. Сылӧн дзирдлуныс вевттьӧ енэжсӧ, Сійӧс ошкӧмыс тыртӧ мусӧ.