Олӧм 3:5 - Коми Библия 2023

⁵ Но Ен тӧдӧ: сійӧ лунӧ, кор сёянныд вотӧссӧ, воссяс тіян синныд. Ті лоанныд Ен кодьӧн, кутанныд тӧдны бурсӧ и лёксӧ».

Олӧм 3:5 Kruisverwysings

Олӧм 2:17

сӧмын бурсӧ и лёксӧ тӧдмалан пуысь эн сёй. Сёян кӧ, сійӧ жӧ лунӧ кулан».

Олӧм 2:9

Господь Ен быдтіс-петкӧдіс муысь быдсяма пусӧ – синтӧ гажӧданасӧ и бур вотӧс вайысьсӧ. Нӧшта пуктіс сад йӧр шӧрӧ олӧмыслысь пу да бурсӧ и лёксӧ тӧдмалан пу.

Олӧм 3:10

Сійӧ вочавидзис: «Ме дзебси. Кылі, кыдзи Тэ ветлӧдлан сад йӧрын, и повзи, ӧд ме пасьтӧм».

Олӧм 3:22

Господь Ен шуис: «Ӧні морт лои Миян кодь – тӧдӧ бурсӧ и лёксӧ. Мед эськӧ сійӧ эз босьт да эз сёй олӧмыслӧн пуысь вотӧссӧ. Босьтас кӧ да сёяс, кутас помтӧг овны».

Олӧм 3:7

Сэки налӧн кыкнанныслӧн воссисны синъясыс, и найӧ гӧгӧрвоисны, мый пасьтӧмӧсь. Найӧ кӧрталісны косканыс инжир пу коръясысь вевттьӧд.

Ӧксыяслӧн 3 небӧг 22:6

Израильса ӧксы чукӧртіс нёльсё гӧгӧр пророкӧс да юаліс налысь: «Мый шуанныд, уськӧдчыны-ӧ меным галаадса Рамот кар вылӧ?» Пророкъяс вочавидзисны: «Уськӧдчы. Господь сетас сійӧс тэнад киӧ, ӧксыӧй».

2 Каднебӧг 32:15

Сідзкӧ, энӧ лэдзӧй Езекейлы ылӧдлыны тіянӧс. Энӧ эскӧй сылы. Оз сюр сэтшӧм войтырыс, кодлӧн енмыс эськӧ вермис мездыны ассьыс войтырсӧ менам киысь да менам батьяслӧн киысь. Тіян Енныд сідзжӧ оз мезды тіянӧс менам киысь”».

Псалтыр 12:4

Господьӧй, менам Енмӧй, видзӧдлы ме вылӧ да вочавидз меным. Сет меным аддзыны Тэнсьыд югыдтӧ, медым ме эг унмовсь кулана унмӧн,

Петӧм 20:7

Аслад Господь Енлысь нимсӧ весьшӧрӧ эн шуав, ӧд Господь оз коль мыждытӧг сійӧс, коді весьшӧрӧ шуалӧ Сылысь нимсӧ.

Петӧм 5:2

Но фараон вочавидзис: «Коді сійӧ Господьыс, медым ме кывзыси Сылысь да лэдзи Израиль войтырӧс? Ме ог тӧд Господьӧс, и Израиль войтырӧс ме ог лэдз».

Исай 14:14

Ме кыпӧдча кымӧръясысь вылӧджык на, лоа Медвылысса Ен кодь!»

Езекиль 13:22

Ылӧдлӧмнаныд ті шогӧдінныд веськыда олысьясӧс, кодъясӧс Ме эг кӧсйы шогӧдны. Ті ышӧданныд-ёнмӧданныд лёк вӧчысьясӧс, и найӧ оз бергӧдчыны лёк туйсьыныс, медым ловйӧн кольны.

Езекиль 28:12

«Морт пиӧй, бӧрд тирса ӧксы вӧсна. Шу сылы, мый Господь Ыджыдыс тадзи висьталӧ: тэ вӧлін тыр-бур, зэв мывкыд да вывті мича.

Езекиль 28:2

«Морт пиӧй, шу тирса юралысьлы, мый Господь Ыджыдыс тадзи висьталӧ: тэ вылӧ кыпӧдчин да шуин, ме пӧ ен, пукала пӧ саридз шӧрын енлӧн пуклӧсын. Но тэ сӧмын морт, абу ен, кӧть ассьыд вежӧртӧ ӧткодялан енлӧн вежӧрыскӧд.

Езекиль 28:9

Шуан-ӧ сэки виысьыдлы, мый тэ ен? Виысь водзын тэ сӧмын морт, абу ен.

Езекиль 29:3

Шу, мый Господь Ыджыдыс тадзи висьталӧ: Ме сувта тэныд паныд, фараон, египетса ӧксы. Тэ – ыджыд крокодил, куйлан Нил юын да шуан, юыс пӧ менам, ме пӧ ачым сійӧс аслым вӧчи.

Даниил 4:30

Дзик пыр инісны тайӧ кывъясыс Навукодоносор олӧмын: сійӧс вӧтлісны йӧз дінысь, ӧш моз сійӧ сёйис турун, сылысь вир-яйсӧ кӧтӧдіс лысва. Сылӧн юрсиыс быдмис да лои кутшлӧн борд кодь кузь, а гыжъясыс лоины лэбачлӧн гыжъяс кодьӧсь.

Даниил 6:7

Ӧксылӧн муын ыджыдалысьяс, ӧксыув муясын юралысь-веськӧдлысьяс, сатрапъяс да ӧксыӧс туйдӧдысьяс ас костаныс сёрнитчисны корны, медым ӧксы сетас-вынсьӧдас тшӧктӧм, мый комын лун чӧж колӧ кевмысьны сӧмын ӧксылы. А коді пондас кевмысьны мукӧд енлы либӧ мортлы, сійӧс мед шыбитасны левъяслӧн гуӧ.

Матвей 6:23

Синмыд кӧ лёк, став вир-яйыд пемыдын. Югыдыс кӧ тэ пытшкын пемыд, сэки кутшӧм ачыс пемыдыс?

Ап. уджъяс 26:18

мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.

2 Коринфӧ 11:3

Коркӧ змей наяна ылӧдліс Еваӧс. Ме пола, мый ті сы моз жӧ ылаланныд да воштанныд ассьыныд восьса йитӧднытӧ Кристоскӧд.

2 Коринфӧ 4:4

Найӧ оз эскыны, ӧд тайӧ муюгыдас ыджыдалысь омӧльыс пемдӧдӧма налысь вежӧрсӧ, мед найӧ эз аддзыны Бур Юӧрлысь югыдсӧ, коді восьтӧ Кристослысь дзирдлунсӧ, а Кристос эм Енлӧн пертасыс.

2 Фессалоникаӧ 2:4

Енлы паныд сувтысь. Сійӧ пуктас асьсӧ ставсьыс вылӧ, мый шуӧма енмӧн да вежаӧн. Сійӧ пуксяс Енлӧн крамӧ да шуас асьсӧ Енмӧн.

Восьтӧм 13:14

Став шензьӧданаторнас, мый сійӧ вӧчӧ воддза зверыслӧн син водзын, сійӧ ылӧдлӧ му вылын олысьясӧс. Сійӧ тшӧктӧ налы вӧчны шыпуртӧн дойдӧм да ловзьӧм зверыслысь серпассӧ.

Восьтӧм 13:4

Сэсся найӧ копыртчылісны зверлы да шуалісны: – Кодӧс позьӧ ӧткодявны тайӧ зверыскӧд? Коді вермас тышкасьны сыкӧд?

Ёрдысьяс 3:2

Татшӧм ногӧн Господь велӧдіс тыш аддзывтӧм Израиль пиянӧс тышкасьны.