Олӧм 21:22 - Коми Библия 2023

²² Сійӧ кадас Авимелек [Ахузаткӧд, коді колльӧдіс Авимелеклысь гӧтырпусӧ кӧлысь дырйи,] да тышкайӧзӧн веськӧдлысь Пикол шуисны Ӧвраамлы: «Тэкӧд Ен, Сійӧ быдторйын отсалӧ тэныд.

Олӧм 21:22 Kruisverwysings

Олӧм 20:14

Авимелек козьналіс Ӧвраамлы [сюрс сикель эзысь,] ыжъясӧс, мӧсъясӧс, кесйӧг айуловӧс да аньясӧс. Бӧр сетіс сылы Сарраӧс

Олӧм 20:17

Ӧвраам кевмысис Енлы, и Ен бурдӧдіс Авимелекӧс, сылысь гӧтырсӧ да кесйӧг аньяссӧ. Найӧ бара вермисны чужтыны.

Олӧм 20:2

Ӧвраам ассьыс Сарра гӧтырсӧ шуис чойӧн. [Ӧд сійӧ поліс шуны гӧтырнас, мед сэтчӧс карса олысьяс эз вины сы вӧсна Ӧвраамӧс.] Авимелек, Герар карса ӧксы, тшӧктіс аслас йӧзлы вайӧдны Сарраӧс ас ордас.

Олӧм 26:26

Герарысь Исаак дінӧ локтіс Авимелек. Сыкӧд тшӧтш локтісны Ахузат ёртыс да тышкайӧзӧн веськӧдлысь Пикол.

Олӧм 26:28

Найӧ шуисны: «Тэкӧд збыльысь Господь! Ми кӧсъям сёрнитчыны тэкӧд. Сет миянлы кыв,

Олӧм 28:15

Ме лоа тэкӧд. Ме видза тэнӧ быдлаын, кытчӧ тэ мунан, да бӧр вайӧда тэнӧ тайӧ муас. Ме ог коль тэнӧ, а вӧча сійӧ, мый кӧсйыси тэныд».

Олӧм 30:27

Лаван шуис сылы: «Ло бур сьӧлӧма, кывзы менӧ! Ӧні ме тӧда, мый тэ вӧсна Господь бурсиис менӧ.

Олӧм 31:5

Налы шуис: «Батьныдлӧн чужӧм сертиыс ме казялі, мый сійӧ кутіс мустӧмтны менӧ. Но менам батьӧйлӧн Енмыс мекӧд.

Ӧксыяслӧн 2 небӧг 24:7

Сэсся мунісны Тир изкарӧ. Кытшовтісны хивейяслысь да ханаансаяслысь став карсӧ да локтісны Бер-Шеваӧ, Иуда мулӧн лунвыв карӧ.

2 Каднебӧг 1:1

Давидлӧн Соломон пиыс лои вына ӧксыӧн. Господь, сылӧн Енмыс, вӧлі сыкӧд и вылӧ кыпӧдіс сійӧс.

Исай 45:14

Господь тадзи висьталӧ: – Ставыс тайӧ, мый чукӧртісны египетсаяс, мыйӧн вузасьӧм помысь озырмисны эфиопияса олысьяс да саваса гырысь йӧз, вуджас тэныд, Менам войтырӧй, ставыс лоӧ тэнад. Найӧ, чептӧн дорӧмаяс, мунасны тэ бӧрся, уськӧдчасны тэ водзӧ да кутасны кевмысьӧмӧн шуавны: «Сӧмын тэкӧд Енмыс, и мӧд Енмыс абу!»

Исай 8:10

Мӧвпалӧй да дасьтысьӧй, но тіян мӧвпыштӧманыд оз збыльмы. Сёрнитчӧй ӧта-мӧдныдкӧд, но тіян нинӧм оз артмы. Ӧд миянкӧд Ен!

Закар 8:23

Господь Саваоф тадзи висьталӧ: сійӧ лунъясӧ быд иудейлӧн паськӧм бӧждорӧ кутчысясны мукӧд войтыръясысь дас морт, ас кыв вылас найӧ шуасны: «Ми тэкӧд мунам, ӧд ми кывлім, мый тэнад войтыркӧд Ен».

Матвей 1:23

– Ныв сьӧктас, сэсся пи чужтас. Эммануил ним Сылы пуктасны. Нимыс висьталӧ: миянкӧд Ен.

Римӧ 8:31

Мый та вылӧ шуам? Енмыс кӧ миян дор, коді миянлы паныд?

1 Коринфӧ 14:25

сэки сылӧн гуся мӧвпъясыс воссясны. Тайӧ мортыс копыртчас Ен водзӧ да шуас: «Енмыс збыльысь тіянкӧд!»

Еврейяслы 13:5

Сьӧм вылӧ энӧ горшасьӧй, тырмӧдӧй сійӧ, мый эм. Ачыс Енмыс ӧд шуис: – Ог коль тэнӧ, ог эновт тэнӧ.

Нав Исус 3:7

Господь шуис Исуслы: «Талун Ме нимӧда тэнӧ став Израиль войтыр водзын. Найӧ тӧдмаласны, мый Ме тэкӧд, кыдзи вӧлі и Мӧисейкӧд.

Восьтӧм 3:9

Со, Ме сета тэныд сӧтаналӧн йӧз чукӧрысь найӧс, кодъяс шуӧны асьнысӧ иудейясӧн, но найӧ абу иудейяс, а пӧръясьысьяс. Ме вӧча тадзи: найӧ локтасны да уськӧдчасны тэнад кок улӧ. Сэки тӧдмаласны, мый тэ – Меным муса.

Ӧксыяслӧн 1 небӧг 24:22

Господь водзын сет меным кыв, мый менам кулӧм бӧрын тэ он ви месянь чужысьясӧс да он бырӧд менсьым нимӧс бать рӧдысь».

Ӧксыяслӧн 1 небӧг 3:19

Самуил быдмис, Господь вӧлі сыкӧд. Ставсӧ, мый сійӧ висьтавліс Господь нимсянь, Господь збыльмӧдіс.