Олӧм 22:2 - Коми Библия 2023

² Ен шуис: «Босьт Исаактӧ, радейтана ӧтка питӧ, да мун Мориа муӧ. Сэні керӧс вылын, кутшӧмӧс инда тэныд, вай сійӧс Меным сотан вись пыдди».

Олӧм 22:2 Kruisverwysings

Олӧм 17:19

Ен шуис: «Тэнад Сарра гӧтырыд чужтас тэныд пи, пуктан сылы Исаак ним. Ме кӧртала сыкӧд да сысянь чужысьяскӧд нэмъяс кежлӧ йитӧд [и Ме лоа сылӧн да сысянь чужысьяслӧн Енмӧн].

Олӧм 21:12

Но Ен шуис сылы: «Зонка вӧснаыд да кесйӧг ань вӧснаыд эн шогсьы. Вӧч сідзи, кыдзи тшӧктас тэныд Сарра, ӧд Исааксянь чужысьясӧс шуасны тэнад ныв-пиӧн.

Олӧм 21:3

Ӧвраам пуктіс пиыслы Исаак ним.

Олӧм 22:12

Андел шуис: «Эн лэпты китӧ пиыд вылӧ, эн вӧрӧд сійӧс. Ӧні ме тӧда, мый тэ полан Енмысь. Тэ вӧлін дась весиг ассьыд ӧтка питӧ сетны Енлы».

Олӧм 22:16

«Тэ вӧлін дась сетны Меным ассьыд ӧтка питӧ. Та вӧсна Ме Ачым тэныд кыв сета, – висьталӧ Господь, –

Олӧм 22:3

Ӧвраам чеччис водз, босьтіс осёлсӧ, кык кесйӧгӧс да Исаак писӧ. Сэсся поткӧдліс пес, медым вайны сотан вись, да мӧдӧдчис сэтчӧ, кытчӧ тшӧктіс сылы Ен.

Олӧм 22:9

Воисны местаӧдз, кытчӧ тшӧктіс мунны Ен. Ӧвраам сувтӧдіс висьпуктанін, пукталіс сэтчӧ пессӧ. Сэсся кӧрталіс Исаак писӧ да пуктіс пес вылӧ вись пыдди.

Олӧм 8:20

Ной вӧчис Господьлы висьпуктанін. Босьтіс сӧстӧм пемӧсъясӧс да сӧстӧм лэбачьясӧс да висьпуктанін вылын вайис найӧс сотан вись пыдди.

Ӧксыяслӧн 4 небӧг 3:27

Сэки босьтіс ассьыс медыджыд писӧ, кодлы вуджӧ вӧлі ӧксыалӧмыс, да карса стен вылын сотіс сійӧс вись пыдди. Тайӧ лоӧмторйыс ёна скӧрмӧдіс израильсаясӧс. Найӧ эновтісны моавсаясӧс да бӧр локтісны асланыс муӧ.

2 Каднебӧг 3:1

Соломон пондіс лэптыны Господьлы крам Ерусалимын, Мориа керӧс вылын, мый вӧлі индӧма сылӧн Давид батьлы. Давид водзвыв дасьтіс унатор, медым евусса Орнанлӧн гумла вылын сэсся лэптісны крам.

Микей 6:7

Шогмана-ӧ лоӧ Господьлы, вая кӧ сюрс межӧс, вая кӧ ю моз визувтысь олив вый? Сета ӧмӧй ассьым медводдза чужысьӧс лёк вӧчӧмӧй вӧсна, сьӧлӧмувса кагаӧс – мыжӧй вӧсна?

Иоан 3:16

Енмыслы сэтшӧм мусаӧсь йӧзыс, мый сетіс Ассьыс ӧтка Писӧ, медым Сылы эскысь эз вош, а помтӧг оліс.

Римӧ 5:8

Но кор ми олім мыжас на, Кристос куліс миян вӧсна. Тайӧн Енмыс петкӧдліс миян дінӧ Ассьыс муслунсӧ.

Римӧ 8:32

Ӧд Енмыс Ассьыс Писӧ эз жалит, а сетіс Сійӧс ставным вӧсна. Сыкӧд тшӧтш оз ӧмӧй сет миянлы и став мукӧдторсӧ?

Еврейяслы 11:17

Эскӧмӧн Ӧвраам вайис вись пыдди Исаакӧс, кор Енмыс кӧсйис тӧдмавны сылысь эскӧмсӧ. Ӧвраам дась вӧлі сетны вись пыдди ассьыс ӧтка писӧ, кодӧс Енмыс сылы кӧсйысьліс.

Ёрдысьяс 11:31

сэки найӧс вермӧм бӧрын гортӧ локтігам ме сета Тэныд сійӧс, коді менам керкаысь медводдзаӧн петас меным воча. Сійӧс ме вая Тэныд сотан вись пыдди».

Ёрдысьяс 11:39

Кык тӧлысь кольӧм бӧрын ныв локтіс батьыс ордӧ. Батьыс збыльмӧдіс Господьлы кыв сетӧмсӧ, и нылыс куліс, верӧс сайӧ эз мунлы. Тайӧ кадсяньыс Израиль войтыр пӧвстын