Олӧм 15:3 - Коми Библия 2023

³ Ӧврам нӧшта шуис: «Менам став овмӧсӧй вичмас сылы, ӧд Тэ эн сет меным пи».

Олӧм 15:3 Kruisverwysings

Олӧм 12:2

Ме сета тэсянь чужны унасьыс-уна войтырлы, бурсиа да нимӧда тэнӧ, и тэ лоан мукӧдлы бурсиӧмӧн!

Олӧм 13:16

Тэсянь чужысьыс лыа чир мында лоас. Вермас кӧ кодкӧ артавны лыа чирсӧ, вермас артавны и тэсянь чужысьсӧ.

Олӧм 14:14

Ӧврам мыйӧн тӧдмаліс Лотӧс пленӧ босьтӧм йылысь, чукӧртіс куимсё дас кӧкъямыс кесйӧгӧс, кодъяс чужлісны сы ордын, да Лотӧс босьтысьяс бӧрся вӧтчис Данӧдз.

Олӧм 15:2

Ӧврам шуис: «Господьӧй Ыджыдӧй! Мый Тэ сетан меным? Менам ныв-пиӧй абу, овмӧсӧн веськӧдлӧ Дамаскысь Элизер».

Шусьӧгъяс 13:12

Дыр виччысьӧмысь сьӧлӧмыд нюкыртчӧ, збыльмӧм кӧсйӧмыд олӧмыслӧн пу кодь.

Шусьӧгъяс 29:21

Ичӧтдырсяньыс кӧ кесйӧгтӧ вельмӧдан, бурӧн тайӧ оз помась.

Шусьӧгъяс 30:23

верӧс сайӧ петысь мустӧм аньӧс да аслас кӧзяйкаыс пыдди пуксьысь кесйӧг аньӧс.

Еклесиаст 2:7

Ме ньӧби кесйӧг айуловӧс да кесйӧг аньясӧс, и менам керка помын чужисны кесйӧгъяс. Ыж-мӧскыс менам вӧлі ёна унджык налӧн дорысь, кодъяс меӧдз юравлісны Ерусалимын.

Еремей 12:1

– Господьӧй, кор ме вая ассьым могӧс Тэ водзӧ, Тэ веськыда вӧчан. Но ме юала Тэнсьыд веськыда мыждӧм йылысь. Мыйла лёк вӧчысьяслӧн ставыс артмӧ, мыйла Енсӧ эновтысьяс бура олӧны?