Олӧм 3:16 - Коми Библия 2023

¹⁶ Аньлы Ен шуис: «Тэнсьыд нӧбасьӧмтӧ Ме вӧча сьӧкыдӧн, ныв-питӧ кутан чужтыны дойяс пыр. Тэнӧ кутас кыскыны верӧсыд дінӧ, а сійӧ тэ вылын кутас ыджыдавны».

Олӧм 3:16 Kruisverwysings

Олӧм 4:7

Вӧчан кӧ бурсӧ, лэпты юртӧ. А он кӧ вӧч бурсӧ, со, ӧдзӧс дорад мыжыс кыйӧдчӧ. Сійӧ кыскӧ тэнӧ ас дорас, но тэ ыджыдав сы вылын».

1 Каднебӧг 4:9

Аслас вокъяс дорысь Явис нималіс ёнджыка. Мамыс нимтіс сійӧс Явисӧн, ӧд шуис: «Ме сьӧкыда чужті сійӧс».

Эсфир 1:20

Кор ӧксылӧн ыджыд му пасьтала кыласны сылысь тшӧктӧмсӧ, сэки гӧтыръяс пондасны пыдди пуктыны верӧсъяснысӧ – тӧдчана-ӧ верӧсыс али абу».

Псалтыр 48:6

Мыйла меным повнысӧ сьӧкыд кадӧ, кор лёк ылӧдчысьяс кытшалӧны менӧ?

Исай 13:8

Найӧ ёна повзясны, кага вайысь аньӧс моз найӧс суасны сьӧкыд дойяс. Шӧйӧвошӧмӧн пондасны видзӧдны ӧта-мӧд выланыс, налӧн чужӧмныс пондас сотчыны.

Исай 21:3

Тайӧс аддзылӧмысь менам пытшкӧсӧй кутіс дзӧрны, сьӧкыд дойяс топӧдісны менӧ кага чужтысьӧс моз. Ме шӧйӧвоши сыысь, мый кывлі, менӧ полӧм босьтіс сыысь, мый аддзывлі.

Исай 53:11

Аслас уджыс вылӧ видзӧдігӧн Сійӧ кутас нимкодясьны. Менсьым кӧсйӧмӧс тӧдӧмӧн Менам веськыда олысь Кесйӧгӧй унаӧс вӧчас веськыдӧн, босьтас Ас вылас налысь мыжъяссӧ.

Еремей 13:21

Мый тэ шуан, кор Господь пуктас тэ вылын ыджыдавны найӧс, кодъясӧс тэ лыддин аслад ёртъясӧн? Кага чужтысьӧс моз тэнӧ сэки топӧдасны дойясыд.

Еремей 22:23

Тэ ошйысян ливанса сус пуысь вӧчӧм керкаӧн, поздысян сус пу вожъяс вылын. Но чужтысь аньӧс моз тэнӧ топӧдасны сьӧкыд дойяс, и тэ пондан ымзыны!

Еремей 4:31

Ме кыла гӧлӧс шы, сійӧ чужтысь аньлӧн гӧлӧс шы кодь, медводдза кагасӧ сьӧкыда чужтысьлӧн горзӧм шы кодь. Тайӧ – Сион нывлӧн гӧлӧс шыыс. Кисӧ нюжӧдӧмӧн сійӧ сьӧкыда ойзӧ: «Курыд шог меным! Виавны локтысьяс водзын ме вынтӧм».

Еремей 49:24

Дамаскын олысьяс вынтӧммисны, уськӧдчисны пышйыны, найӧс полӧм босьтіс. Кага чужтысь аньӧс моз найӧс топӧдісны сьӧкыдалӧм да дойяс.

Еремей 6:24

– Ми кылім на йылысь юӧр, и миян киясным вынтӧммисны, шогыс суис миянӧс, дойыс топӧдіс миянӧс кага чужтысь аньӧс моз.

Лыд 30:13

Но та йылысь тӧдмалӧм бӧрын кӧ верӧсыс ӧлӧдас гӧтырсӧ, сэки аньлӧн кыв сетӧмыс да кутчысьны кӧсйысьӧмыс вынсӧ воштӧ. Господь прӧститас аньӧс.

Иоан 16:21

Кага вайысь ань сьӧкыдалӧ, кор воӧ кад чужтыны. Но чужтӧм бӧрас сылӧн сьӧкыдалӧмыс вунӧ нимкодьысла, ӧд муюгыдас морт чужис.

1 Коринфӧ 11:3

Кӧсъя, мед ті тӧдінныд, мый быд верӧслы юрыс – Кристос, гӧтырлы юрыс – верӧс, а Кристослы юрыс – Ен.

1 Коринфӧ 14:34

вичкоӧ чукӧртчигӧн аньясныд мед чӧла пукалӧны. Налы оз позь сёрнитны, ӧд Индӧдыс велӧдӧ найӧс кывзысьны.

1 Коринфӧ 7:4

Абу гӧтыр аслас вир-яй вылын ыджыдыс, а верӧс. Абу верӧс аслас вир-яй вылын ыджыдыс, а гӧтыр.

Колосӧ 3:18

Гӧтыръяс, кывзысьӧй верӧсныдлысь, ӧд тадзи лӧсялӧ вӧчны Господь войтырлы.

1 Фессалоникаӧ 5:3

Кор йӧзыс кутасны шуавны, гӧгӧр пӧ лӧнь, повнысӧ пӧ нинӧмысь, сэки тӧдлытӧг суас найӧс кулӧм, кыдзи тӧдлытӧг суӧ кага чужтысьӧс дой. Сэки некод оз вермы пышйынысӧ.

1 Тимофейлы 2:13

Ӧд водзджык вӧлі вӧчӧма Адамӧс, сэсся Еваӧс.

1 Тимофейлы 2:15

Но ань мездмас кага чужтӧм пыр, кутчысяс кӧ эскӧмас, муслунас, вежавидзӧмас да бур оласногас.

Титлы 2:5

А сідзжӧ мед велӧдасны найӧс лоны сюсь вежӧраӧн, сӧстӧм сьӧлӧмаӧн, шаньӧн, тӧждысьны гортныс вӧсна да кывзысьны верӧсныслысь. Сэки Енлысь кывсӧ оз ло омӧльтӧма.