Олӧм 3:6 - Коми Библия 2023

⁶ Ань аддзис, мый вотӧсыс чӧскыд, пуыс синтӧ гажӧдӧ да кыскӧ ас дорас, ӧд сетӧ тӧдӧмлун. Ань нетшыштіс вотӧссӧ да сёйис, сэсся сетіс верӧсыслы, и сійӧ тшӧтш сёйис.

Олӧм 3:6 Kruisverwysings

Олӧм 3:12

Адам шуис: «Гӧтырӧй, кодӧс Тэ сетін меным, мыччис меным вотӧссӧ, и ме сёйи».

Олӧм 3:17

Адамлы Ен шуис: «Тэ вӧсна лоӧ ёрӧма мусӧ, ӧд тэ кывзысин гӧтырыдлысь да сёйин сійӧ пуысь, код йылысь Ме шулі тэныд: ”Эн сёй сэтысь”. Та вӧсна мырсьӧмӧн пондан перйыны кынӧмпӧттӧ нэм чӧжыд.

Олӧм 39:7

Потифар ыджыдлӧн гӧтырыс чӧвтіс синсӧ Ӧсип вылӧ. Сійӧ шуис Ӧсиплы: «Узь мекӧд».

Олӧм 6:2

сэки Ен пиян аддзисны, мый нывъяс мичаӧсь, да бӧрйысьӧмӧн кутісны босьтны найӧс гӧтырӧ.

Ӧксыяслӧн 2 небӧг 11:2

Ӧтчыд рытладорыс Давид чеччис вольпасьсьыс да петіс ыркӧдчыны керка вевт вылас. Сэтысянь сійӧ аддзис мыссьысь-сӧстӧммӧдчысь аньӧс. Аньыс вӧлі зэв мича.

Ӧксыяслӧн 3 небӧг 13:19

Енлӧн морт бӧр бергӧдчис пророккӧд да сёйис-юис сы ордын.

Иов 31:1

Ме кӧрталі йитӧд аслам синкӧд, мый ог кут кыйявны аньяс вылӧ.

Езекиль 24:16

«Морт пиӧй, Ме виччысьтӧг босьта тэнсьыд сьӧлӧм гажӧдысьтӧ, но тэ эн бӧрд, синватӧ эн кисьт.

Езекиль 24:21

Господь Ыджыдыс тшӧктіс меным висьтавны Израиль войтырлы, мый Сійӧ тадзи висьталӧ: Ме сета пежавны Ассьым вежаинӧс – тіянлысь син гажӧданторнытӧ да сьӧлӧм бурӧданторнытӧ, тіянлысь зумыд пыкӧднытӧ, мыйӧн ті ошйысянныд. Ныв-пиныд, кодъясӧс ті колинныд карас, куласны шыпурт помысь.

Езекиль 24:25

А тэ, морт пиӧй, кывзы. Сійӧ лунӧ Ме мырддя Израиль войтырлысь ныв-пинысӧ – зумыд пыкӧднысӧ, лов гажӧдысьнысӧ да сьӧлӧм бурӧдысьнысӧ.

Осий 6:7

Адам карын ті торкинныд йитӧдсӧ, сэні эскытӧмлунныд вӧсна эновтінныд Менӧ.

Матвей 5:28

Ме шуа тіянлы: ань вылӧ ыштӧмӧн видзӧдысь сьӧлӧмас гозъякост олӧм пежаліс нин.

1 Тимофейлы 2:14

Эз Адам ылав, но ань ыштӧмыс вӧсна ылаліс да мыж вӧчис.

Нав Исус 7:21

Тышын шедӧдӧмтор пӧвстысь ме аддзи сеннарсаяслысь мича паськӧм, кыксё сикель мында эзысь да зарни ёкмыль, мый сьӧктанас вӧлі ветымын сикель. Ме ышті та вылӧ, босьті да дзеби чом улӧ, муас. Эзысьсӧ пыдӧджык дзебӧма».

1 Иоан 2:16

Ӧд тайӧ муюгыдас ыджыдалӧ вир-яйлӧн кӧсйӧм, синмыдлы колӧм да ыкшаасьӧм. Тайӧ абу Батьсянь, ставыс тайӧ муюгыдыслӧн.

Ёрдысьяс 14:17

Гаж мунігчӧжыс гӧтырыс бӧрдӧмнас дӧзмӧдіс Самсонӧс. Сизимӧд луннас Самсон гӧгӧрвоӧдіс сылы нӧдкывсӧ, ӧд гӧтырыс пикӧ воштіс сійӧс. Гӧтырыс гӧгӧрвоӧдіс нӧдкывсӧ аслас войтырлы.