Олӧм 28:4 - Коми Библия 2023

⁴ Мед Сійӧ бурсиас тэнӧ да тэсянь чужысьясӧс менам Ӧвраам батьлӧн бурсиӧмӧн, медым тэныд вуджас муыс, кӧні тэ олан локтысь морт моз, ӧд тайӧ мусӧ Ен сетіс Ӧвраамлы».

Олӧм 28:4 Kruisverwysings

Олӧм 12:7

Сэні Ӧврамлы петкӧдчис Господь да шуис: «Тайӧ мусӧ Ме сета тэсянь чужысьяслы». Ӧврам сувтӧдіс висьпуктанін Господьлы, коді петкӧдчис сылы.

Олӧм 15:8

Ӧврам шуис: «Господьӧй Ыджыдӧй! Мый серти ме тӧдмала, мый тайӧ муыс менам лоӧ?»

Олӧм 27:33

Исаакӧс повзьӧмысла дзӧрӧм босьтіс, сійӧ шуис: «А коді нӧ тэӧдз вайис меным пӧтка яйсӧ? Ме сёйи да бурсии сійӧс! Сійӧ и лоӧ бурсиӧманас».

Олӧм 37:1

Яков оліс Ханаан муын, кӧні коркӧ сылӧн батьыс оліс локтысь морт моз.

1 Каднебӧг 29:15

Тэ водзын ми батьясным моз йӧз муысь локтысьяс. Му вылас миян олан лунъясным вуджӧр кодь, миянлы нинӧм вылӧ лачанымӧс кутны.

Псалтыр 39:12

Господьӧй, эн тупкы меысь Ассьыд бурлунтӧ. Тэнад буралӧмыд да збыльыд мед дугдывтӧг видзасны менӧ.

Псалтыр 72:17

кытчӧдз ме эг пыр Енлӧн вежаинӧ и эг гӧгӧрво, мый виччысьӧ лёк вӧчысьясӧс.

Петӧм 6:4

Ме кӧрталі накӧд йитӧд, кӧсйыси сетны налы Ханаан му, кӧні найӧ вӧліны ветлысь-мунысьяс.

Галатӧ 3:14

Тадзи лои, медым Ӧвраамлы кӧсйысьӧм бурсиӧмыс вуджис быд войтырлы Исус Кристос пыр, да медым кӧсйысьӧм Ловсӧ ми сибӧдім эскӧмӧн.

Галатӧ 3:8

Гижӧдас водзвыв висьталӧма, мый эскӧм вӧсна Ен шуас веськыдӧн мукӧд войтыръясысь эскысьясӧс. Медводз Ӧвраамлы вӧлі юӧртӧма: «Тэ пыр вуджас бурсиӧмыс быд войтырлы».

Ефесӧ 1:3

Ошкӧм Енлы, миян Господь Исус Кристослӧн Батьлы! Сійӧ бурсиӧма миянӧс Кристос пыр Ловсянь быдпӧлӧс бурсиӧмнас, мый эм енэжас.