1 Медводз Ен вӧчис енэж да му.
Езекей пондіс кевмысьны: «Господьӧй, Израильлӧн Енмӧй! Тэ пукалан херувимъяс вылын. Тэ – ӧти Ен, Тэ ыджыдалан став му пасьталаыс. Тэ вӧчин енэжсӧ и мусӧ.
Войтыръяслӧн енъясыс – идолъяс, а Господь енэжъяс вӧчис.
Тирса Хирам ӧксы мӧдӧдіс Соломонлы гижӧд: «Господь радейтӧ Ассьыс войтырсӧ, та вӧсна пуктіс тэнӧ налы ӧксыӧ».
[Ездра шыасис]: – Тэ – ӧти Господь! Тэ вӧчин енэжсӧ, енэжвыв енэжъяссӧ да вынъяссӧ, мусӧ да ставсӧ, мый сы вылын, саридзсӧ да ставсӧ, мый сэні эм. Тэ ставыслы сетан олӧм, енэжвыв вынъяс копрасьӧны Тэныд!
Енлӧн пӧльыштӧмысь енэжыс мичаммӧ, Сылӧн киыс бытшкӧ ӧдйӧ пышйысь змейӧс.
Кӧні тэ вӧлін, кор Ме пукті муыслы подувсӧ? Висьтав, тӧдан кӧ.
Сійӧ ӧтнас шевкнитіс енэжсӧ, Сійӧ ветлӧ саридзса гыяс вывті.
Сэні Господь рӧдмӧдіс Ассьыс войтырсӧ, вӧчис вӧрӧг дорысь вынаджыкӧн.
Налӧн муыс тырис жабаясӧн, найӧ локтісны весиг ӧксылӧн вежӧсъясӧ.
Ерусалим, Тэнад дзиръяяс дорын ми сулалам.
Ошкӧй Господьӧс, ӧд Сійӧ бур. Сьылӧмӧн ошкӧй Сылысь нимсӧ, ӧд Сылӧн нимыс мича.
Ерусалим, ме кӧ вунӧда тэнӧ, менам веськыд киӧй мед вынтӧммас.
Рам сьӧлӧмаӧс Господь кыпӧдӧ, а лёк вӧчысьӧс уськӧдӧ муӧдзыс.
Сы вылӧ видзӧдысьяслӧн чужӧмныс югдӧ, найӧ некор оз янавны.
Тӧдмалӧй Господьӧс, и аддзанныд, кутшӧм Сійӧ бур! Шуда сійӧ мортыс, коді лача кутӧ Господь вылӧ.
Челядь да морӧсбердса кагаяс вомсянь Тэ кыпӧдан Аслыд ошкӧмсӧ, медым янӧдны Тэнӧ мустӧмтысьясӧс, медым тупкыны лӧгалысьяслысь да водзӧс перйысьяслысь вомсӧ.
Кор ме видзӧда енэжас – Тэнад киӧн вӧчӧмтор вылӧ, тӧлысь да кодзувъяс вылӧ, кодъясӧс Тэ пуктін енэжас,
шуӧ Господьлы: «Тэ – менам сайӧдчаніныс да изкарыс, Тэ – менам Ен, Тэ вылӧ ме лача кута».
Господьлӧн чужӧмбан водзын сись моз сылӧны керӧсъяс, ӧд Сійӧ став му пасьтала Ыджыдыс.
Ӧд квайт лун чӧж Господь вӧчис енэжсӧ, мусӧ, саридзсӧ да ставсӧ, мый сэні эм, а сизимӧд луннас Сійӧ шойччис. Та вӧсна Господь бурсиис шойччан лун да вежӧдіс сійӧс.
Синай керӧсын Мӧисейкӧд сёрнитӧм бӧрын Ен сетіс сылы йитӧдлысь кык изпӧв, кытчӧ Аслас киӧн гижис кывъяссӧ.
Господь ставсӧ вӧчӧма мыйкӧ могысь, весиг мыж вӧчысьӧс лёк луныс кежлӧ вӧчӧма.
Мывкыдлуннас Господь вӧчис мусӧ, Аслас вежӧрӧн вӧчис енэжсӧ.
Эн вунӧд ассьыд Вӧчысьтӧ том каднад, ӧд кор воасны сьӧкыд лунъяс да вояс, сэки сьӧлӧмтӧ нинӧм оз кут гажӧдны.
«Господь Саваоф, Израильлӧн Ен! Тэ пукалан херувимъяс вылын. Тэ – ӧти Ен, Тэ ыджыдалан став му пасьталаыс. Тэ вӧчин енэжсӧ и мусӧ.
Ті ӧмӧй онӧ тӧдӧй, ті ӧмӧй энӧ кывлӧй? Тіянлы ӧмӧй эз висьтавлыны водзысяньыс, ті ӧмӧй му пуксьӧмсяньыс онӧ вежӧртӧй тайӧс?
Лэптӧй синнытӧ вывлань да видзӧдлӧй: коді ставсӧ тайӧс вӧчис? Сійӧ, коді вӧчис енэжвывса югзьӧданторъяс, тӧдӧ налысь лыдсӧ, ставнысӧ шуӧ нимнас. Найӧ ставныс ӧтитӧг мыччысьӧны – татшӧм ыджыд Сылӧн выныс да вынйӧрыс!
Тэ ӧмӧй он тӧд, тэ ӧмӧй эн кывлы, мый Господь – помтӧг олысь Ен, Сійӧ вӧчис став муюгыдсӧ, Сійӧ оз мудз, оз жебмы. Сылысь мывкыдлунсӧ он туяв.
Господь Ен вӧчис енэжсӧ да шевкнитіс сійӧс, вӧчис му да ставсӧ, мый сэні быдмӧ. Мувывса войтырлы Сійӧ сетӧ олӧм, мувывса йӧзлы – ловшы. Сійӧ тадзи висьталӧ:
Господь, коді ньӧбис тэнӧ, вӧчис тэнӧ мамыдлӧн кынӧмас, тадзи висьталӧ: – Ме – Господь, Ме вӧчи ставсӧ, ӧтнамӧн шевкниті енэжсӧ, Аслам вына киӧн Ме вольсалі мусӧ.
Господь эм Ен, Сійӧ вӧчис енэжсӧ, вӧчис-артмӧдіс мусӧ, вӧчис сійӧс зумыдӧн, эз вӧч мусӧ кушӧн, но артмӧдіс мусӧ, медым сэні вӧлі олӧм. Господь тадзи висьталӧ: – Ме – Господь, и мӧд Енмыс абу.
А Господьӧс тэ вунӧдан. Сійӧ вӧчис тэнӧ, шевкнитіс енэжсӧ, зумыда сувтӧдіс мусӧ. Мыйла тэ пыр полан дзескӧдысьлӧн скӧралӧмысь, полан сыысь, коді дась тэнӧ бырӧдны? Но кӧні нӧ тэнӧ дзескӧдысьлӧн скӧралӧмыс?
Ассьым кывъясӧс Ме пукті тэнад вомӧ, вевтти тэнӧ Аслам ки вуджӧрӧн. Ме шевкниті енэжсӧ, зумыда сувтӧді мусӧ. Ме шуа Сионлы: «Тэ – Менам войтырӧй!»
Со, Ме вӧча выль енэж да выль му. Важсӧ лоӧ вунӧдӧма, некод оз кут казьтывны сы йылысь.
Аслас вынӧн Господь вӧчис мусӧ, Аслас мывкыдлунӧн муюгыдыслы пуктіс подувсӧ, Аслас вежӧрлунӧн шевкнитіс енэжсӧ.
– Господьӧй Ыджыдӧй! Аслад ыджыд вынӧн да нюжӧдӧм киӧн Тэ вӧчин енэжсӧ и мусӧ, Тэныд нинӧм абу вермытӧмыс!
Водзвыв висьталӧм. Израиль йылысь Господьлӧн кыв. Господь, коді шевкнитіс енэжсӧ, пуктіс мулы подувсӧ да артмӧдіс морт пытшкын ловсӧ, висьталӧ:
Сэки Исус шуис: «Ошка Тэнӧ, Батьӧй, енэжыс да муыс вылын Ыджыдалысьӧс! Тэ дзебин тайӧс сюсь вежӧраясысь да восьтін кага коддьӧмлы.
Сійӧ лунъясӧ ыджыд шог суас йӧзсӧ, татшӧмыс Енмӧн муюгыдсӧ вӧчӧмсянь эз на вӧвлы да оз нин ло.
«Мый ті вӧчанныд? Ми ӧд тіян кодь жӧ мортъяс. Ми вайим Бур Юӧр тіянлы, медым ті бергӧдчинныд ковтӧм енъяссьыныд ловъя Ен дінӧ, коді вӧчис енэжсӧ, мусӧ, саридзсӧ да ставсӧ, мый сэні эм.
Муюгыдсӧ да ставсӧ вӧчысь Ен, енэжыслӧн да муыслӧн Господь, оз киӧн вӧчӧм крамъясын ов.
Найӧс кывзӧм бӧрын ставныс ӧтвылысь шыасисны Ен дінӧ: «Ыджыдӧй, Тэ вӧчин енэжсӧ, мусӧ, саридзсӧ да ставсӧ, мый сэні эм!
Ӧд ставыс Сысянь, Сы пыр да Сылы. Ошкӧм Сылы нэмъяс чӧж! Аминь.
но миян эм сӧмын ӧти Ен Бать. Сійӧ ставсӧ вӧчӧма, Сылы ми олам. Миян эм сӧмын ӧти Господь – Исус Кристос. Сы пыр вӧчӧма ставсӧ, Сы пыр сетӧма миянлы олӧм.
да восьтны быдӧнлы Енмыслысь водзвыв мӧвпыштӧм гусяторсӧ. Енмыс, коді вӧчис ставсӧ Исус Кристос пыр, видзис тайӧ гусяторсӧ Ас пытшкас нэмъяс пуксьытӧдзыс на,
Нӧшта шуӧма: – Господьӧй, медводз Тэ вӧчин мусӧ, енэжыс тшӧтш Тэнад вӧчӧмтор.
Тайӧ бӧръя кадас Сійӧ шыасьліс миян дінӧ Пиыс пыр. Енмыс сетіс Сылы ставсӧ, Сы пыр вӧчис ентыкӧласӧ.
Эскӧмӧн ми гӧгӧрвоам, мый ентыкӧлаыс артмӧма Ен кывйӧн. Тадзи аддзытӧмсьыс лои аддзанаыс.
Быд керкалӧн эм аслас вӧчысь, но Ставсӧвӧчысьыс – Ен.
Тадзи мӧвпалысьяс быттьӧ оз тӧдны, мый Ен кывйӧн артмӧдӧма енэжсӧ да мусӧ, вӧчӧма ваысь да ва отсӧгӧн,
Ми висьталам сы йылысь, мый вӧлі водзысяньыс, мый кывлім да ас синмӧн аддзылім, мый видзӧдалім да ас киӧн видлалім. Ми висьталам олӧмыслӧн кыв йылысь.
да кыв сетіс помтӧг Олысь водзын, коді вӧчис енэжсӧ да сэні олысьясӧс, мусӧ да сы вылын олысьясӧс, саридзсӧ да сы пытшкын олысьясӧс. Сійӧ кыв сетӧмӧн шуис: «Кадыс оз нин ло.
Анделыс гораа шуаліс: «Полӧй Енсьыс да ошкӧй Сійӧс, ӧд воис Сылӧн мыждан луныс. Копыртчылӧй Сылы, коді вӧчис енэжсӧ да мусӧ, саридзсӧ да ва петанінъяссӧ!»
Сійӧ шуис меным: «Ставсӧ вӧчӧма! Ме эм Альфа и Омега, Панасыс и Помыс. Кодлӧн косьмӧ горшыс, сійӧс дон босьттӧг юктӧда ваӧн, коді визувтӧ ловъя ва петанінысь.
Ме эм Альфа и Омега, Панасыс и Помыс, Медводдзаыс и Медбӧръяыс».
«Лаодикия вичкоса анделлы тадзи гиж: Со мый висьталӧ Аминь, эскана да збыль Висьталысь, Енлӧн став вӧчӧмторлы Подулыс.
– Господьӧй, Тэ шогман сибӧдны ошкӧм-нимӧдӧмсӧ да вынсӧ, ӧд Тэ вӧчин ставсӧ. Тэнад кӧсйӧм серти вӧчӧма ставсӧ, Тэнад кӧсйӧм серти ставыс олӧ.
