3 Ен шуис: «Мед лоас югыд». И лои югыд.
Тадзи вӧлі вӧчӧма енэжсӧ да мусӧ. Кор Господь Ен вӧчис енэжсӧ да мусӧ,
Енэж пасьтала Сійӧ койыштӧ чардбисӧ, саридз пыдӧссӧ Сійӧ пӧдлалӧ.
Кӧні туйыс югыдыслӧн оланінӧ? Кӧні олӧ пемыдыс?
Сьылӧй Сылы, ошкӧй Сійӧс, висьтавлӧй Сылӧн шензьӧдана уджъясыс йылысь!
Гӧгӧрвоӧд меным Ассьыд тшӧктӧмъястӧ, медым тӧдны Тэнсьыд шензьӧданаторъястӧ.
Найӧ мед ошкасны Господьлысь нимсӧ, ӧд [Сійӧ шуис, и найӧ лоины,] Сійӧ тшӧктіс, и найӧ артмисны.
Сы вылӧ видзӧдысьяслӧн чужӧмныс югдӧ, найӧ некор оз янавны.
Тӧдмалӧй Господьӧс, и аддзанныд, кутшӧм Сійӧ бур! Шуда сійӧ мортыс, коді лача кутӧ Господь вылӧ.
Ме вӧча югыдсӧ и пемыдсӧ, Ме мӧдӧда бурсӧ и лёксӧ. Ме, Господь, вӧча ставсӧ тайӧс.
Луннас шондіыс оз нин понды тэныд югдӧдны, тӧлысьыс оз понды дзирдавны, но Ачыс Господь лоӧ тэныд бырлытӧм югыдӧн, тэнад Енмыд лоӧ тэнад дзирдлунӧн.
Исус нюжӧдіс кисӧ, инмӧдчыліс сы дінӧ да шуис: «Кӧсъя. Сӧстӧммы». Висьысьлӧн дойясыс дзик пыр бырисны, сійӧ бурдіс.
Югыдыс пемыдас югдӧдӧ, сійӧс пемыдыс эз пӧдты.
Збыль Югыдыс, быд мортӧс югдӧдысь, локтіс муюгыдас.
Та бӧрын Исус гораа горӧдіс: «Лазар, пет сэтысь!»
Мыждӧмыс сыын, мый му вылас локтіс югыдыс, но йӧзыслы мусаджык вӧлі пемыдыс, ӧд налӧн уджъясыс лёкӧсь.
Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.
Сійӧн и шуӧма: – Садьмы, узьысь, ловзьы кулӧмысь, и тэнӧ югдӧдас Кристос.
Коркӧ ті вӧлінныд пемыдӧн, ӧні ті Господь пытшкынӧсь да лоинныд югыднас. Сідзкӧ, олӧй югыдыслӧн ныв-пи моз.
Сійӧ ӧтнас кувлытӧм, олӧ югыдас, кытчӧ матыстчыны он вермы. Морт Сійӧс эз аддзыв, и аддзыны оз вермы. Сійӧс нимӧдӧмыс, Сылӧн ыджыдалӧмыс помтӧм. Аминь.
Енмыс эм югыдыс, Сы пытшкын пемыдыс абу. Тайӧ юӧрсӧ ми кывлім Ен Писянь, ӧні юӧртам сійӧс тіянлы.
Збыльвылас, ме гижа выль тшӧктӧм. Сійӧ збыльмӧ Кристос пытшкын да тіян пытшкын, ӧд пемыдыс вешйӧ, а збыль югыдыс югдӧдӧ нин.
