Олӧм 25:8 - Коми Библия 2023

⁸ Сійӧ куліс пӧрысь кадӧ, олӧмнас пӧтӧмаӧн вуджис батьясыс дінӧ.

Олӧм 25:8 Kruisverwysings

Олӧм 15:15

Тэ вуджан аслад батьяс дінӧ лӧнь сьӧлӧмӧн да шудаӧн. Ыджыд арлыдаӧн дзебасны тэнӧ.

Олӧм 25:17

Измаил оліс сё комын сизим арӧсӧдз. Сэсся куліс да вуджис батьясыс дінӧ.

Олӧм 25:7

Ӧвраам оліс сё сизимдас вит арӧсӧдз.

Олӧм 35:18

Кор Ракель вӧлі куланвыйын, сійӧ пуктіс пиыслы Бенони ним. Но батьыс сійӧс Веняминӧн шуис.

Олӧм 37:35

Ныв-пиыс чукӧртчисны бурӧдны сійӧс, но сійӧ эз сибӧд бурӧдӧмсӧ, а шуис: «Шог сьӧлӧмӧн ме вуджа кулӧмаяслӧн оланінӧ пиӧй дінӧ». Тадзи бӧрдіс батьыс Ӧсип вӧсна.

Олӧм 49:29

Яков шуис пияныслы: «Ме вуджа аслам батьяс дінӧ. Дзебӧй менӧ накӧд орччӧн кырта горсйӧ, мый хеттей Ефронлӧн му вылас.

Олӧм 49:33

Пияныслы тайӧс висьталӧм бӧрын Яков водіс вольпасяс да куліс – вуджис батьясыс дінӧ.

Олӧм 50:13

Нуисны сылысь шойсӧ Ханаан муӧ да дзебисны кырта горсйӧ, коді Макпела му вылын Мамре дорын. Тайӧ мусӧ да кырта горссӧ Ӧвраам ньӧбліс хеттей Ефронлысь, медым сэтчӧ дзебны кулӧмаясӧс.

1 Каднебӧг 23:1

Кор Давид пӧрысьмис да пӧтіс олан лунъяснас, сэки пуктіс ассьыс Соломон писӧ Израиль войтырлы ӧксыӧ.

1 Каднебӧг 29:28

Сійӧ кувсис ыджыд арлыдаӧн, олӧмнас пӧтӧмаӧн. Сылӧн вӧлі уна озырлун, вӧлі нималӧм. Сы пыдди ӧксынас лои Соломон пиыс.

2 Каднебӧг 24:15

Иодай поп пӧрысьмис да кувсис олӧмнас пӧтӧмаӧн. Кулігас сылы вӧлі сё комын арӧс.

Иов 42:17

Иов куліс пӧрысь кадӧ олӧмнас пӧтӧмаӧн.

Иов 5:26

Кыдзи воӧм нянь ас кадӧ кӧртавлӧны кольтаясӧ, тадзи пӧрысь кадӧ тэ водан гортйӧ.

Шусьӧгъяс 20:29

Том мортлы ошкӧмсӧ вайӧ выныс, пӧрысьӧс мичмӧдӧ дзор юрсиыс.

Еремей 6:11

Та вӧсна ме тырӧма Господьлӧн скӧрлунӧн, ас пытшкам ог вермы кутны сійӧс. Господьӧй, кисьт скӧрлунтӧ туй вылын ветлӧдлысь челядь вылӧ, чукӧртчӧм зонъяс вылӧ. Айуловӧс да аньясӧс нуӧдасны пленӧ, нуӧдасны тшӧтш пӧрысь да олӧма йӧзӧс.

Лыд 20:24

«Мерива ва петанінын ті энӧ кывзысьӧй Менсьым. Та вӧсна Аарон оз пыр сійӧ муас, мый Ме сета Израиль пиянлы. Сылы кад воис вуджны батьясыс дінӧ.

Лыд 27:13

Сійӧс аддзылӧм бӧрын тэ вуджан батьясыд дінӧ, кыдзи [Ор керӧс вылын] Аарон вокыд вуджис батьясныд дінӧ.

Ап. уджъяс 12:23

Сэки Господьлӧн андел чорыда дойдіс Ирӧдӧс, ӧд Енлы пыдди сійӧ аслыс босьтіс ошкӧмсӧ. Сійӧс ловъявывсьыс сёйисны номыръяс.

Ап. уджъяс 13:36

Давид аслас кадӧ пӧртіс олӧмас Енлысь кӧсйӧмсӧ. Сэсся сійӧ куліс, да сійӧс гуалісны батьяскӧд орччӧн. Давидным аддзыліс сісьмӧмсӧ,

Ап. уджъяс 5:10

Дзик пыр Сапфира усис Петыр кок дорӧ да сылӧн лолыс петіс. Пырысьяс аддзисны сійӧс кулӧмаӧн, сэки петкӧдісны да гуалісны сійӧс верӧсыскӧд орччӧн.

Ап. уджъяс 5:5

Тайӧс кылӧм бӧрын Ананий усис да сылӧн лолыс петіс. Та йылысь кывлысьясӧс ставнысӧ ыджыд полӧм босьтіс.

Индӧд 32:50

Тэ кыпӧдчан керӧс вылас да сэні кулан, вуджан аслад батьясыд дінӧ. Тадзи жӧ тэнад Аарон вокыд куліс да вуджис батьясыс дінӧ Ор керӧс вылын.

Ёрдысьяс 2:10

Нав Исус дырйи олысьяс вуджисны батьясныс дінӧ. На бӧрын быдмӧм войтырыс эз тӧд Господьӧс да уджъяссӧ, мый Сійӧ вӧчис Израиль войтырлы.

Ёрдысьяс 8:32

Гедеон, Йоаслӧн пи, кувсис вель ыджыд арлыдаӧн. Сійӧс дзебисны Йоас батьыслӧн дзебанінас, Авиэзер рӧдлӧн Офра карӧ.