Олӧм 1:9 - Коми Библия 2023

⁹ Ен шуис: «Енэжувса ваыс мед чукӧрмас ӧтилаӧ, да тыдовтчас косін». И лои тадз. [Енэжувса ваыс чукӧрмис аслас местаӧ, и тыдовтчис косін.]

Олӧм 1:9 Kruisverwysings

Олӧм 1:8

Ен нимтіс енэжвевтсӧ енэжӧн. [Ен аддзис, мый тайӧ бур.] Вӧлі рыт, вӧлі асыв – мӧд лун.

Неемий 9:6

[Ездра шыасис]: – Тэ – ӧти Господь! Тэ вӧчин енэжсӧ, енэжвыв енэжъяссӧ да вынъяссӧ, мусӧ да ставсӧ, мый сы вылын, саридзсӧ да ставсӧ, мый сэні эм. Тэ ставыслы сетан олӧм, енэжвыв вынъяс копрасьӧны Тэныд!

Иов 26:10

Ва веркӧсті Сійӧ нуӧдіс визь, торйӧдіс югыдсӧ пемыдысь.

Иов 26:7

Енмыс шевкнитіс войвывсӧ нинӧм весьтас, ӧшӧдіс мусӧ абутӧмас.

Псалтыр 104:3

Ошйысьӧй Сылӧн вежа нимнас! Господьӧс корсьысьлӧн мед нимкодясяс сьӧлӧмыс!

Псалтыр 33:7

Ме, коньӧр морт, шыаси Господь дінӧ, и Сійӧ кыліс менӧ да став шогсьыс мездіс менӧ.

Псалтыр 95:5

Войтыръяслӧн енъясыс – идолъяс, а Господь енэжъяс вӧчис.

Еклесиаст 1:7

Став юыс визувтӧ саридзӧ, но саридзыс оз тыр. Ваыс бӧр бергӧдчӧ юлӧн петанінӧ, медым бара визувтны.

Еремей 5:22

Ті ӧмӧй онӧ полӧй Меысь, – висьталӧ Господь, – ті ӧмӧй онӧ тіралӧй Ме водзын? Лыасӧ Ме пукті саридзлы вежтасӧн, потши саридзсӧ нэмъяс кежлӧ, сы сайӧ саридз оз вермы вуджнысӧ. Гыясыс ӧдӧбӧн уськӧдчылӧны, но сэсся бӧр бергӧдчӧны, найӧ ызгӧны, но вежтассӧ вуджны оз вермыны.

Иона 1:9

Иона вочавидзис: «Ме – еврей. Юрбита Господьлы, енэжвывса Енлы, саридзсӧ да мусӧ Вӧчысьлы».

2 Петыр 3:5

Тадзи мӧвпалысьяс быттьӧ оз тӧдны, мый Ен кывйӧн артмӧдӧма енэжсӧ да мусӧ, вӧчӧма ваысь да ва отсӧгӧн,

Восьтӧм 10:6

да кыв сетіс помтӧг Олысь водзын, коді вӧчис енэжсӧ да сэні олысьясӧс, мусӧ да сы вылын олысьясӧс, саридзсӧ да сы пытшкын олысьясӧс. Сійӧ кыв сетӧмӧн шуис: «Кадыс оз нин ло.