Ӧксыяслӧн 3 небӧг 3:1 - Коми Библия 2023

¹ Соломонлӧн юралӧмыс вӧлі зумыд. Соломон босьтіс гӧтырӧ египетса фараонлысь нывсӧ, тадзи найӧ рӧдвужасисны фараонкӧд. Гӧтырсӧ Соломон вайӧдіс Давид карӧ. Сэні гӧтырыс оліс, кытчӧдз Соломон эз лэпты Ерусалимын аслыс олан керка, Господьлы крам да Ерусалим гӧгӧр стен.

Ӧксыяслӧн 3 небӧг 3:1 Kruisverwysings

Ӧксыяслӧн 2 небӧг 5:7

Но Давид босьтіс Сион изкар. Бӧрынджык изкарсӧ нимтісны Давид карӧн.

Ӧксыяслӧн 3 небӧг 11:1

Фараон нылысь ӧтдор Соломонлӧн вӧлі мукӧд войтыръяс пиысь босьтӧм уна гӧтыр, кодъясӧс сійӧ тшӧтш радейтіс. Найӧ вӧліны моав, аммон, эдом, сидон да хеттей

Ӧксыяслӧн 3 небӧг 2:10

Давид куліс да вуджис батьясыс дінӧ. Сійӧс дзебисны Давид карӧ.

Ӧксыяслӧн 3 небӧг 6:1

Соломон пондіс лэптыны Господьлы крам Израильын аслас нёльӧд ӧксыалан воӧ, зиф нима мӧд тӧлысьӧ. Тайӧ вӧлі Израиль войтырлӧн Египетысь петӧмсянь нёльсё кӧкъямысдасӧд воын.

Ӧксыяслӧн 3 небӧг 7:1

Ассьыс керкасӧ Соломон лэптіс дас куим во чӧж.

Ӧксыяслӧн 3 небӧг 7:8

Соломонлӧн олан керкаыс сулаліс мӧд йӧрын, юралан керка сайын. Сылӧн олан керкаыс вӧлі юралан керка кодь жӧ. Соломон вӧчис татшӧм жӧ керка фараон нывлы, кодӧс сійӧ босьтіс гӧтырӧ.

Ӧксыяслӧн 3 небӧг 9:1

Соломон помаліс вӧчны Господьлысь крамсӧ, ассьыс ӧксы керкасӧ да ставсӧ, мый кӧсйис вӧчны.

Ӧксыяслӧн 3 небӧг 9:10

Кызь во чӧжӧн Соломон лэптіс кык керка – Господьлы крам да аслыс ӧксы керка.

Ӧксыяслӧн 3 небӧг 9:24

Фараонлӧн нылыс вуджис Давид карысь аслас керкаӧ. Тайӧ керкасӧ сылы вӧчис Соломон, сійӧ лэптіс тшӧтш Милло, Давид карлысь юкӧнсӧ.

1 Каднебӧг 11:7

Давид овмӧдчис изкарӧ, та вӧсна изкарсӧ кутісны нимтыны Давид карӧн.

2 Каднебӧг 18:1

Иосафатлӧн вӧлі уна озырлун, сійӧ ёна нималіс. Сійӧ лои рӧдвужӧн Ахавлы.

2 Каднебӧг 8:11

Фараонлысь нывсӧ Соломон вуджӧдіс Давид карысь сылы вӧчӧдӧм керкаӧ. Соломон шуис: «Менам гӧтырӧйлы оз позь овны израильса Давид ӧксы керкаын. Тайӧ керкаыс вежа, ӧд татчӧ коркӧ вайлісны Господьлысь Йитӧд кудсӧ».

Ездра 5:11

Найӧ вочавидзисны миянлы тадзи: ”Ми енэжын да му вылын ыджыдалысь Енлӧн кесйӧгъяс. Ми выльысь вӧчам крамсӧ, кодӧс вӧлі лэптӧма тані уна во сайын. Сійӧс лэптыліс Израильлӧн ыджыд ӧксы.

Ездра 9:14

Та бӧрын бара ӧмӧй ми торкам Тэнсьыд тшӧктӧмъястӧ да рӧдвужасям тайӧ пеж войтыръясыскӧд? Тэ ӧд верман чорыда скӧрмыны миян вылӧ да дзикӧдз бырӧдны миянӧс, мый весиг ӧти морт оз коль.

Индӧд 23:8

Налӧн пияныс коймӧд чужанвужсянь вермасны лоны Господь войтырлӧн чукӧртчӧмын».