Олӧм 32:10 - Коми Библия 2023

¹⁰ Тэнад буралӧмыд ыджыд, Тэ уна бурсӧ вӧчин меным, Аслад кесйӧглы. Ме ог сулав та доныс! Йӧрдан ю вуджигӧн менам вӧлі сӧмын бедь, а ӧні, бӧрсӧ локтігӧн, меным ковмис ыджыд овмӧсӧс кык пельӧ юкны.

Олӧм 32:10 Kruisverwysings

Олӧм 18:27

Ӧвраам шуис воча: «Ме – бус да пӧим, но лысьті шыасьны Тэ дінӧ, Господьӧй.

Олӧм 24:12

«Господьӧй, менам Ӧвраам ыджыдлӧн Енмӧй! – кевмысис кесйӧг. – Ло бур сьӧлӧма менам Ӧвраам ыджыдӧй дінӧ да лӧсьӧд талун тадзи.

Олӧм 24:27

«Ошкӧм Господьлы, менам Ӧвраам ыджыдлӧн Енлы! Сійӧ вӧлі бур сьӧлӧма, вӧчис менам ыджыдлы Аслас шуӧм серти и вайӧдіс менӧ ыджыдӧйлӧн вок керкаӧ».

Олӧм 28:13

Господь сулаліс сэні да шуис: «Ме Господь, тэнад Ӧвраам батьлӧн Ен да Исааклӧн Ен. [Эн пов.] Мусӧ, кӧні тэ куйлан, Ме сета тэныд да тэсянь чужысьяслы.

Олӧм 28:15

Ме лоа тэкӧд. Ме видза тэнӧ быдлаын, кытчӧ тэ мунан, да бӧр вайӧда тэнӧ тайӧ муас. Ме ог коль тэнӧ, а вӧча сійӧ, мый кӧсйыси тэныд».

Олӧм 30:43

Тадзи Яков лои вывті озырӧн. Сылӧн лои уна ыж [да мӧс], тшӧтш верблюдъяс да осёлъяс, кесйӧг аньяс да кесйӧгъяс.

Олӧм 31:3

Сэки Господь шуис сылы: «Бӧр бергӧдчы батьясыдлӧн муӧ, аслад чужанінад. Ме лоа тэкӧд».

Олӧм 32:5

Ӧні менам эмӧсь ӧшъяс, осёлъяс да ыжъяс, кесйӧгъяс да кесйӧг аньяс. Ме ысті юӧртысьясӧс тэ дінӧ, медым тэ вӧлін бур сьӧлӧма ме дінӧ».

Олӧм 32:7

Яков ёна повзис да шӧйӧвошис. Ассьыс йӧзсӧ, ыжъяссӧ, мӧсъяссӧ да верблюдъяссӧ сійӧ юкис кык пельӧ,

Ӧксыяслӧн 2 небӧг 17:24

Давид локтіс Маханаимӧ, а Авессалом израильса тышкайӧзкӧд вуджис Йӧрдан ю сайӧ.

Ӧксыяслӧн 2 небӧг 7:18

Давид ӧксы муніс вежаинӧ да пондіс кевмысьны Господьлы: «Господьӧй Ыджыдӧй! Коді ме да менам рӧдӧй, мый Тэ татшӧм вылӧ лэптін менӧ!

Иов 17:9

Но веськыда олысь оз кеж аслас туй вылысь, сӧстӧм киа морт вынсялас-зумыдмас.

Иов 8:7

Водзынсӧ кӧ тэнад вӧлі этша, бӧрыннас тэнад лоӧ вывті уна.

Псалтыр 16:2

Тэсянь мед петас менӧ веськыда мыждӧмыс, Тэнад синмыд мед аддзас веськыда вӧчӧмӧс.

Псалтыр 61:7

Сӧмын Сійӧ – менам изкыртаыс, менӧ Мездысьыс да Дорйысьыс, ме ог вӧрзьы.

Псалтыр 8:5

сэки мӧвпала: мортыс – коді сэтшӧмыс, мый Тэ казьтывлан сійӧс, мортлӧн пиыс – коді сэтшӧмыс, мый Тэ тӧждысян сы вӧсна?

Псалтыр 84:7

Он ӧмӧй выльысь ловзьӧд миянӧс, медым Тэнад войтырыд вермис нимкодясьны Тэӧн?

Псалтыр 85:10

Ӧд Тэ ыджыд, Тэ вӧчан шензьӧданаторъяс. Тэ – Ен, и мӧдыс абу.

Шусьӧгъяс 4:18

Веськыда олысьлӧн туйыс – асъя югӧр кодь, сійӧ ӧтарӧ югдӧ луншӧра югыдӧдз.

Исай 6:5

Сэки ме шуи: «Курыд шог меным, менӧ виччысьӧ кулӧм! Ме ӧд пеж вома морт, ола пеж вома войтыр пӧвстын, но ме аддзылі Ӧксыӧс, Господь Саваофӧс».

Исай 63:7

Ме юӧрта Господьлӧн буралӧмыс йылысь, висьтала Господьлӧн ошкана уджъясыс йылысь, мый Господь вӧчис миянлы, висьтала Сылӧн ыджыд бурлун да муслун йылысь, Израиль войтыр дінӧ Сылӧн ыджыд буралӧм йылысь.

Микей 7:20

Яковлы сетӧм кывтӧ Тэ кутан, Тэ бур сьӧлӧма Ӧвраам дінӧ. Та йылысь Тэ водзысяньыс кыв сетін миян батьяслы.

Лука 17:10

Тадзи тшӧтш ті, вӧчанныд кӧ тшӧктӧм серти, вӧчӧм бӧраныд шуӧй: ”Ми сӧмын кесйӧгъяс. Мый колӧ вӧлі вӧчны, ми вӧчим”».

Лука 5:8

Тайӧс аддзӧм бӧрын Симон-Петыр уськӧдчис Исус водзӧ да шуис: «Господьӧй, мун ме дінысь! Ме мыжа морт».

2 Коринфӧ 12:11

Тіян водзын ошйысигӧн ме вӧлі мывкыдтӧм морт кодь, ті ӧд асьныд менӧ вайӧдінныд та выйӧдзыс. Дерт, ме нинӧм кодь, но тіянлы аслыныд колӧ вӧлі ошкыны менӧ, ме ӧд нинӧмӧн абу лёкджык ”ыджыд апостолъясысь”.

Индӧд 8:18

Энӧ вунӧдӧй Господьӧс, ассьыныд Ентӧ. Сійӧ сетӧ тіянлы вын озырмыны, медым талун збыльмӧдны Ассьыс йитӧдсӧ, мый Сійӧ кыв сетӧмӧн кӧрталіс тіян батьяскӧд.

1 Петыр 5:5

Томджыкъяс, кывзысьӧй вичкоса юрнуӧдысьяслысь. Ставныд кывзысьӧй ӧта-мӧдныдлысь да лоӧй рам сьӧлӧмаӧсь, ӧд вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.